გამარჯობათ; ერთ ჩემს ახლობელ ადამიანზე მაქვს ლაპარაკი; 66 წლის ქალია, წნევის მარეგულირებლებს სვამს, მაგრამ ანალიზებს რომ იკეთებს, კონსულტაციებს რომ გადის, თირკმლები, გული, ჩიყვი, სისხლი, ქალური ორგანოები და სხვა დანარჩენიც თითქმის სრულ წესრიგში აქვს; ხერხემლის გარკვეული პრობლემები აქვს, მგონი მადეფორმირებელი სპონდილოზი, თუმცა არც ისეთი, რომ ხშირი ტკივილები ჰქონდეს ან მოძრაობაში ხელს უშლიდეს. გორში ცხოვრობდა 17 წლიდან, ერთი 9 თვეა, თბილისში გადავიდა, მაგრამ ერთი რამ ემართება; როცა თბილისშია, კერძოდ, დიდ დიღომში, წნევები საერთოდ არ აქვს, არც იზომავს, გული სრულ წესრიგში აქვს, თავს არ ახსენებს, ყოველ შემთხვევაში, მარეგულირებელიც კი არ სჭირდება ზოგჯერ; როცა გორში ჩამოდის, თავის ძველ სახლში, სადაც 30 წელზე მეტი იცხოვრა, წნევები ამ სახლში დაეწყო 51 წლიდან, მანამდე არ ჰქონია წნევები, სულ ორი დღით რომ ჩამოვიდეს გორში, ამ სახლში წნევა ხშირად აუწევს ხოლმე და გული ცუდად უხდება. ჯერ ის ვერ დაუდგინეს საერთოდ, წნევები რატომ აქვს, ამის უშუალო მიზეზი ვერც ერთმა ექიმმა ვერ უთხრა და მერე თვითონ ვერ ხვდება, მაინცდამაინც გორში, თავის ძველ სახლში ჩამოსვლისას, ხშირად რატომ უწევს წნევა და გული ცუდად რატომ უხდება. მაინტერესებს, ამის მიზეზი შეიძლება თუ არა, რომ ფსიქოლოგიური იყოს ან რა სინდრომია ეს? რით შეიძლება უშველოს ამ პრობლემას? კარდიოლოგთან, არითმოლოგთან უკვე იყო და ამ კუთხით რაიმე სერიოზული დარღვევა არ აქვს, უთხრეს, შენი ასაკის კვალობაზე, საკმაოდ ჯანმრთელი გული გაქვსო; ქალურზეც იყო, ამ კუთხითაც არ აქვს პრობლემა; ფეხებზე ვენების გაგანიერება აქვს, მაგრამ ექიმთან რომ იყო, ძალიან სერიოზულად არ არის საქმე, საოპერაციო არ არისო, საკმაოდ კარგ ანგიოლოგთან იყო, ამჟამად ვენები აღარც ახსენებს თავს; თან მაინცდამაინც გორში ახსენებს თავს გული და არა თბილისში, დიდ დიღომში. ხომ იცით, დარღვევის ზუსტი მიზეზი რომ მაინც დაადგინოს ექიმმა, ესეც სანატრელი გახდა, უკვე დიდი ხანია; ისიც არ იცის ზუსტად, რომელ ექიმს მიმართოს გორის პრობლემაზე.