სახსარშიდა ინექციებით თერაპიის თავისებურებები - მკურნალი.გე

რუბრიკები

ოჯახის მკურნალის ანონსი

მაისი 2021

კითხვა-პასუხი

სახსარშიდა ინექციებით თერაპიის თავისებურებები

სახსარშიდა ინექციებით თერაპიის თავისებურებები
ართრიტი, ართროზი და სახსრების სხვა დაავადებები ადამიანს ტკივილს და ზოგჯერ ტანჯვასაც კი განაცდევინებს. ზოგიერთ შემთხვევაში შეშუპებისა და ტკივილის მოხსნა მედიკამენტური და ფიზიოთერაპიული საშუალებებით დიდ დროს მოითხოვს.

რამდენად შესაძლებელია გამოჯანმრთელების პროცესის დაჩქარება ინექციით, უშუალოდ სახსარში წამლის შეყვანით და რა თავისებურებები ახასიათებს ამგვარ თერაპიას, ამ საკითხებზე გვესაუბრება აკად. ვ. წითლანაძის სახელობის რევმატოლოგიის სამეცნიერო-პრაქტიკული ცენტრის ექიმი-რევმატოლოგი, მედიცინის მეცნიერებათა დოქტორი, რიმა ახვლედიანი:

- ქალბატონო რიმა, რა დროსაა ნაჩვენები სახსარშიდა ინექციები?

- სახსარში და სახსრის ირგვლივ გლუკოკორტიკოიდების ლოკალური შეყვანა ძალიან ეფექტური მეთოდია და 50 წელზე მეტია,
რაც პრაქტიკაში დაინერგა. ინექციის ჩვენებაა ადგილობრივი ანთებითი პროცესი სახსარში რევმატული დაავადებების დროს. ეს არის ოსტეოართროზი, რევმატული, პოდაგრული, ფსორიაზული და სხვა ართრიტები; სისტემური დაავადებები, მათ შორის - სისტემური წითელი მგლურა, სისტემური სკლეროდერმია; აგრეთვე მხარ-ბეჭის პერიართრიტი, ბეიკერის კისტა, ეპიკონდილიტები, კარპალური სინდრომი და სხვა რბილი ქსოვილის რევმატიზმი.

-
რომელ სახსარში შეიძლება ინექციის გაკეთება?

- ლოკალური ინექციების ტექნიკა პრაქტიკულად მთლიანი საყრდენ-მამოძრავებელი სისტემის ყველა სტრუქტურისთვის არის გამომუშავებული.

ყველაზე ხშირად ინექციები მუხლის სახსარში კეთდება, აგრეთვე სხივ-მაჯის, იდაყვის, მხრის, მენჯ-ბარძაყის, კოჭ-წვივის, მტევნისა და ტერფის წვრილ სახსრებში.

- რომელი ჯგუფის სამკურნალო საშუალებები შეგყავთ სახსარში?

- სახსრისა და სახსრის ირგვლივი რბილი ქსოვილების ანთებითი პროცესის დროს ინიშნება გლუკოკორტიკოსტეროიდის ლოკალური ინექციები. პრიორიტეტი ენიჭება სწრაფი მოქმედებისა და ხანგრძლივი ეფექტის პრეპარატებს: ბეტამეტაზონს, მეთილპრედნიზოლონს, ტრიამცინოლონს.

სახსრის ხრტილოვანი დეგენერაციული დაზიანებისას ართროზის დროს გამოიყენება ჰიალურონატის დაბალ- და მაღალმოლეკულური პრეპარატები.

აღსანიშნავია, რომ ზოგჯერ პაციენტებს არარეკომენდებული მედიკამენტები უკეთდებათ სახსარში (მაგალითად, კუნთებში განკუთვნილი გლუკოზამინის ან/და ქონდროიტინის საინექციო ხსნარი).

- რა დროს არის დაუშვებელი სახსარშიდა ინექცია?

- სრული უკუჩვენებაა:

  • საინექციო არეში რბილი ქსოვილებისა და კანის ინფიცირება (ფურუნკული, აკნე და სხვა);
  • ჩირქოვანი ართრიტი;
  • სეპტიკური მდგომარეობა;
  • მწვავე მოტეხილობა;
  • სახსრის გამოხატული დეფორმაცია;
  • ალერგია საინექციო პრეპარატზე.

შედარებითი უკუჩვენებაა:

  • კოაგულოპათია;
  • გამოხატული სახსრის ირგვლივი ოსტეოპოროზი;
  • არაკონტროლირებადი შაქრიანი დიაბეტი და მაღალი არტერიული ჰიპერტენზია;
  • არსებობს მოსაზრება, რომ არ ღირს ინექციის გაკეთება სახსარში, თუ წინა 2 უშედეგო იყო;
  • სახსრის ინფიცირების საშიშროება (მაგალითად, ბინაზე პროცედურის ჩატარება, სახსრის არასაკმარისი დამუშავება ინექციის წინ);
  • გულის მძიმე კარდიოვასკულური დაავადება;
  • თანმხლები ინფექციური დაავადება.

