-მოგესალმებით,მადლობა რომ არსებობთ. ვარ 29 წლის მამაკაცი,თმები მაქვს გახუნებული,მოკლეზე ვიჭრი ხოლმე მაგრამ მაინც გახუნებული ფერი აქვს.მაქვს ასევე თმის ცვენის პრობლემაც,მაგრამ ძირითადად მაინტერესებს,როგორ ვუმკურნალო,რა შამპუნი გამოვიყენო რომ შავი ფერი დაიბრუნოს და უფრო ბზინვარე გახდეს,მადლობა

-გთავაზობთ ნიღბებს გამომშრალი და გახუნებული თმისათვის:
* ზაფხულის მზე თმას აშრობს და ახუნებს, ამიტომ ჩვენ მიერ შემოთავაზებული ნიღბები ამ სეზონზე განსაკუთრებით გამოგადგებათ. 1 კვერცხი და 6 სუფრის კოვზი ნატურალური იოგურტი კარგად აურიეთ ერთმანეთში, წაისვით თმაზე და 10-15 წუთს გაიჩერეთ. თმა თბილი წყლით და თქვენი თმის ტიპისთვის განკუთვნილი შამპუნით ჩამოიბანეთ.
* 150 გრამი ყაბაყის რბილობი კარგად ათქვიფეთ ბლენდერში, დაამატეთ ნახევარი ჭიქა რძე და 1 სუფრის კოვზი ზეითუნის ზეთი. კარგად აურიეთ და წაისვით თმაზე. გაიჩერეთ 20 წუთს და ჩამოიბანეთ თბილი წყლითა და შამპუნით.