მედიცინა უკვე სასწაულებს ახდენს - ნახეთ, როგორ ასწორებენ სკოლიოზს
ის უმეტესად ადრეულ ასაკში ყალიბდება და გაცილებით რთულ კლინიკურ სურათს იწვევს. იდიოპათიური სკოლიოზი იწყება 5-7 წლიდან. მეორე მნიშვნელოვანი პერიოდია აქტიური ზრდის პერიოდი - 10-დან 14 წლამდე. ამ ასაკში აღმოჩენილი სკოლიოზის ეს ფორმა, როგორც წესი, აღემატება I ხარისხს. გოგონებთან ის 5-ჯერ უფრო ხშირია, ვიდრე ვაჟებთან. იდიოპათიური სკოლიოზი ხერხემლის უფრო რთული გამრუდებაა, ვიდრე ჩვეულებრივი სკოლიოზი. მისთვის დამახასიათებელია ხერხემლის სვეტის არა მხოლოდ სიგრძივი (ე.წ. ფრონტალური), არამედ წინა-უკანა (საგიტალური) გამრუდებაც, რასაც თან ახლავს ხერხემლის ტორსია - ღერძის გარშემო მობრუნება. დაავადება სწრაფად პროგრესირებს და ჩვეულებრივ სკოლიოზთან შედარებით ძნელად ემორჩილება მკურნალობას, ამიტომ გვიან გამოვლენისას პროგნოზი ხშირად არაკეთილსაიმედოა. პროცესი სრულდება ტანდეგობის ვიზუალური დეფექტით, რომელიც მჟღავნდება მთელი სხეულის ასიმეტრიით, ზოგჯერ - სახის ასიმეტრიითაც კი, და ორგანოთა ფუნქციის მოშლით.
ვიდეოზე ნახავთ, როგორ მკურნალობენ დღეს მკვეთრად გამოხატულ სკოლიოზს.