- უკვე მე-3 თვეა, რა თქმა უნდა ექიმის მითითებით, ვსვამ იარინას - მკურნალობის მიზნით, ტესტოსტერონი მაქვს მომატებული და ვუჩივი ციკლის გადაცილებას. მენსტრუაცია, როგორც წესი, გრძელდება 4-5 დღე. მე-6 დღეს, საღამოს მქონდა მეუღლესთან ურთიერთობა, მას შემდეგ, რაც შევამოწმე და აღარ მქონდა გამონადენი. მომდევნო დღეს ჭვალი დამადგა სავარაუდოდ მარცხენა საკვერცხეზე, შიშმა ამიტანა, გარე ორსულობა არ მქონდეს მეთქი. მაინტერესებს, ეს შესაძლებელია იმ ფონზე, როდესაც იარინას ვიღებ და მენსტრუაციის დაწყებიდან მე-6 დღე იყო, უკვე დაწყებული მქონდა წამლის მიღება. თუ ცოტა ავჩქარდი და თავი უნდა შემეკავებინა კიდევ ერთი დღე მეუღლესთან დაწოლისაგან? ძალიან მეშინია, გარე ორსულობა არ აღმომაჩნდეს. კიდევ ერთი ნიუანსია, მენსტრუაციის მოსვლის წინ ყოველთვის მაქვს ფაღარათი, შემდეგ კი საშინელი კუჭის სიმაგრე მივითარდება, შეიძლება ეს მიზეზი ყოფილიყო, რომ ნაწლავი დასწოლოდა საკვერცხეს და დაეთრგუნა? მოგვიანებით შემიმსუბუქდა ეს ტკივილი, როდესაც კუჭის მოქმედება აღმიდგა, თუმცა სუსტად გამოხატული ყრუ ტკივილი მაინც დამრჩა. გთხოვთ, მიპასუხეთ რისი ბრალი შეიძლება იყოს ეს ყრუ ტკივილი?