ქუთაისიდან გაწუხებთ. მოვიდა ზაფხული და ჩემმა პრობ... | სინდრომი - მკურნალი.გე

რუბრიკები

ოჯახის მკურნალის ანონსი

0
უფასო კითხვა
0
ფასიანი კითხვა
კითხვა-პასუხი - სინდრომი

კატეგორია - სინდრომი

07-06-2010

- ქუთაისიდან გაწუხებთ. მოვიდა ზაფხული და ჩემმა პრობლემამაც იჩინა თავი... ვარ 18 წლის ბიჭი. სიცხეში სიარულის დროს იღლიებიდან გამოიყოფა ოფლი, რომელიც მაისურს ასველებს და მიქმნის დიდ დისკომფორტს. მართალია სუნი არ აქვს, მაგრამ ჩემთვის არასასიამოვნოა. განსაკუთრებით მაშინ იჩენს პრობლემა თავს, როცა უხერხულ სიტუაციაში ვვარდები. ნერვიულობის და დაძაბულობის, ან სირცხვილის დროს... ძალიან გთხოვთ, დამეხმარეთ ჩემი პრობლემის გადაჭრაში და მითხარით, თუ როგორ შეიძლება სისველის გაქრობა? მადლობთ...

პასუხი
- იღლიების ოფლიანობა ლოკალური ჰიპერჰიდროზის ანუ ჭარბი ოფლიანობის ყველაზე გავრცელებული ფორმაა. იღლიებში გადამეტებული ოფლიანობა იწვევს ემოციურ და ფსიქიკურ ტრავმას და ადაბლებს ცხოვრების ხარისხს. აქვე გეტყვით, რომ ჰიპერჰიდროზი შეიძლება იყოს ფიზიოლოგიური და პათოლოგიური. ფიზიოლოგიური ჰიპერჰიდროზი ორგანიზმის დამცველობითი რეაქციაა და ემსახურება ორგანიზმის მიერ ჭარბი სითბოს გამოყოფას, მაგალითად ფიზიკური დატვირთვის დროს, გარემოს ტემპერატურის მატებისას და ა.შ. ჰიპერჰიდროზი ზოგჯერ შიშის, მღელვარების, სირცხვილის გრძნობის დროსაც იჩენს ხოლმე თავს. თქვენი მონათხრობიდან გამომდინარე, თქვენს შემთხვევაში ფიზიოლოგიურ ჰიპერჰიდროზს უნდა ჰქონდეს ადგილი.
პათოლოგიური ჰიპერჰიდროზი კი განპირობებულია ნეიროენდოკრინული დარღვევებით, რომელთაგანაც წამყვანია ცენტრალური და ვეგეტაციური ნერვული სისტემის ფუნქციური ან ორგანული ცვლილებები.
მკურნალობა გულისხმობს კანის ხშირ ბანას საპნით, ისეთი ანტიბაქტერიული პრეპარატების გამოყენებას, რომლებიც ოფლის დაშლას უშლიან ხელს (ალუმინის პრეპარატები, ანტიბაქტერიული საპონი და სხვა); აგრეთვე - ისეთი დეზოდორანტებისა და ადსორბენტების მოხმარებას, რომლებიც აქრობენ ოფლის დაშლის შედეგად წარმოქმნილ მყრალ სუნს და ხელს უშლიან ოფლის წარმოქმნას. გარდა ამისა, გირჩევთ: ერიდოთ სტრესულ სიტუაციებს და სვით მცენარეული დამამშვიდებელი საშუალებები (ვალერიანი, ბარამბო, ალორა, ნევროსტიმი); ნუ მოწევთ სიგარეტს, რადგან ნიკოტინი აძლიერებს ოფლის დენას; ერიდეთ ალკოჰოლურ სასმელებს; საოფლე ჯირკვლების ფუნქციის გასაუმჯობესებლად კარგია სალბის და მუხის ქერქის აბაზანები; მიიღეთ B ჯგუფის ვიტამინების კომპლექსი და კალციუმის პრეპარატი.
კომენტარები
დაამატეთ კომენტარი
მსგავსი კითხვები
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად