მაქვს პოლიკისტოზი და საშინლად მაწუხებს თმიანობა რო... | გინეკოლოგია - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

0
უფასო კითხვა
0
ფასიანი კითხვა
კითხვა-პასუხი - გინეკოლოგია

კატეგორია - გინეკოლოგია

01-07-2012

-მაქვს პოლიკისტოზი და საშინლად მაწუხებს თმიანობა როგორ ვუმკურნალო დამეხმარეთ რაა თმიანობა როგორ მოვიშორო მთელი სხეულიდან? დიდი დიდი მადლობა წინასწარ

პასუხი
-საკვერცხეების პოლიკისტოზი ეწოდება ამ ორგანოებში მრავლობითი წვრილი კისტების არსებობას. დაავადება სქესობრივი მომწიფებისა და რეპროდუქციულ ასაკში გვხვდება. საკვერცხის პოლიკისტოზი იზოლირებული დაავადება კი არ არის, არამედ რიგი ჰორმონალური დარღვევის შედეგად განვითარებული სინდრომია. ამის მიზეზი შეიძლება იყოს:იპერპროლაქტინემია; ინსულინორეზისტენტობა, თირკმელზედა ჯირკვლის თანდაყოლილი ჰიპერფუნქცია. საკვერცხეების პოლიკისტოზის სინდრომის განვითარებას ხელს უწყობს:
-ორსულობის დროს განვითარებული სხვადასხვა პათოლოგიური მდგომარეობა (ორსულობის შეწყვეტის საშიშროება, ტოქსიკოზი, ექსტრაგენიტალიური დაავადებები), -
ორსულობის პერიოდში გამოყენებული პრეპარატები (განსაკუთრებით ჰორმონალური), -ბავშვობის და სქესობრივი მომწიფების პერიოდში განვითარებული დაავადებები და პათოლოგიური მდგომარეობები (ქრონიკული ინფექციები, ინტოქსიკაციები, გადაჭარბებული გონებრივი და ფიზიკური დატვირთვა, უკმარისი კვება და სხვა),
-მემკვიდრული ფაქტორები,
-მშობელთა ხანდაზმული ასაკი.
-დაავადება შეიძლება განვითარდეს სტრესული სიტუაციების მოქმედებითაც (ფსიქიკური ტრავმები, სქესობრივი ცხოვრების დაწყება, აბორტი და სხვა). გამოყოფენ საკვერცხეების პოლიკისტოზის სამ ძირითად კლინიკურ და პათოგენეზურ ფორმას: პირველადი-საკვერცხისმიერი და ორი მეორადი (შერწყმული)-თირკმელზედა ჯირკვლისმიერი და ჰიპოთალამურ-ჰიპოფიზური.
საკვერცხის პოლიკისტოზის კლინიკური სურათი ხასიათდება:
-მენსტრუალური ციკლის დარღვევა ოლიგომენორეის ტიპით (იშვიათი მენსტრუაცია);
-ქრონიკული ანოვულაციით გამოწვეული უშვილობა;
-ჭარბთმიანობა (ჰირსუტიზმი),
-სიმსუქნე (გაცხიმოვნება).
ეს სიმპტომები შეიძლება შეგვხვდეს სხვადასხვა თანხვედრით. მკურნალობის მიმართულება დამოკიდებულია იმაზე, თუ რა სურს პაციენტს. თუ მან ექიმს მიმართა უშვილობის მიზეზით, მკურნალობის მიზანი უნდა იყოს ფერტილობის აღდგენა და აქტიური მოქმედება ორსულობის მისაღწევად. თუ პაციენტი არ არის დაოჯახებული და შესაბამისად არ სურს ორსულობა ამ შემთხვევაში მკურნალმა ექიმმა ინდივიდუალურად, პაციენტის ინტერესიდან გამომდინარე უნდა შეარჩიოს მკურნალობის მეთოდი. საკვერცხეების პოლიკისტოზი არ ინკურნება. მას მთელი ცხოვრების მანძილზე სჭირდება მეთვალყურეობა და პერიოდულად მკურნალობა გინეკოლოგის ან გინეკოლოგ-ენდოკრინოლოგის მეთვალყურეობით, იმისდამიხედვით, რა სურს ქალს და რამდენი წლისაა.
თუ პაციენტს ანდროგენები არ აქვს მომატებული, ჰორმონული ბალანსის აღსადგენად პროგესტერონის ჯგუფის პრეპარატები ენიშნება. ჰორმონული ბალანსის აღდგენა ციკლისა და ოვულაციის აღდგენასაც განაპირობებს. ანდროგენების სიჭარბისას, რასაც ჭარბი, მამაკაცური ტიპის თმიანობა და სხვა ნიშნები ავლენს, ინიშნება მათი დონის დამაქვეითებელი პრეპარატები. ზოგჯერ დეზანდროგენიზაციაც საკმარისია.
გინეკოლოგთან კონსულტაციაზე ჩაწერისთვის დაგვიკავშირდით 577 12 04 66
კომენტარები
25 აგვისტო 2017 22:51
ra camali davlio polikistozis dros
23 ივლისი 2016 19:11
რა გამოსავალია პოლიკისტოზის დროსს როცა სურვილია დაფეხმზიმების???
დაამატეთ კომენტარი
მსგავსი კითხვები
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად