-გამარჯობათ. მაქვს წვრილი, ჩირქიანი გამონაყარი მხოლოდ სახეზე, ესეც პერიოდულად და მერე გამივლის ხოლმე. იქნებ მირჩიოთ რამე რომ ვიხმარო გამონაყარზე და მალე გამიქრეს. დიდი მადლობა

-რამდენიმე ხნის წინ ამ ტიპის შეკვითხვაზე უპასუხა დავით ტატიშვილის სამედიცინო ცენტრის ექიმ-დერმატოლოგმა ლია ჭითანავამ: " თუ ენდოკრინოლოგიურად ჯანმრთელი ბრძანდებით, მაშინ როგორც დერმატოლოგი გირჩევთ, დაიცვათ კანის სისუფთავე , ამ მიზნით დაიბანეთ ანტიბაქტერიული საპნით – კლერასინის ქაფით, ოქსი 10 ან სეიფგარდით, გაისუფთავეთ კანი დოქტორ ტაის აკნე ლოსიონით და დერმასეპტის ხსნარით, გამონაყარზე წაისვით თეთრი კასტელანის ხსნარი, ამქერცლავი ეფექტისთვის გამოიყენეთ გამონაყარზე ზინერიტის სუსპენზია, ბოლოს წაისვით კურიოზინის გელი 10 დღე.  გადახედეთ კვებას, არ მიიღოთ ცხიმიანი საკვები, შეზღუდეთ ნახშირწყლები (ცომეული, ტკბილეული), არ ჭამოთ მაიონეზი, დაიცავით ძილისა დ კვების რეჟიმი. აუცილებლად გამოიკვლიეთ ყელი ქრონიკული ინფექციური კერის გამოსარიცხად, ასევე გამოიკვლიეთ კუჭ-ნაწლავთა სისტემის ფუნქციონირება"
ჩვენ ერთ ეფექტურ საშუალებასაც გასწავლით: აურიეთ ერთმანეთში 35 მგ ქაფურის სპირტი, 35 მგ გულყვითელას ნაყენი და 4 ცალი კარგად დაფქვილი ლევომიცეტინი. დაბანვის შემდეგ (ყოველდღე) გაიწმინდეთ ამ სხნარით პრობლემური კანი.