–მოგესალმებით. მყავს 1 თვის ჩვილი. ბუნებრივ კვებაზე. ქალაქიდან მიწვეს გასვლა ეთი დღით. მაინტერესებს ჰუმანა რამდენი დოზა გავუკეთო ? მადლობა

–1 თვის ბავშვისათვის საკვების დღიური რაოდენობა , დაახლოებით, უნდა შეადგენდენს მის წონის 1/5-ს. მაგ; პირობითად,თუ ბავში იწონის 4000 გრ, დღიური ნორმა არის 800 მლ, რაც იყოფა კვების ჯერადობაზე და შესაბამისად ღებულობთ, დაახლოებით, 100 –110 მლ ერთ ჭამაზე. 3-3,5 საათში ერთხელ. ხელოვნური კვების დროს ღამე 6 სთ-იანი შუალედით. ულუფების რეკომედნირებული რაოდენობა და მოცულობა ასევე მითითებულია საკვების ეტიკეტზე, და საორიენტაციოდ შეგიძლიათ ეს ინფორმაცია გამოიყენოთ.
შეგიძლიათ რძე გამოიწველოთ და დაუტოვოთ, გამოწველილი რძე უნდა შეინახოთ თავდახურულ ბავშვის საკვებ ბოთლში, მაცივარში, კვების წინ ის უნდა შეთბეს 37 გრადუსამდე, რძის შენახვა შეიძლება - 15⁰C ტემპერატურაზე რძე 24 საათს ინახება; 19-20⁰C ტემპერატურაზე - მხოლოდ 10 საათს; 25⁰C ტემპერატურაზე - 4 საათს; მაცივარში, 4⁰C ტემპერატურაზე - 8 დღეს.
როცა მომვლელი  რძეს გამოიღებს მაცივრიდან, აუცილებლად უნდა გააჩეროს ოთახის ტემპერატურაზე, შეუძლია შეათბოს (და არა ადუღება!) რძიანი ბოთლის თბილ წყალში მოთავსებით, რძის ტემპერატურა 37 გრადუსი უნდა იყოს.