-გამარჯობათ.გამოწურული რძე რამდენი ხანი არის ვარგისი პატარას რომ მივცეთ და როგორ ხდება მისი შენახვა.მადლობა

-გამოწველილი რძე უნდა შეინახოთ თავდახურულ ბავშვის საკვებ ბოთლში, მაცივარში, კვების წინ ის უნდა შეთბეს 37 გრადუსამდე, რძის შენახვა შეიძლება - 15⁰C ტემპერატურაზე რძე 24 საათს ინახება; 19-20⁰C ტემპერატურაზე - მხოლოდ 10 საათს; 25⁰C ტემპერატურაზე - 4 საათს; მაცივარში, 4⁰C ტემპერატურაზე - 8 დღეს; მაცივრის საყინულეში, რომელსაც ცალკე კარი აქვს - 3 თვეს.
როცა რძეს გამოიღებთ მაცივრიდან, აუცილებლად უნდა გააჩეროთ ოთახის ტემპერატურაზე, შეგიძლიათ შეათბოთ (და არა ადუღება!) რძიანი ბოთლის თბილ წყალში მოთავსებით, რძის ტემპერატურა 37 გრადუსი უნდა იყოს.  2 საათზე მეტ ხანს ნუ გააჩერებთ უმაცივროდ, რადგან მასში ბაქტერიები მრავლდება.