ვარ 19 წლის, ერთი წელი მყავდა შეყვარებული, რომელს... | ფსიქოლოგია - მკურნალი.გე

რუბრიკები

ოჯახის მკურნალის ანონსი

დეკემბერი 2020
0
უფასო კითხვა
0
ფასიანი კითხვა
კითხვა-პასუხი - ფსიქოლოგია

კატეგორია - ფსიქოლოგია

21-06-2010

- ვარ 19 წლის, ერთი წელი მყავდა შეყვარებული, რომელსაც მალევე დავშორდი, დაშორების მიზეზი მე ვიყავი, შემდეგ მივხვდი, რომ ძალიან მიყვარდა, თუმცა მას ჩემთან ურთიერთობა აღარ უნდოდა. ყოველთვის იმ ბიჭზე ვფიქრობ, ყოველ დღე და ყველა ბიჭში მის თვისებებს ვეძებ. ახლა "შეყვარებული" მყავს, მაგრამ არ მიყვარს, მხოლოდ იმიტომ ვარ მასთან, რომ სულ თან დამყვება, მინდა, რომ შევეჩვიო. დარწმუნებული ვარ, რომ აღარავინ შემიყვარდება და ვისაც შევეჩვევი, მასთან ვიქნები მთელი ცხოვრება. ვცდილობ, ის დავივიწყო, მაგრამ არაფერი გამომდის, უკვე აღარ აქვს მნიშვნელობა, ვინ იქნება ჩემი შეყვარებული, მთავარია, ფიზიკურად ნორმალური იყოს და ის პირობები შემიქმნას, როგორიც სახლში მაქვს. სწორედ ამიტომ ვარ იმ ბიჭთან. იქნებ მირჩიოთ რამე?

პასუხი
- ძალიან გაგიჭირდებათ ისეთ ადამიანთან ერთად ცხოვრება, რომელიც არ გიყვართ, მითუმეტეს, როცა სხვისი სიყვარულით იტანჯებით. ასე თქვენ ბედნიერი ვერ იქნებით და იმ ახალ `შეყვარებულსაც~ დატანჯავთ. თქვენ ბრძანებთ, რომ მნიშვნელობა არ აქვს, ვის გაყვებით, ჩვენ დარწმუნებულები ვართ თქვენს გულახდილობაში, მაგრამ რა დააშავა ამ ახალმა თაყვანისმცემელმა, მისთვის ხომ არ არის სულერთი, ვის მოიყვანს ცოლად, მისთვის ხომ არ არის სულერთი, მეუღლეს ეყვარება თუ არა? თქვენ ხომ გული გტკივათ ძველი შეყვარებული რომ არ გიბრუნდებათ, რა დააშავა თქვენმა ახალმა თაყვანისმცემელმა, განა მას გული არ ეტკინება, როცა მიხვდება, რომ არ გიყვართ (და ამას აუცილებლად მიხვდება, რადგან მთელი სიცოცხლე შეყვარებული ცოლის როლს ვერ ითამაშებთ)? ეგებ ჯობდეს, დროებით შეწყვიტოთ ურთიერთობა ახალ თაყვანისმცემელთან, ასე უფრო ადვილად გაერკვევით თქვენს გრძნობებში. ახლა ზაფხულია და ოჯახთან ერთად წადით დასასვენებლად და არ იურთიერთოთ მასთან. იქნებ სულაც ეს ახალი თაყვანისმცემელი გიყვართ და ვერ ხვდებით ამას, რადგან ის სულ თქვენს გვერდითაა? იქნება სულაც აღარ გიყვართ ძველი შეყვარებული და უბრალოდ გული გწყდებათ, რომ ვეღარ დაიბრუნეთ? თქვენ ხომ თქვენი მიზეზით დაშორდით, შეიძლება გეგონათ (ასე ხშირად სჭირთ გოგონებს), რომ მის დაბრუნებას ნებისმიერ დროს შეძლებდით და ეს რომ არ გამოვიდა, თავმოყვარეობა შეგელახათ და მოგცათ უკურექცია ანუ გგონიათ, რომ გიყვართ რადგან ის მიუწვდომელია, ეს ახალი თაყვანისმცემელი კი სულ თქვენთანაა და დარწმუნებული ბრძანდებით, რომ სანამ თქვენი სურვილი იქნება, სულ ერთად იქნებით, მაგრამ არ დაუშვათ კიდევ ერთხელ საბედისწერო შეცდომა. სწორედ ამიტომ გირჩევთ, დროებით დაშორებას და საკუთარ გრძნობებში გარკვევას.
გისურვებთ სწორი არჩევანის გაკეთებას და ბედნიერებას! 
კომენტარები
დაამატეთ კომენტარი
მსგავსი კითხვები
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად