-მოგესალმებით. ჩემს მეუღლეს სპერმაში მცირე სისხლი აღენიშნა, ისიც რამოდენიმეჯერ ყოველთვის არა, რისი ბრალი შეიძლება იყოს?! თან ამ ბოლო დროს წელის ტკივიები აწუხებს, ექიმთან იყო და რაღაც წამლები დაუნიშნა, დალევას რომ მორჩა ისევ დაეწყო წელის ტკივილი. მაინტერესებს ეს ორი რამ ერთმანეთთან კავშირშია? მაინტერესებს სისხლის საერთო ანალიზში გამოჩნდება თუ რამეა სერიოზული? ძალიან ვნერვიულობ იქნებ მიპასუხოთ რა არის მიზეზი და რამდენად სასშიშია. წინასწარ გიხდით მადლობას.

-სპერმაში სისხლის არსებობას ჰემოსპერმიას უწოდებენ. იგი უხშირესად კეთილთვისებიანი ხასიათისაა, თუმცა შეიძლება იყოს სერიოზული უროლოგიური დაავადებების (მაგალითად, პროსტატიტის, ეპიდიდიმიტის, ვეზიკულიტის, პროსტატის ადენომის, წინამდებარე ჯირკვლის სიმსივნური დაავადების, შარდის ბუშტის დაავადებების, და სხვ) სიმპტომიც, ამიტომ აუცილებელია უროლოგთან ვიზიტი და სათანადო გამოკვლევების ჩატარება.  

ჰემოსპერმია შეიძლება იყოს ორგვარი: ჭეშმარიტი და ცრუ. ჭეშმარიტი ჰემოსპერმია ცრუსთან შედარებით უფრო საშიშია. ამ დროს სპერმას აქვს მუქი წითელი ან თითქმის შოკოლადის ფერი. სისხლი შეიძლება სპერმას შეერიოს რამდენიმე გზით - პროსტატიდან, სათესლე პარკიდან, შარდასენი არხიდან, თესლის გამომტანი არხიდან და აშ. ამგვარად, ჭეშმარიტი ჰემოსპერმია შეიძლება იყოს წინამდებარე ჯირკვლის, სათესლე პარკის ან შარდის ბუშტის ანთების ნიშანი. მოხუცებულთა ასაკში ჰემოსპერმია უფრო სერიოზული დაავადების მანიშნებელი შეიძლება იყოს.

ცრუ ჰემოსპერმიის დროს სპერმაში სისხლი ხვდება შარსადენი არხიდან. იგი ალისფერია და ბოლომდე ვერ ასწრებს შერევას ეაკულატთან (შეიმჩნევა ძაფისებრი კოლტები). მისი მიზეზი შეიძლება იყოს ტრავმა და ურეთრის დაავადება. დიაგნოსტირებისათვის უნდა მიმართოთ უროლოგს.