- რას გვეტყვით თუთის ავ-კარგზე? რამდენადაც ვიცი, მისი ყუნწი მავნებელია.

- თუთის შემადგენლობა: წყალი-89,76%, გლუკოზა-9,19%, თავისუფალი მჟავები, უმეტესად ლიმონისა და ვაშლისა-1,86%, აზოტოვანი ნივთიერებანი-0,39%, პექტინი, ცხიმები, მარილები და ალოე-20,30%, უხსნადი წნ.-1,25%, ნაცარი-0,57%.
შავი თუთის წვენი შეიცავს 20-25 გრ ლიმონის მჟავას ერთ ლიტრზე. შავი თუთა თეთრისგან იმით განსხვავდება, რომ შეიცავს ორჯერ მეტ რკინას: შავი თუთა რკინას შეიცავს 6,32% რაოდენობით, თეთრი კი - 3,93%.
ქართულ ხალხურ მედიცინაში წითელ თუთას იყენებენ ფაღარათის დროს, აგრეთვე - როგორც შარდსადენ საშუალებას. თუთის ნაყოფის ნახარშს ხმარობენ გამოსავლებად ყელის დაჩირქების დროს.
რაც შეეხება ყუნწს, გეყვით, რომ არცერთი ხილის და ბოსტნეული ყუნწი არ გამოიყენება საჭმელად.