ასეთი კითხვა მაქვს: დეფეკაციის დროს ხანდახან მაწუ... | პროქტოლოგია - მკურნალი.გე

რუბრიკები

ოჯახის მკურნალის ანონსი

კითხვა-პასუხი

0
უფასო კითხვა
0
ფასიანი კითხვა
კითხვა-პასუხი - პროქტოლოგია

კატეგორია - პროქტოლოგია

21-06-2010

- ასეთი კითხვა მაქვს: დეფეკაციის დროს ხანდახან მაწუხებს მცირედი სისხლდენა და შემდეგ ცოტა წვა. არანაირი გამონაზარდი არ ისინჯება, არც უცხო სხეული რამე. ადრე უფრო იშვიათად მქონდა. დაახლოებით 2 წელია, არც შევნიშნე ეს, ოღონდ ადრე მქონდა ძალიან იშვიათად, შეიძლებოდა 4-5 თვეში ერთხელ, ახლა უფრო მოხშირდა. მართალია, მცირე რაოდენობით არის, მაგრამ მინიმუმ თვეში 2-ჯერ ვამჩნევ უკვე. ძალიან განვიცდი ამ ამბავს. არა მგონია, ბუასილი იყოს. თუ შეიძლება, მომწერეთ, რა შეიძლება იყოს? ექიმთან ვიზიტს ჯერ ვერ ვახერხებ სამწუხაროდ. სახლის პირობებში რა შეიძლება გავაკეთო? და თუ შეიძლება მომწერეთ, რა მიზეზით შეიძლება გაჩნდეს ბუასილი?

პასუხი

- ერთადერთი, რაც შეიძლება ექიმთან ვიზიტის გარეშე გააკეთოთ, თავიდან უნდა აიცილოთ ყაბზობა. ამისათვის მიიღეთ ბოჭკოთი მდიდარი საკვები (ბოსტნეული, მწვანილი, ხილი), სითხე, იარეთ ფეხით, საჭიროებისას გამოიყენეთ საფაღარათოები (მცირე დოზით) და პირველი შესაძლებლობისთანავე სასწრაფოდ მიმართეთ ექიმს. ბუასილი - სწორი ნაწლავის ქვედა ნაწილის ვენების კვანძოვანი გაგანიერებაა, რასაც თან ახლავს სისხლდენა, ზოგჯერ თრომბოზი, ანთება, ქავილი და რიგი სხვა პროცესები. დაავადებას საფუძვლად უდევს სწორი ნაწლავის კავერნოზულ ვენებში სისხლის მიმოქცევის რეგულაციის დარღვევა, რაც იწვევს სისხლის შეგუბებას. ხელშემწყობი ფაქტორებია: ცხოვრების ნაკლებმოძრავი წესი, ყაბზობა, ანთებითი ან სიმსივნური პროცესები სწორ ნაწლავსა და მცირე მენჯის სხვა ორგანოებში. ვენების ხანგრძლივი გადავსება იწვევს მათი კედლებისა და საფარი გარსების გაფართოებასა და გათხელებას, მიღებული ტრავმების შედეგად კი მცირე ეროზიებისა და ნახეთქების წარმოქმნას. ვლინდება სისხლდენა დეფეკაციის აქტის ან უკანა ტანის ჰიგიენური დამუშავების დროს. გარდა ამისა, ეროზიებისა და ნახეთქების წარმოქმნა გარკვეულ პირობებს ქმნის მათი ინფიცირებისათვის; შედეგად ვითარდება ანთებითი პროცესები ჰემოროიდული კვანძების თრომბოზის ფონზე (მწვავე ბუასილი).

 

კომენტარები
დაამატეთ კომენტარი
მსგავსი კითხვები
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად