რევმატოიდული ართრიტი და გულის ჯანმრთელობა
მას ასევე შეუძლია გავლენა მოახდინოს სხვა ქსოვილებზე, ორგანოებზე და შეიძლება გამოიწვიოს გულის პრობლემები.
თუმცა, მხოლოდ იმიტომ, რომ გაქვთ რევმატოიდული ართრიტი არ ნიშნავს რომ აუცილებლად გექნებათ გულის პრობლემები. არსებობს ნაბიჯები, რომელთა გადადგმაც შეგიძლიათ გულის ჯანმრთელობის შესანარჩუნებლად და გულის დაავადების განვითარების თავიდან ასაცილებლად.
როგორ მოქმედებს რევმატოიდული ართრიტი გულის ჯანმრთელობაზე
ქრონიკული ანთება ზრდის გულის დაავადების რისკს. ანთება აზიანებს სისხლძარღვებს. არტერიებში შეიძლება დაგროვდეს ფოლაქები, რაც იწვევს სისხლძარღვების შევიწროებას და სისხლის ნაკადის ბლოკირებას. ეს კი ზრდის გულის პრობლემების განვითარების რისკს.
ციტოკინები დაკავშირებულია იმუნური სისტემის უჯრედების ზრდასთან და აქტივობასთან. ეს ცილები პასუხისმგებელნი არიან როგორც რევმატოიდული ართრიტის სახსრებზე შეტევაზე, ასევე სისხლძარღვების დაზიანების მექანიზმე გულ-სისხლძარღვთა დაავადებების დროს.
ანთება არ არის ერთადერთი კავშირი რევმატოიდულ ართრიტსა და გულის დაავადებას შორის. რევმატოიდული ართრიტისას გულის დაავადების რისკ-ფაქტორები მოიცავს: მაღალ წნევას, ნაკლებ ფიზიკურ აქტივობას, გარკვეული მედიკამენტების ეფექტს. ამასთან სიმსუქნე შეიძლება დაკავშირებული იყოს რევმატოიდული ართრიტის განვითარების რისკთან. მიუხედავად იმისა, რომ მკვლევარებმა დანამდვილებით არ იციან, როგორ არის ეს ორი დაკავშირებული ერთმანეთთან, ართრიტის ფონდი აღნიშნავს, რომ რევმატოიდულ ართრიტთან დაკავშირებულმა მტკივნეულმა სახსრებმა შეიძლება გაართულოს ვარჯიში, ხოლო ვარჯიშის ნაკლებობამ შეიძლება გამოიწვიოს წონის მომატება. გარდა ამისა, სიმსუქნე ასოცირდება ანთებით პროცესებთან და გულის დაავადების სხვა რისკ-ფაქტორებთან, მათ შორის სისხლში შაქრის დონის მომატებისა და მაღალი წნევის ჩათვლით. სიმსუქნე დაკავშირებულია მეტაბოლურ სინდრომთან. მეტაბოლური სინდრომი არის სიმპტომების ჯგუფი, რომლებიც ზრდის გულის დაავადების რისკს.
მიუხედავად იმისა, რომ რევმატოიდული ართრიტი ზრდის გულის დაავადების რისკს, არსებობს გზები რისკის შესამცირებლად.
ერთ-ერთი უმარტივესი გზა იმ მედიკამენტების მიღებაა, რომლებსაც ექიმი დაგინიშნავთ ანთების გასაკონტროლებლად. დაავადების შემცვლელი ანტირევმატული პრეპარატები ამცირებს რევმატოუდულ ართრიტთან დაკავშირებულ ანთებას და შესაძლოა შეამციროს გულის დაავადების რისკი.
სასურველია გაიაროთ სკრინინგი გულის დაავადების რისკ-ფაქტორებზე.
ასევე შეგიძლიათ შეცვალოთ ცხოვრების წესი, რათა შეამციროთ გულის დაავადების რისკი. ამერიკის გულის ასოციაცია გთავაზობთ შემდეგ რჩევებს გულის დაავადების რისკის შესამცირებლად: ბოსტნეულის, ხილისა და მარცვლეულის დაბალანსებული დიეტა, კვირაში მინიმუმ 150 წუთიანი აერობული ვარჯიში, ნორმალური წონის შენარჩუნება, მოწევის თავიდან აცილება ან თავის დანებება, ნებისმიერი ჯანმრთელობის მდგომარეობის მართვა, რომელიც ზრდის გულის დაავადების რისკს, ექიმის მიერ დანიშნული მედიკამენტების მიღება გულის დაავადების თავიდან ასაცილებლად.