- რა გართულებები შეიძლება განვითარდეს ამ მანიპულაციის შედეგად?

- სახსარში ინექციის ყველაზე სერიოზული გართულებაა სახსრის ინფიცირება. საბედნიეროდ, ეს მოვლენა იშვიათია. ამ მანიპულაციისა და საინექციო კაბინეტისთვის არსებული რეკომენდაციების მკაცრი დაცვა საერთოდ გამორიცხავს ინფიცირებას.

ინექციის შემდგომ, პირველ 24 საათში, შეიძლება ამ სახსრის ტკივილი გაძლიერდეს. ეს არის სახსრის სინოვიური გარსის რეაქცია ჰორმონული პრეპარატის მიკროკრისტალებზე. როგორც წესი, ტკივილი დამატებითი მკურნალობის გარეშე ლაგდება. ზოგ პაციენტს შეიძლება ჰქონდეს არტერიული წნევის მომატება, მენსტრუალური ციკლის დარღვევა. ეს მოვლენა იხსნება ჰორმონის სისტემური მოქმედებით პრეპარატის სისხლში შეწოვების გამო. ზოგჯერ უშუალოდ ინექციის შემდეგ ვითარდება სახის შეწითლება, რომელიც არ არის სიცოცხლისთვის საშიში.

- პროცედურის ჩატარება რაიმე პირობების დაცვას ხომ არ მოითხოვს?

- სახსარში და სახსრის ირგვლივ მანიპულაციები შეიძლება ჩატარდეს როგორც სტაციონარში, ისე პოლიკლინიკაში. ამისათვის უნდა იყოს მოწყობილი სპეციალური პროცედურული კაბინეტი შესაბამისი ასეპტიკური პირობებით.

- რომელი ფიზიოთერაპიული პროცედურები ინიშნება სახსრების ანთებითი და დეგენერაციული დაავადებების დროს?

- სახსრების ანთებითი და დეგენერაციული დაავადებების დროს ინიშნება სხვადასხვა ფიზიოპროცედურები:

  • ლაზეროთერაპია;
  • ფონოფორეზი ანტირევმატული გელებით და კორტიკოსტეროიდული მალამოებით;
  • ელექტროფორეზი;
  • მაგნიტოთერაპია.

- როდის არ შეიძლება რევმატოლოგიური დაავადებების ფიზიოთერაპიული მკურნალობა?

- ფიზიოთერაპიული მკურნალობა არ არის რეკომენდებული მომატებული ტემპერატურის დროს, მაღალი ლაბორატორიული აქტივობისას.

რიგი რევმატული დაავადებებისას საერთოდ არ შეიძლება ფიზიოთერაპია, მაგალითად, სისტემური წითელი მგლურას, სისტემური ვასკულიტების დროს.
გააკეთეთ კომენტარი
კომენტარი არ გაკეთებულა
მსგავსი სიახლეები
„დავით ტატიშვილის სამედიცინო ცენტრის“ ექიმი-რევმატოლოგი ნანა თავართქილაძე:
05-11-2018
ართროზი და ართრიტი სახსრების დაზიანებით მიმდინარე დაავადებებია.
05-11-2018
ართრიტით შეწუხებულებს განსაკუთრებულ შვებას მოუტანს ხალხური საშუალება ლიმონისა და დარიჩინის გამოყენებით.
27-03-2019
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
კატეგორიის სხვა სტატიები
დაავადებული სახსრების მოვლა, სხვა პათოლოგიათა მსგავსად, რამდენიმე რჩევის გათვალისწინებასა და საჭირო ღონისძიებათა პერიოდულ თუ მუდმივ გატარებას გულისხმობს, რაც არც ისე ძნელია.
როგორია მისი თანმხლები სიმპტომები, როგორ ხდება დიაგნოსტირება და მკურნალობა თანამედროვე მეთოდებით.
პოდაგრა (ნიკრისის ქარი) ორგანიზმში პურინული ცვლის დარღვევით და შარდმჟავას რაოდენობის მატებით განპირობებული დაავადებაა.
მუხლის ტკივილი ძალიან შემაწუხებელია, განსაკუთრებით მაშინ, როდესაც ის ქრონიკული ხასიათისაა.
მსოფლიო სტატისტიკით, დაავადება ყოველ მესამე ქალს აქვს პოსტმენოპაუზურ ასაკში და 70 წელს გადაცილებული ქალებისა და მამაკაცების, თითქმის, ნახევარს.
4 თებერვალი რევმატოიდული ართრიტის ცნობიერების ამაღლების დღეა. ის ქრონიკულ, ანთებით,
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად