.მე დავსვი კითხვა რომელიც ეხებოდა ჩემი 3წლის ბიჭის... | რჩევები მშობლებს - მკურნალი.გე

რუბრიკები

ოჯახის მკურნალის ანონსი

ივლისი 2020
0
უფასო კითხვა
0
ფასიანი კითხვა
კითხვა-პასუხი - რჩევები მშობლებს

კატეგორია - რჩევები მშობლებს

03-06-2012

-გამარჯობათ.მე დავსვი კითხვა რომელიც ეხებოდა ჩემი 3წლის ბიჭის გლანდების ოპერაციას და გამეცით პასუხი რისთვისაც დიდ მადლობას მოგახსენებთ.მაინტერესებს ოპერაციის შემდეგ სისხლის დენა რომ უტყდებათ როგორ უნდა შევამჩნიოთ და ფარული დენა ხომ არ იცის როგორ უნდა გავიგო?როგორ უნდა მოვიქცე რომ სისხლის დენა ავიცდინოთ?ძალიან გთხოვთ მიპასუხოთ 11ივნის გადაგვიტანეს ოპერაცია და იქნებ მანამდე მოახერხოთ პასუხის გამოცდა.ეხლახანს გავიგე რომ თბილისში 5წლის ბავშვი გლენდების ოპერაციის შემდეგ რო გაწერეს სახლში სისხლის დენა აუტყდა და გარდაიცვალაო და ძAლიან შევშინდი.დიდი მადლობა წინასწარ.

პასუხი

-როგორც წესი შემთხვევათა უმრავლესობაში ოპერაციისთვის სწორად მომზადების, ქირურგიული ოპერაციის სწორად განხორციელების და ნუშურა ჯირკვლების მკვებავი ანატომიურად დიდი სისხლძარღვის არარსებობის შემთხვევაში ტონზილქტომიის შემდგომი პერიოდი გართულების გარეშე ჩაივლის. მაგრამ ამ პირობების არსებობის შემთხვევაშიც კი ნაოპერაციები ავადმყოფი საჭიროებს მორიგე მედპერსონალის  უდიდეს  ყურადღებას,  განსაკუთრებით სისხლდენის თვასლსაზრისით. ნაოპერაციები პაციენტი (მშობელიც) უნდა იქნას გაფრთხილებული იმის შესახებ, რომ კი არ გადაყლაპოს  ნერწყვი და სისხლის კოლტები, არამედ გადმოაფურთხოს სპეციალურ პირსახოცში, ამასთან უხეშად არ უნდა მოიწმინდოს ტუჩები (უბრალოდ მიიდოს ტუჩებზე მშრალი პირსახოცი) , წინააღმდეგ შემთხვევაში ტუჩებზე შეიძლება გაჩნდეს გამონაყარი ან ანთების ნიშნები. ოპერაციის შემდეგ პაციენტმა არ უნდა დაიძინოს უახლოესი 6 საათი მაინც, ღამის საათებში ღ 3-4-ჯერ მაინც უნდა ნახოს მედპერსონალმა (თუ მშობელი ადგას თავზე, მაშინ მშობელმაც უნდა მიაქციოს ყურადღება), რათა დარწმუნდეს, რომ არ აქვს ადგილი სისხლდენას.

განსაკუთრებით მნიშვნელოვანი ამ წესების დაცვა ბევშვების შემთხვევაში, რადგან ისინი  ვერ ასრულებენ მედპერსონალის რეკომენდაციებს სრულყოფილად და ძილის პერიოდში სისხლდენის დაწყების შემთხვევაში ყლაპავენ სისხლს. კუჭის სისხლით ავსება ბავშვებში იწვევს ღებინებას, რაც აღვიძებს მათ და ეწყებათ სისხლიანი ღებინება, ზოგჯერ დიდი რაოდენობითაც კი. საშიშროებას წარმოადგენს არა მარტო მასიური სისხლდენა,  არამედ ძილის დროს  სისხლით ასპირაცია (გადაცდება სასულეში)  და ასფიქსია.

დიდი რაოდენობით სისხლის დაკარგვის შემთხვევაში ბავშვი ფითრდება, არის მოთენთილი, ასხამს ცივი ოფლი, პულსი სუსტია, არტერიული წნევა კლებულობს, სუნთქვა გახშირებული და ზერელეა, გუგები გაფართოებული აქვს. ბავშვს უძლიერდება წყურვილის შეგრძნება. დიდი რაოდენობით სისხლის დაკარგვა იწვევს სისხლდენის სპონტანურ შეწყვეტას, მაგრამ სისხლდენის ზემოაღნიშნული სიმპტომების ჰემორაგიული შოკის მაუწყებელია და თუ არ მოხდა დაუყონებლივ სამედიცინო ჩარევა, მაშინ  შეიძლება ლეტალურად დასრულდეს. მნიშვნელოვანი სისხლდენის შემთხვევაში შეიძლება პაციენტმა გონება დაკარგოს, დაეწყოს კრუნჩხვები, უნებლიე შარდვა და დეფეკაცია. ეს ნიშნები უკიდურესად მძიმე მდგომარეობაზე მიუთითებს. იშვიათად სისხლდენა შეიძლება განვითარდეს ოპერაციიდან მე-5-მე-8 დღეს, მაგრამ როგორც წესი ამ დროს განვითარებული სისხლდენა არ არის საშიში, მაგრამ მაინც საყუარდღებოა.

კომენტარები
დაამატეთ კომენტარი
მსგავსი კითხვები
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად