მოსიარულე პრობლემა - მკურნალი.გე

რუბრიკები

ოჯახის მკურნალის ანონსი

მარტი 2019

კითხვა-პასუხი

მოსიარულე პრობლემა

მოსიარულე პრობლემა


მაქვს ბრტყელტერფიანობა. ამის გამო ჩამომიყალიბდა სიარულის თავისებური მანერა, რომელიც კომპლექსს მიჩენს. გარდა ამისა, ადვილად ვიღლები, მტკივდება ფეხები... რისი ბრალია ბრტყელტერფიანობა? არსებობს თუ არა მეთოდი, რომელსაც მდგომარეობის შემსუბუქება შეუძლია?

ბრტყელტერფიანობის პრობლემა დედამიწის მოსახლეობის 40-60%-ს აწუხებს. ისეთი ფაქტორები, როგორიც არის სამუშაო, რომელიც ფეხზე დგომას მოითხოვს, მოუხერხებელი ან პატარა ფეხსაცმელი, ზედმეტი წონა, უამრავ უსიამოვნო სიურპრიზს გვიმზადებს, რომელთაგან ერთ-ერთია ბრტყელტერფიანობა - ტერფის თაღის დარღვევა. ზედმეტი დატვირთვის გამო ტერფი ბრტყელდება და სიარულის დროს ზამბარასავით დრეკადი აღარ არის. თავს იჩენს ტკივილისა და დაღლილობის შეგრძნება.

 

ნაბიჯით იარ!

ტერფის შემადგენელი წვრილი ძვლები ერთმანეთს მყესებითა და კუნთებით უერთდება. სწორედ ეს თავისებური შემაერთებელი თასმები აძლევენ ტერფს ფორმას. ნორმალური სიარულისთვის აუცილებელია, ტერფის ყველა შემადგენელი ნაწილი ერთმანეთის მიმართ მოძრავი იყოს. ჯანმრთელი ადამიანის სიარულის მანერა ნარნარია, მწყობრი, მსუბუქი. და მყესების შესუსტება იწვევს ტერფის შეუქცევად დეფორმაციას და სიარულის მანერის
შეცვლას. ამიტომ არის, რომ ბრტყელტერფიანი ადამიანი დადის უხერხულად, უჩვეულოდ, რის გამოც ძალა ადგება ტერფს, კუნთებს და მყესებს, თავს იჩენს ტკივილი და დაღლილობა. ზოგჯერ ამას ემატება კიდურის სხვა ნაწილების, მაგალითად, მენჯის დეფორმაცია. ხშირად ადამიანებს უჩვეულო სიარულის გამო ერთგვარი დისკომფორტი უჩნდებათ და კომპლექსდებიან.


ერთი ზომით დიდი
ბრტყელტერფიანობის დროს ტერფი გრძელდება, რაც ადამიანს იძულებულს ხდის, 1-2 ზომით დიდი ფეხსაცმელი ჩაიცვას. ზოგჯერ თითებთან ფეხი ფართოვდება, ჩნდება კოჟრები, დიდ თითზე კი კოპისებრი გამონაზარდი. თავს იჩენს დარღვევები სიგრძივ და განივ თაღებზე. ასეთ ბრტყელტერფიანობას სიგრძივ-განივს უწოდებენ: ტერფი წაგრძელებულია, ხოლო თითები მარაოსავით არის გაშლილი.


ავადმყოფობის სამი სტადია
ავადმყოფობის საწყის სტადიაში ფეხები ჩვეულებრივი დატვირთვის შემთხვევაშიც კი დღის ბოლოსთვის საშინლად იღლება, ხოლო ფეხისგულის შუა ნაწილზე დაწოლისას ტკივილი იჩენს თავს. ხშირად საღამო ხანს ფეხები სივდება, მაგრამ დასვენების შემდეგ, დილისთვის, ისევ ნორმალურ მდგომარეობას უბრუნდება. ბრტყელტერფიანობის პირველივე სიმპტომებთან წარმატებული ბრძოლისთვის ძალიან სასარგებლოა:

. ელექტროსტიმულაცია;
. ფიზიოთერაპია;
. ჰიდრომასაჟი;
. ფეხის თბილი აბაზანები.

ბრტყელტერფიანობა განვითარებულ სტადიაში ძალიან მტკივნეული და შემაწუხებელია. ტერფებსა და წვივებში ძლიერი ტკივილის გამო სიარულის მანერა მძიმე და იხვისებური ხდება, ჩნდება ფეხსაცმლის პრობლემა. აღნიშნულ სტადიაში ტარდება სპეციალური პროცედურები:

. მაგნიტოთერაპია;
. ელექტროფორეზი;
. აპლიკაციები ოზოკერიტით;
. ფონოფორეზი;
. სამკურნალო ვარჯიში;
. მასაჟი.

მასაჟის გაკეთება შინაც შეგიძლიათ: ყოველდღე 10-12 წუთის განმავლობაში იზილეთ ტერფები და წვივების შიგნითა ზედაპირები. ამ ამოცანის გადაჭრას საგრძნობლად გააადვილებს მასაჟორი. როცა ავადმყოფობა თვითდინებაზეა მიშვებული, ჩვეულებრივ, უფრო მეტად მწვავდება, ვიდრე მაშინ, როცა ვუფრთხილდებით: სიარული ჭირს, ტერფები დეფორმირებულია. აქ ქირურგიული ჩარევის გარეშე შედეგს ვერ მივაღწევთ. ოპერაცია რთული არ არის, მაგრამ სარეაბილიტაციო პერიოდი ორ თვემდე გრძელდება. გამწვავებულ სტადიაში ავადმყოფები იცვამენ სპეციალურ ორთოპედიულ ფეხსაცმელს, რომელიც ინდივიდუალური შეკვეთით მზადდება.


