გთხოვთ მითხრათ პრეპარატ ნოვინეტის შესახებ, ექიმმა... | ფარმაკოლოგია - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

0
უფასო კითხვა
0
ფასიანი კითხვა
კითხვა-პასუხი - ფარმაკოლოგია

კატეგორია - ფარმაკოლოგია

01-08-2010

- გთხოვთ მითხრათ პრეპარატ ნოვინეტის შესახებ, ექიმმა დამინიშნა, 3 თვე ვსვამდი იმის გამო, რომ მკერდზე თმები ამომივიდა და ციკლი მქონდა დარღვეული.

პასუხი
- გთავაზობთ პრეპარატის ანოტაციას:
ფარმაკოლოგიური თვისებები და ჩვენება:
ნოვინეტი თრგუნავს განაყოფიერებისათვის მომზადებული კვერცხუჯრედის მომწიფებას. პრეპარატით მკურნალობის დაწყებამდე აუცილებელია პაციენტმა გაიაროს ზოგადი (არტერიული წნევის გაზომვა და შაქრის კონცენტრაციის განსაზღვრა სისხლში) და გინეკოლოგიური გამოკვლევა, რისკთან დაკავშირებული დაავადებების გამოსარიცხად.

წინააღმდეგჩვენება:
ორსულობა, ღვიძლის ფუნქციის მძიმე დარღვევები, მიდრეკილება თრომბოზებისადმი, გულის უკმარისობა, არტერიული ჰიპერტონია, სარძევე ჯირკვლის და ენდომეტრიუმის კიბო, მძიმე მიმდინარეობის შაქრიანი დიაბეტი, უცნობი გენეზის სისხლდენა საშვილოსნოდან, ცხიმოვანი ცვლის დარღვევა, სიყვითლე განვითარებული წინა ორსულობის დროს. პრეპარატით მკურნალობის დაწყებამდე აუცილებელია ექიმის ინფორმირება აღნიშნული და სხვა დაავადებების შესახებ.

დოზირება და მიღების წესი:
პრეპარატის მიღება იწყება მენსტრუალური ციკლის პირველ დღეს.
პირველი ტაბლეტი მიიღება კვირის შესაბამისი დღის მიხედვით ყოველდღიურად 21 დღის განმავლობაში.
ტაბლეტის ამოღება წარმოებს შესაბამისი დღეების მიხედვით, იქამდე სანამ არ იქნება მიღებული ყველა ტაბლეტი. მიღების დღის მონიშვნა ხდება წინასწარ. შესაბამისი დღის ადგილას იხვრიტება ფოლგა.
მთლიანი შეფუთვის გამოყენების შემდეგ დგება 7 დღიანი ინტერვალი, როდესაც აღინიშნება მენსტრუაციის მსგავი სისხლდენა.
მერვე დღეს პრეპარატის მიღება გრძელდება შემდეგი შეფუთვიდან, მიუხედავად იმისა, დამთავრდა თუ არა სისხლდენა. შეფუთვაზე არსებული ციფრები და ისარი მიუთითებენ ტაბლეტების მიღების სისწორეზე.
პრეპარატის არაგეგულარული მიღება, ღებინება, ნაწლავების დაავადება თანმხლები დიარეით, ნივთიერებათა ცვლის ინდივიდუალური დარღვევები და ასევე ზოგიერთი პრეპარატების პარალელური მიღება ხასიათდება უარყოფითი ზეგავლენით პრეპარატის კონტრაცეპტულ თვისებებზე.
იშვიათ შემთხვევაში, თუ შესვენების დროს სისხლდენა არ განვითარდა, პრეპარატის მიღება წყდება და იმართება კონსულტაცია მკურნალ ექიმთან ორსულობის გამოსარიცხად.
თუ პაციენტს დაავიწყდა პრეპარატის მიღება დადგენილ დროს, მისი მიღება წარმოებს უახლოესი 12 საათის განმავლობაში. თუ ეს ინტერვალი აღემატება 12 საათს, ან აღინიშნება ღებინება ან დიარეა, პრეპარატის მიღება გრძელდება დაწყებული შეფუთვიდან, რათა თავიდან ავიცილოთ ნაადრევი სისხლდენები. ასეთ შემთხვევაში რეკომენდებულია დამატებითი არაჰორმონული საშუალებების გამოყენება ორსულობის თავიდან ასაცილებლად (გამონაკლისია კალენდარული მეთოდი და ტემპერატურის გაზომვა). გამოტოვებული ტაბლეტი არ მიიღება. როდესაც გამოილევა დაწყებული შეფუთვა, იწყება 7 დღიანი შესვენება, რომლის დროსაც აღინიშნება სისხლდენა.
თუ სისხლდენა არ განვითარდა, აუცილებელია ექიმთან კონსულტაცია.
თუ პაციენტი იღებდა სხვა ჰორმონულ კონტრაცეპტივს ან მოკლე დროში მშობიარობის ან აბორტის შემდეგ უნდა დაიწყოს ნოვინეტის მიღება, აუცილებელია ექიმთან კონსულტაცია. პრეპარატის მიღების დაწყება რეკომენდებულია მეორე მენსტრუაციის პირველ დღეს.
თი სამედიცინო ჩვენების მიხედვით საჭიროა კონტრაცეპციის ნაადრევი დაწყება, პრეპარატი ინიშნება პირველი მენსტრუაციის პირველ დღეს, მაგრამ ორი კვირის განმავლობაში აუცილებელია სხვა (არაჰორმონალური) ჩასახვის საწინააღმდეგო მეთოდის გამოყენება.

