-მქონდა შიდა ქალის წნევა მქონდა თავის საშინელი ტკივილები და ვიმკურნალე ცოტა ხანი გამიარა ტკივილებმა ახლა ისევ დამეწყო,მაქვს ტკივილები გაუჩერებლად, თითქმის მუდმივად, ტკივილი ძლიერი წამლის გარეშე არ მიჩერდება ან უნდა დავიძინო და ძილში მივლის. ხანდახან ისეთი ტკივილი მაქ შუქიც მაღიზიანებს და თვალებზე გაკრული ვზივარ,თავი თუ მაგრად გავიკარი მაშინ ოდნავ მიჩერდება.რისი ბრალი შეიძლება იყოს,სტრესიც დიდი მაქვს ნერვიულობა მიწევს ბევრი,ვარ 18 წლის წინასწარ დიდი მადლობა.

-თავის ტკივილის გამომწვევი უამრავი მიზეზი, თანამედროვე კლასიფიკაციით, ოთხ ძირითად ჯგუფად იყოფა:
1. თავის ტვინის ორგანული დაავადებები და თავზურგტვინის სითხის დინამიკური მოშლილობები.
2. სისხლძარღვოვანი მიზეზები. ამ ჯგუფს მიეკუთვნება ჰემიკრანია (შაკიკი), ვეგეტოსისხლძარღვოვანი დისტონია და არტერიული ჰიპერტენზია.
3. ფსიქოგენური მიზეზები. ამ ჯგუფს მიაკუთვნებენ დაძაბვისა და ასთენიის თანმხლებ თავის ტკივილს.
4. არატვინოვანი მიზეზები. ეს ყველაზე დიდი ჯგუფია. მას ეკუთვნის:
• კისრის მალების ოსტეოქონდროზი;
• ნებისმიერი ბუნებისა და ლოკალიზაციის ინფექციური დაავადება, რომელთა 40% თავის ტკივილის მწვავე შეტევებს იწვევს, ვირუსული ან ბაქტერიული ინფექციები, რომლებიც თავის ტკივილის შეტევით იწყება;
• მედიკამენტური თავის ტკივილი (ამ მხრივ აღსანიშნავია ორალური კონტრაცეპტივები, ნიტრატები, კოფეინი);
• მეტაბოლური მოშლილობები (ჰიპოქსია, ჰიპერკაპნია, დიალიზი და სხვა);
• ენდოკრინული მოშლილობანი (აკრომეგალია, ჰიპოთირეოიდიზმი, წინარემენსტრუალური სინდრომი, იდიოპათიური შეშუპება);
• თავის ქალას, კისრის, თვალის, ყურის, ცხვირის, ცხვირის დანამატი წიაღების, კბილების, პირის ღრუს პათოლოგიები.
არ შეიძლება ასეთი თავის ტკივილს თვითმკურნალობით და „თავის გაკვრით“ებრძოლოთ, საჭიროა დროული გამოკვლევა და მკურნალობა ნევროპათოლოგთან.