ბრტყელტერფიანობის განვითარების 7 რისკფაქტორი:

1. თანდაყოლილი ბრტყელტერფიანობა. თუ ოჯახში ვინმეს აქვს ეს დაავადება, დიდია ალბათობა, ის თქვენც გამოგაჩნდეთ.
2. ტრავმა. ტერფი ბრტყელდება ტერფის, ქუსლის ძვლების მოტეხილობის, იმ რბილი ქსოვილების დაზიანების დროს, რომლებიც ტერფის თაღს ამაგრებენ.
3. ორსულობა. ორსულობის მესამე ტრიმესტრში ფეხებზე დაწოლა საგრძნობლად იზრდება.
4. ფეხსაცმელი. მეტისმეტად ვიწრო და ფართო, მაღალქუსლიანი და სულ მთლად უქუსლო ფეხებისთვის ერთნაირად მავნებელია.
5. სამუშაო, რომელიც ფეხზე დგომას მოითხოვს (ამიტომ არის, რომ ეს პრობლემა განსაკუთრებით გამყიდველებსა და პარიკმახერებს აწუხებთ).
6. სიმძიმეების აწევა. მძიმე ჩანთების მუდმივი ტარება არა მარტო ხელებს ჭიმავს, არამედ ტერფებსაც აფართოებს.
7. ზედმეტი წონა. მეტისმეტად მსუქან ადამიანებს ფეხები ზომაზე მეტად ეტვირთებათ.

გააკეთეთ კომენტარი
თარიღი : 20-03-2015
Nino
მიპასუხეთ რა, ძალიან მჭირდება თქვენი პასუხი
თარიღი : 16-03-2015
Nino
გამარჯობა, მაქვს ბრტყელი ტერფი, პირველად გავიგე, არ ვიცოდი ოპერაცა თუ კეთდებოდა და ინკირნებოდა, თუ იცით სად კეთდება ეს ოპერაცია, იქნებ დამაკვალიანოთ, წინასწარ დიდი მადლობა!
რეკომენდებული პროდუქტები
ხრტილოვანი ნაწილის შესანარჩუნებლად -30აბი
ფასი: 44.4
ანთების დროს ტკივილის შესამცირებლად-30აბი
ფასი: 43.9
სახსრებისა და კუნთების ჯანმრთელობისთვის - 8პლასტირი
ფასი: 44.9
სახსრებისა და კუნთებისთვის -75მლ. ტუბი
ფასი: 41.9
დიეტოლოგია
ზოგჯერ ისე ხდება, რომ არაერთი დიეტის დაცვის მიუხედავად ადამიანები წონის დაკლებას ვერ ახერხებენ. ამას
ადამიანები, რომლებიც სწრაფად ჭამენ, უფრო მეტს იწონიან მათთან შედარებით, ვინც უპირატესობას ნელა მირთმევას
მწვანე ჩაისა და სტაფილოში არსებულ ნაერთებს ალცჰაიმერის დაავადების განვითარების შეჩერების უნარი გააჩნია.
კატეგორიის სხვა სტატიები
სხეულის ფორმები მეტწილად გენეტიკითაა განსაზღვრული. ცნობილია, რომ წელისა და თეძოს გარშემოწერილობათა
ქუსლის ძვლის ტკივილის მიზეზი უმეტესად ტერფის პლანტარული ფასციის ანთებაა. ანთებას მეტწილად იწვევს
ხანგრძლივად ჯდომა ზრდის გულ-სისხლძარღვთა სისტემის დაავადებათა და ონკოლოგიურ პათოლოგიათა რისკს,
სქოლიოზი ჩვენს გარშემო უამრავ ადამიანს აწუხებს, შესაძლოა, ხერხემალი ხანდახან თავადაც გვტკიოდეს, მაგრამ
ბრტყელტერფიანობა, გამრუდებული ხერხემალი, ფეხსაცმლის, მატრასისა და სპორტის სახეობის სწორად შერჩევა ბავშვებისთვის -
ისრაელის ბენ-გურიონის უნივერსიტეტის მეცნიერებმა ოსტეოპოროზის საწინააღმდეგო ახალი საშუალება
დაფნის ფოთოლს უძველესი დროიდან იყენებენ ხალხურ მედიცინაში, რადგან მას კულინარიულის გარდა, სამკურნალო დანიშნულებაც აქვს.
გინდათ, თქვენს სამზარეულოში ჭურჭელი ახალივით გამოიყურებოდეს?
არ არსებობს ადამიანი, რომელსაც ერთხელ მაინც არ განუცდია თავის ტკივილი. ეს უკანასკნელი აქვეითებს
გვესაუბრება ექიმ-რეანიმატოლოგი ნინო გრიშაშვილი. - ქალბატონო ნინო, რა არის მოწამვლა, რა ნიშნებით შეიძლება