ხერხემლის თიაქარი - ვის ემუქრება თიაქრის განვითარების საფრთხე
როგორც წესი, პროცესი სხეულის ცალ მხარეს მოიცავს და სიმპტომებიც ცალმხრივია. დაავადების გამოვლენა უმეტესწილად პათოლოგიური პროცესის ლოკალიზაციაზეა დამოკიდებული.
სიმპტომები:
- ხერხემლის ტკივილი - ის ხშირად დაავადების პირველი ნიშანია. თუ თიაქარი წელის მალების მიდამოშია, ტკივილი შეიგრძნობა მენჯისა და წვივის არეშიც. კისრის მიდამოში არსებულ თიაქარს კი მხრებისა და ხელების ტკივილი ახასიათებს. ტკივილს იწვევს მოძრაობა, დახრა, ადამიანს უჭირს სიარული, დიდხანს დგომა, წოლა. ტკივილი შესაძლოა რამდენიმე დღე გაგრძელდეს;
- კუნთების სისუსტე - სუსტდება ის კუნთები, რომელთა ინერვაციაც დაზიანებული ნერვის საშუალებით ხდება. იწვევს წონასწორობის დარღვევას, კიდურების მოძრაობის გაძნელებას, საგნების ხელში დაჭერის გაძნელებას;
- დაბუჟება - ბუჟდება გარკვეული უბანი. წელის თიაქრის დროს ეს შეიძლება იყოს ფეხი, ზოგჯერ კი მხოლოდ ტერფი
მალათაშუა დისკოს თიაქარი უმეტესად ხერხემლის დაბერების, ცვეთის შედეგია. დისკო დიდი რაოდენობით წყალს შეიცავს. ასაკთან ერთად კი წყლის შემცველობა იკლებს, რის შედეგადაც მალათაშუა დისკო დრეკადობას კარგავს, დისკოებს შორის სივრცე კი ვიწროვდება. ამ ტიპის დეგენერაციული ცვლილებები თიაქრის განვითარების რისკს ზრდის.
სხვა რისკ-ფაქტორებია:
- ჭარბი წონა;
- ცხოვრების მჯდომარე წესი;
- სიგარეტის მოხმარება - ამ დროს მალთაშუა დისკოს ნაკლები ჟანგბადი მიეწოდება;
- ფიზიკური დატვირთვა - მძიმე საგნების აწევა