ოსტეოპოროზი მალე განკურნებადი გახდება - მეცნიერები ახალი აღმოჩენის ზღურბლზე დგანან
მოგეხსენებათ, ოსტეოპოროზი ძვლოვანი ქსოვილის ასაკობრივი გამეჩხერებაა, რომლის დროსაც ძვლები მყიფდება. შესაბამისად, მოტეხილობათა რისკი მნიშვნელოვნად იზრდება, უფრო მეტად, ვიდრე ჯანმრთელი ძვლოვანი ქსოვილის შემთხვევაში. ოსტეოპოროზი ფართოდ გავრცელებული და ამავე დროს პროგრესირებადი დაავადებაა. მისი მიზეზი კალციუმის ინტენსიურად დაკარგვაა.
მკვლევარებმა შეისწავლეს რა ორი ტიპის უჯრედები - ძვლის დამშლელები - ოსტეოკლასტები და ძვლოვანი ქსოვილის აღმდგენები – ოსტეობლასტები, მივიდნენ დასკვნამდე, რომ აღნიშნულ უჯრედებს შეუძლიათ ურთიერთქმედება ცილის წარმოქმნით, რომელსაც შემდგომ სხვა უჯრედთა რეცეპტორებს უკავშირებენ. ამგვარად ხდება ძვლოვანი ქსოვილის განახლება. აღმოჩნდა, რომ ოსტეოკლასტებს შეუძლიათ "შეტყობინება" გაუგზავნონ ოსტეობლატსებს, რათა მათ შეაფერხონ ძვლოვანი ქსოვილის ზრდა-განახლება.
ამ მექანიზმთა შესწავლის შემდეგ მეცნიერთა წინაშე ახალი ამოცანა დაისახა. მათი მთავარი მიზანი პროცესთა მართვაა. ბუნებრივია, თუ სპეციალისტები შეძლებენ პროცესთა მართვას, შესაბამისად, მოახერხებენ ძვლოვანი ქსოვილის ზრდის კონტროლსაც და ოსტეოპოროზის მკურნალობაც ეფექტურად განხორციელდება.
თინათინ გოცაძე
ოსტეოპოროზი - XXI საუკუნის პრობლემა
რატომ ითვლება ოსტეოპოროზი ქალების დაავადებად