გვერდითი მოვლენები:
ცალკეულ შემთხვევაში შესაძლებელია განვითარდეს: თავის ტკივილი, გულისრევა, ღებინება, სარძევე ჯირკვლების დაძაბულობა, სხეულის წონის ცვალებადობა, თრომბოზები, დეპრესიული მდგომარეობა, პიგმენტური ლაქები, საშოს ინფექციები, ცალკეულ შემთხვევაში აღინიშნება კონტაქტური ლინზების ცუდი ამტანიანობა, არტერიული წნევის მომატება, გამონაყარი კანზე, უჩვეულო დაღლილობა, დიარეა.
ასეთი მოვლენების განვითარების შემთხვევაში საჭიროა ექიმის ინფორმირება.
ქალებში კონტრაცეპივის გამოყენება ხელს უწყობს გარკვეული დაავადებების განვითარებას, მაგალითად, არტერიული თრომბოემბოლიური დაავადება, მიოკარდიუმის ინფარქტი, ინსულტი. ეს რისკი იზრდება ასაკთან და თამბაქოს ძლიერ მოხმარებასთან ერთად.
ამიტომ რეკომენდებულია თამბაქოს მოხმარების შეწყვეტა ქალებში 30 წლის ასაკის ზევით.
პრეპარატით მკურნალობის დაუყოვნებლივი შეწყვეტა:
ორსულობაზე ეჭვის შემთხვევაში, პირველად განვითარებული შაკიკისმაგვარი თავის ტკივილები, ხშირი თავის ძლიერი ტკივილები, მგრძნობელობის დარღვევა (მხედველობის, სმენის), უჩვეულო ტკივილი ქვემო კიდეურებში, მათი შეშუპება, ჩხვლეტითი ხასიათის ტკივილი გულმკერდში ჩასუნთქვისას ან ხველების დროს, ტკივილი გულმკერდში, თრომბოზის განვითარება, სიყვითლე, ქავილი, ეპილეფსიური შეტევების გახშირება, არტერიული წნევის მომატება. ჰორმონული პრეპარატების ხანგრძლივი მიღება იშვიათად იწვევს ღვიძლის კეთილთვისებიანი სიმსივნის განვითარებას. ძალიან იშვიათად _ ავთვისებიანის, რომლებიც ცალკეულ შემთხვევაში იწვევენ სისხლდენებს მუცლის ღრუში, რაც სახიფათოა სიცოცხლისათვის და დამოუკიდებლად არ გაივლის. ამიტომ ასეთ შემთხვევაში საჭიროა ექიმის ინფორმირება.
პრეპარატის მოქმედი ნივთიერება გადადის დედის რძეში, ამიტომ მისი გამოყენება ლაქტაციის პერიოდში რეკომენდებული არ არის.
ჰორმონული კონტრაცეპტივის მიღება დაუშვებელია 6 თვის განმავლობაში გადატანილი ინფექციური ჰეპატიტის შემდეგ.
სხვა პრეპარატების მიღება (მაგალითად, ანტიბიოტიკები, ანტიკოაგულანტები, ანტიდეპრესანტები, საშუალებები, რომლებიც ამცირებენ შაქრის კონცენტრაციას სისხლში) შესაძლებელია ექიმის ინფორმირების შემდეგ.


კომენტარები
05 იანვარი 2017 14:54
რა მაინტერესებს ქსინოკარდი ჭამის მერე ისმევა თუ ჭამამდე და გვერდითი მოვლენები რა აქვს?
12 ივლისი 2016 11:38
გამარჯობა, მაინტერესებს ეს წამალი, ნოვინეტი,შემთხვევით ორსულობისას თუ მიიღე ნაყოფს საფრთხეს ხომ არ შეუქმნის?
დაამატეთ კომენტარი
მსგავსი კითხვები
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად