ვასკულიტი სისხლძარღვთა ანთებაა. ის ცვლის თითქმის მთელი ორგანიზმის სისხლძარღვთა კედლებს, რაც მათი გასქელებით, დასუსტებით, სანათურის შევიწროებითა და დანაწიბურებით გამოიხატება. ვასკულიტის რამდენიმე სახეობაა ცნობილი. ზოგიერთი მათგანი მოკლე ხანს გრძელდება, თუმცა არსებობს ქრონიკულად მიმდინარე ფორმებიც. ვასკულიტი, რომელსაც სხვაგვარად ანგიიტს ან არტერიიტს უწოდებენ, შესაძლოა ქსოვილთა და ორგანოთა მძიმე დაზიანების მიზეზად იქცეს, რადგან შეცვლილი სისხლძარღვები მათ სათანადო რაოდენობის სისხლს ვეღარ აწვდიან. სისხლის მიწოდების კრიტიკულმა დაქვეითებამ შესაძლოა ორგანოებისა და ქსოვილების კვდომამდეც კი მიგვიყვანოს. ვასკულიტი ყველას შეიძლება დაემართოს, თუმცა მისი განსაზღვრული სახეობები განსაზღვრულ ჯგუფებშია ხშირი. ზოგიერთი ვასკულიტის მიმდინარეობა თავისთავად უმჯობესდება, ზოგიერთი კი სერიოზულ მკურნალობას მოითხოვს.

სარკოიდოზი დაავადებაა, რომლის დროსაც ვითარდება ორგანიზმის ქსოვილებისა და ორგანოების დამახასიათებელი ანთება. დაავადებამ შესაძლოა ნებისმიერი ორგანო დააზიანოს, თუმცა უხშირესი და პირველი სამიზნე მაინც ფილტვები და ლიმფური კვანძებია. საკოიდოზის მიზეზი უცნობია. დაავადება შესაძლოა მოულოდნელად აღმოცენდეს და ასევე გაქრეს, შესაძლოა, კლინიკური სურათი თანდათან განვითარდეს და სიმპტომები პერიოდულად გაძლიერდეს ან შესუსტდეს.

ართრიტის დროს ყოველგვარი მედიკამენტური თერაპია უძლურია, თუ პაციენტი არ იცავს დამზოგველ რეჟიმს, განსაკუთრებით - გამწვავების პერიოდში.

პოდაგრული ართრიტი ერთ-ერთი ის დაავადებაა, რომელსაც ახალი წლის დღეებში გამწვავება ახასიათებს. მსუყე, შემწვარ-მოხრაკული საკვებისა თუ სპირტიანი სასმელების ჭარბი მიღების შემდეგ მისი შეტევები განსაკუთრებით ხშირდება. როგორ ავიცილოთ თავიდან დაავადების გამწვავება და როგორ მოვიქცეთ, თუ მაინც ასე მოხდა, ამის თაობაზე ექიმ ნინო მაისურაძის რჩევებს შემოგთავაზებთ.