ვარ 30 წლის. გათხოვილი არ ვარ. მაქვს ფარისებრ ჯირ... | ენდოკრინოლოგია - მკურნალი.გე

რუბრიკები

ოჯახის მკურნალის ანონსი

ივნისი 2021

კითხვა-პასუხი

0
უფასო კითხვა
0
ფასიანი კითხვა
კითხვა-პასუხი - ენდოკრინოლოგია

კატეგორია - ენდოკრინოლოგია

02-06-2010

- ვარ 30 წლის. გათხოვილი არ ვარ. მაქვს ფარისებრ ჯირკვალზე კვანძი. თბილისის #4 კლინიკური საავადმყოფოს ენდოკრინულ დარღვევათა განყოფილებაში გავიკეთე პუნქცია, რომელმაც დაადგინა რომ კვანძი არის კოლოიდური, არამაპროლიფერაციული. პირველი ექოსკოპია გავიკეთე 17.10.2008წ. კვანძის ზომები სურათზე იყო D1=12.0მმ D2=7.6მმ. მეორე ექოსკოპია გავიკეთე 18.07.2009. ზომები იყო D1=10.5მმ. D2=9.0მმ. თირეოტროპული ჰორმონი არის 1.11. ზემოთხსენებული კლინიკის ენდოკრინოლოგმა დამინიშნა ეუთიროქსი ერთი თვე, ვარაუდობდა რომ ეს წამალი კვანძის გაწოვაში დამეხმარებოდა, მაგრამ კვანძი არ გაქრა. ზოგმა ექიმმა ოპერაცია მირჩია, ზოგმა მითხრა, კვანძი მცირეა, ჯირკვლის ფუნქცია კარგია და ასეთი მცირე ზომის კვანძზე ოპერაცია არ არისო მიზანშეწონილი. თავს ცუდად არ ვგრძნობ. ის სიმპტომები, რაც შეიძლება ჩიყვიან ადამინს ახასიათებდეს, მე არ მაქვს. ვაპირებ ოჯახის შექმნას. დაორსულებაში ფარისებრი ჯირკვლის ასეთი მდგომარეობა ხელს შემიშლის? თუ ოპერაცია აუცილებლად უნდა გავიკეთო? გთხოვთ, მირჩიოთ რამე.

პასუხი
პასუხობს ავერსის კლინიკის ენდოკრინოლოგი ნინო ესაკია:

- ამ ეტაპზე, როცა TSH ნორმალურია, არ არის მიზანშეწონილი მედიკამენტური მკურნალობა, ეუთიროქსი ნაჩვენებია მხოლოდ TSH მომატებისას. ვინაიდან კვანძი არ არის სიმსივნური წარმოშობის, ამ ზომის კვანძი ოპერაციულ მკურნალობას არ მოითხოვს. პირველი ორი წლის განმავლობაში რეკომენდებულია დინამიური მეთვალყურეობა – 3 თვეში ერთჯერ სისხლში TSH განსაზღვრა, 6 თვეში ერთჯერ კი ექოსკოპია და ფარისებრი ჯირკვლის ბიოფსია. ასეთი კვანძი არ არის დაბრკოლება ოჯახის შექმნისათვის, თუმცა ორსულობის შემთხვევაში პირველ ტრიმესტრში (პირველი სამი თვე) რეკომენდებულია TSH კონტროლი 4 კვირაში ერთხელ, ხოლო II – III ტრიმესტრში 6-8 კვირაში ერთხელ. ნორმასთან შედარებით TSH ცვლილებისას აუცილებელია ვიზიტი ენდოკრინოლოგთან.
კომენტარები
დაამატეთ კომენტარი
მსგავსი კითხვები
დიეტოლოგია
სადღეისოდ აღიარებულია, რომ მენოპაუზასთან დაკავშირებული მძიმე დარღვევების თავიდან აცილება შესაძლებელია სამი ძირითადი მექანიზმის ჩართვით:
ბრიტანეთის კვების სამეცნიერო-საკონსულტაციო კომიტეტი ტიპი 2 შაქრიან დიაბეტთან ბრძოლას გვირჩევს
უბრალოდ, უნდა ვიცოდეთ, რა რგებს ან რა ვნებს ხერხემალს და დასკვნები თვითონვე გამოვიტანოთ.
რამ შეიძლება დააზიანოს გულის კუნთი, თუ პაციეტს არასოდეს ჰქონია გულის დაავადება?
ადამიანის ორგანიზმში მოხვედრილ ლითონთაგან ტყვია ერთ-ერთი საშიშია.
ოთახის მცენარეები ცალსახად სასარგებლოა. განსაკუთრებით დიდი ფოთლებიანი მცენარეები ატენიანებენ ჰაერს.
ზღვის მარილის გამოყენების ყველაზე იოლი გზა მისი აბაზანის მიღებაა. ის ხსნის კუნთურ დაძაბულობას, ასუფთავებს ფორებს, არბილებს კანს და ამზადებს მას კოსმეტიკური პორცედურებისთვის.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად