თათია მარტიაშვილი

დიეტა და კვების რაციონი, რომლითაც პოდაგრის დროს უნდა იხელმძღვანელოთ, ასე გამოიყურება.

წყალი

დალიეთ მეტი წყალი, ვინაიდან გაუწყლოებამ შეიძლება პოდაგრული შეტევები გამოიწვიოს.

ერთ-ერთმა კვლევამ აჩვენა, რომ მამაკაცები, რომლებიც დღეში ხუთიდან რვა ჭიქამდე წყალს სვამდნენ, შეტევების განვითარების 40%-ით ნაკლები ალბათობა ჰქონდათ.

ჭამეთ დიდი რაოდენობით ხილი

გარდა იმისა, რომ ხილი მდიდარია ბოჭკოთი და წონის კონტროლში დაგეხმარებათ, ასევე დაბალი რაოდენობით პურინებს შეიცავს.

მანდარინი და ფორთოხალი პოდაგრის შეტევებს დაგავიწყებთ.

ზოგიერთი კვლევის თანახმად, ალუბალი და ალუბლის წვენი არის სიმპტომების მოსახსნელად ეფექტური.

აირჩიეთ სწორი ნახშირწყლები

დამუშავებულ ნახშირწყლებს, როგორებიცაა თეთრი პური, ასევე თეთრი ფქვილის მაკარონი, პურინების დაბალი შემცველობა აქვთ.

თუმცა, მათ წონის მატება შეიძლება გამოიწვიონ. აუცილებელია, მიირთვათ ჯანმრთელი ნახშირწყლები, რომელიც ბევრ ბოჭკოს შეიცავს.

ასეთებია: შვრია, ლობიო და ბოსტნეული.

ცხიმიანი საკვები

შეამცირეთ ნაჯერი ცხიმები, როგორიც წითელ ხორცშია.

მიირთვით ცხიმოვანი მჟავებით მდიდარი საკვები, მათ შორის ორაგული, თხილი, ზეითუნის ზეთი. ისინი ანთების შემცირებაში დაგეხმარებათ.

კვების რაციონიდან კი ცომეული და შემწვარი პროდუქტები ამოიღეთ.

ალკოჰოლი

ის პოდაგრის შეტევებს ზრდის, განსაკუთრებით ლუდი, ვინაიდან მის შემცველობაში საფუარია.

2014 წლის კვლევის მონაცემებით, პოდაგრის შეტევებს ღვინოც უწყობს ხელს.

24 საათის განმავლობაში 1-2 ჭიქა ღვინოს შეუძლია პოდაგრული შეტევები გამოიწვიოს.

ყავა

ყავის ზომიერი მოხმარება პოდაგრისთვის სასარგებლოა.

მათ, ვინც რეგულარულად, დღეში 4 ჭიქა ყავას სვამენ, პოდაგრის შეტევები ნაკლებად აწუხებთ.

ასევე, კოფეინის მოხმარებას შეუძლია შარდმჟავას რაოდენობის გაზრდა.

ასე რომ, ყავა ინდივიდუალურად მოქმედებს პოდაგრის მქონე პაციენტებში.

მიირთვით ნაკლები ხორცი

ქათამი, ღორის ხორცი, უცხიმო საქონლის ხორცი პოდაგრის დროს რეკომედნებული ნაკლებად არის, მაქსიმუმ ერთი ულუფა.

მაგალითად, ღვიძლი დიდი რაოდენობით პურინებს შეიცავს და არ უნდა მიირთვათ.

რძის პროდუქტები

პოდაგრის მქონე პაციენტებისთვის რძის პროდუქტები აკრძალული იყო, ვინაიდან ის ცხოველური ცილებისგან მზადდება.

სინამდვილეში პურინების დაბალი შემცველობით ხასიათდება. დაბალცხიმიან რძის საკვებს 40%-ით შეუძლია პოდაგრის რისკის შემცირება.

შეტევის დროს კი, ის დაგეხმარებათ ზედმეტი შარდმჟავას გამოდევნაში შარდის დახმარებით.

დაიკელით წონაში

ჭარბი წონის გამო, პოდაგრის გაჩენის მაღალი ალბათობა გაქვთ, ამიტომ ეცადეთ წონაში დაიკლოთ.

წონის დაკლება არის პოდაგრის მართვის ყველაზე ეფექტური გზა, თუმცა ნაკლებპურინებიანი დიეტაც ძალიან სასარგებლოა.

პურინები იშლება შარდმჟავად, სისხლში მომატებული შარდმჟავა კი პოდაგრას აჩენს.