რატომ არ გვირჩევენ ორთოპედები “შლიოპანცებით” სიარულს
“ადამიანები, რომლებიც მუდმივად ფლოსტებით (ე.წ. “შლიოპანცებით”) დადიან, ფეხისგულის ფასციტის განვითარების რისკჯგუფში არიან. მათ ფეხის გულზე ყველაზე ხშირად უსქელდებათ-ურქოვანდებათ კანი. ეს არც თუ ისე მსუბუქი პათოლოგიაა, თუმცა, კიდევ უფრო მძიმე ის არის, რომ ფლოსტების მოყვარულებს სიარულის მანერა ერღვევათ, რასაც შემდგომ ხერხემლის წელის არეში გარკვეული ცვლილებები და ტკივილი მოსდევს. ამ ტიპის ფეხსაცმელი ხომ მეტისმეტად არამყარია, მისმა ხშირად მოხმარებამ შესაძლოა აქილევსის მყესიც კი დააზიანოს. ფეხის სხვადასხვა სახის ტრავმა, მათ შორის ღრძობა და მოტეხილობა, ასევე ფლოსტებს უკავშირდება”, – განმარტავს ორთოპედი ქრისტინე ლონგი.
ასე რომ, მუდმივად ფლოსტებით (“შლიოპანცებით”) სიარულს არ გირჩევთ, ეს ფეხსაცმელი მხოლოდ დანიშნულებისამებრ გამოიყენეთ.
თინათინ გოცაძე