პოდაგრა ზოგჯერ თვალების დაზიანებასაც იწვევს
პოდაგრა სახსრებს აზიანებს, თუმცა შარდმჟავა ჭარბი რაოდენობით შესაძლებელია სხვადასხვა ქსოვილშიც დაგროვდეს, მათ შორის თვალებში.
ნიკრისის ქარის განვითარების სულ სამი ეტაპი არსებობს:
პირველი - სისხლში შარდმჟავას მაღალი შემცველობა არის გამოვლენილი, თუმცა პაციენტს სიმპტომები არ აქვს. აღნიშნული მდგომარეობა სტაბილურია და შესაძლებელია ადამიანს არასდროს განუვითარდეს ჩივილები, თუმცა შესაძლებელია ისიც, რომ თირკმლის პრობლემები წარმოექმნას, კერძოდ - თირკმელებში ქვები.
მეორე ტიპის შემთხვევაში შარდმჟავას კრისტალები ფეხის ცერა თითის სახსარში წარმოიქმენა, იშვიათად სხვა სახსარში. ტკივილები შეტევითი ხასიათის არის და პერიოდულობა ახასიათებს.
მესამე ეტაპისას ჩივილები სისტემურ ხასიათს იძენს. შესაძლებელია განვითარდეს კვანძები სახსრებში, ყურის ხრიტლებში, კანქვეშ, რასაც ტოფუსი ეწოდება.
ტოფუსი თვალეშიც კი შეიძლება ჩამოყალიბდეს.
მის სამკურნალოდ აუცილებელია მედიკამენტები და შესაბამისი დიეტის დაცვა.
ძალიან ცოტა კვლევაა ჩატარებული, თუ როგორ გავლენას ახდენს თვალებზე პოდაგრა, თუმცა არის რამდენიმე დოკუმენტირებული შემთხვევა, როდესაც თვალების გართულებაც გამოიწვია დაავადებამ.
ტოფუსი თვალის სხვადასხვა ნაწილში, მათ შორის რქოვანაზე, სკლერაზე, ან ირისზე შეიძლება წარმოიქმნას.
იმისათვის, რომ პოდაგრამ და მისგან გამოწვეულმა მხედველობის ორგანოს პრობლემებმაც არ შეგვაწუხოს, აუცილებელია სისხლში შარდმჟავას დონის გაკონტროლება, მედიკამენტოზური მკურნალობა და დიეტური კვება.
დალიეთ ბევრი წყალი, ის დაგეხმარებათ ორგანიზმიდან მარილის გამოდევნაში და მიიღეთ ნაკლები პურინების შემცველი საკვები.