.სულ ცოტა ხნის წინ ვიყავი ნევროპათალოგთან და დიაგნ... | ნევროლოგია - მკურნალი.გე

რუბრიკები

ოჯახის მკურნალის ანონსი

იანვარი 2021

კითხვა-პასუხი

0
უფასო კითხვა
0
ფასიანი კითხვა
კითხვა-პასუხი - ნევროლოგია

კატეგორია - ნევროლოგია

07-01-2017

-გამარჯობათ.სულ ცოტა ხნის წინ ვიყავი ნევროპათალოგთან და დიაგნოზად ნევროზი დამისვეს.მანამდეც მქონდა მაგრამ ეხლაც მაქვს თავის გაბრუება და როდესაც ვზივარ ან ვზევარ და ვდგები თვალთ მიბნელდება და შემდეგ 5-6 წამის განმავლობაში მეხსნება. შეიძლება თუ არა ეს ნევროზის ბრალი იყოს და თუარა რისი ბრალი შეიძლება იყოს? სადღაც წავიკითხე,რომ თავის გაბრუება შესაძლებელია პროლაქტინის აწევის გამო მოხდესო და მართალია? რას მირჩევთ და თუ გავხდები ექიმთან წასასვლელი?

პასუხი
-მსგავსი მდგომარეობა საშიში არ არის, მაგრამ სასურველია ერთხელ მაინც მიმართოთ თერაპევტს  ჯანმრთელობის მდგომარეობის ზოგადი შემოწმების მიზნით და/ან თქვენი მკურნალი ექიმი-ნევროპათოლოგი ჩააყენეთ საქმის კურსში (ვიზიტის დროს უთხარით ამ ჩივილის შესახებაც) .
ეს არის ორთოსტატიული ჰიპოტენზია - ანუ უეცარი წამოდგომისას წნევის ხანმოკლე დაქვეითება, როცა თავის ტვინს არ მიეწოდება საკმარისი რაოდენობით სისხლი, რისი მიზეზიც არის სხეულის მდებარეობის შეცვლაზე გულის რეაქციის დაგვიანება (სისხლის მიწოდება დაგვიანებით ან არასაკმარისობა). ეს კი შეიძლება უკავშირდებოდეს არასწორ დღის რეჟიმს და სრულფასოვანი კვების ნაკლებობას.
მოიწესრიგეთ დღის რეჟიმი: დიდი მნიშვნელობა აქვს ღამის სრულფასოვან ძილს - ადრე დაძინება (უნდა იძინოთ 7-8 საათი მაინც), დილით ადრე ადგომა, აუცილებლად ვარჯიში, შხაპი. სვით მეტი წყალი.
ჯანმრთელი ადამიანი დღე-ღამეში 2 ლიტრამდე სითხეს უნდა იღებდეს (იგულისხმება არა მარტო წყალი, არამედ ნებისმიერი სასმელი და ხილითა და ბოსტნეულით, მიღებული სითხეც). ამ რეკომენდაციის შესრულება ჰიპოტენზიისკენ მიდრეკილი პირებისთვის განსაკუთრებით მნიშვნელოვანია. სითხე ზრდის მოცირკულირე სითხის მოცულობას და თავიდან აგვაცილებს დეჰიდრატაციას.
იკვებეთ ჯანსაღად. მიიღეთ მრავალფეროვანი საკვები, მათ შორის – დაუმუშავებელი მარცვლეული, ხილი, ბოსტნეული, ქათმის ხორცი, თევზი. დილით საწოლიდან ადგომისას და საერთოდ წამოდგომის დროს ჯერ ნელა დაჯექით და მხოლოდ რამდენიმე წუთის შემდეგ წამოდექით ფეხზე. თუ წამოჯდომისას მსუბუქ თავბრუხვევას ან სისუსტეს იგრძნობთ, ფეხები ერთმანეთზე გადაიდეთ, გადააჯვარედინეთ. ეს გაზრდის გულისკენ სისხლის მიდენას. აღნიშნული მდგომარეობა შეიძლება განვითარდეს ორგანიზმის მიერ წყლის დაკარგვის დროს - დეჰიდრატაცია, ჰიპოვოლემია (მაგ; მასიური სისხლდენის შემდეგ, შარდმდენების, ვაზოდილატატორების - სისხლძარღვთა გამაფართოებლების მიღების გამო, ხანგრძლივი წოლითი რეჟიმის შემდეგ), ასევე შესაძლო მიზეზებია: ანემია, არითმია, კისრის მალების ოსტეოქონდროზი, ვეგეტოსისხლძარღვოვანი დისტონია და სხვა.
კომენტარები
17 იანვარი 2017 21:35
და გაბრუებაზე რასმეტყვით? ეგეცმაგის ბრალია? ასევე რაღაც წამლებს ვსვამ და შეიძლება ბევრიწამალის ბრალიც იყოს?
დაამატეთ კომენტარი
მსგავსი კითხვები
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად