როგორ დავიბრუნოთ მოძრაობის უნარი - ოპერაცია, რომელსაც ასაკობრივი შეზღუდვა არ აქვს - მკურნალი.გე

რუბრიკები

ოჯახის მკურნალის ანონსი

ნოემბერი 2020

როგორ დავიბრუნოთ მოძრაობის უნარი - ოპერაცია, რომელსაც ასაკობრივი შეზღუდვა არ აქვს

როგორ დავიბრუნოთ მოძრაობის უნარი - ოპერაცია, რომელსაც ასაკობრივი შეზღუდვა არ აქვს
სახსრების ტკივილით, შეშუპებითა და მოძრაობის შეზღუდული უნარით 65 წელს გადაცილებული ადამიანების 90% იტანჯება. სახსრების დაავადების გამომწვევი მიზეზები ასაკობრივ ცვლილებებს უკავშირდება. ამ დროს ნელდება მეტაბოლიზმი, სახსრები იწყებს ტკაცუნს და აღარ არის ისეთი მობილური, როგორიც ახალგაზრდობაში იყო.
სახსრების პრობლემების მოგვარება მარტივი ნამდვილად არ არის და რიგ შემთხვევაში ქირურგიული ჩარევაც საჭიროა. ამ საკითხზე დეტალურად სასაუბროდ "ნიუ ჰოსპიტალსის" ორთოპედია-ტრავმატოლოგიის დეპარტამენტის ხელმძღვანელს, ლუხუმ ჭანტურიასა და ორთოპედიული ქირურგიის ხელმძღვანელს, გიორგი ჭუმბურიძეს მივმართეთ.

შესაძლებელია თუ არა მოძრაობის ძველებური სიმსუბუქის დაბრუნება ასაკში?

ლუხუმ ჭანტურია: თანამედროვე მეცნიერება და მედიცინა ამ
კითხვაზე მტკიცე პასუხს სცემს. დიახ, ეს შესაძლებელია. სახსრების კორექციის ერთ-ერთი საუკეთესო მეთოდი ენდოპროთეზირებაა. ეს ჩარევა ხდება ართრიტის, ტრავმის, ოსტეოპოროზის, ვირუსული და ინფექციური დაავადებების, თანდაყოლილი ანომალიების და დაზიანებების დროს. ენდოპროთეზირება საჭიროა იმ შემთხვევებშიც, როდესაც დატვირთვის დროს იმატებს ტკივილი, ასევე კიდურის სიმოკლის, საკუთარი თავის მოვლის გართულებისა და
გადაადგილების უნარის შეზღუდვის შემთხვევაში.

ენდოპროთეზირებისთვის ასაკობრივი შეზღუდვა არა არსებობს. მისი გაკეთება ნებისმიერ ასაკშია შესაძლებელი, მთავარია პაციენტი წინასაოპერაციო მოთხოვნებს აკმაყოფილებდეს.

რა არის ენდოპროთეზირება?

გიორგი ჭუმბურიძე: ენდოპროთეზირება არის სახსრის ჩანაცვლება ხელოვნური სახსრით. სხვადასხვა მიზეზით დაზიანებული და არასრულყოფილად მომუშავე სახსრების სასახსრე ზედაპირების ჩანაცვლება ხდება. ზოგადად, ენდოპროთეზირების ოპერაციები მედიცინის მიღწევად ითვლება, რადგან ისინი საიმედო და ხანგრძლივ შედეგს იძლევა. ოპერაციების 90%-ის შემთხვევაში პაციენტი ჯანმრთელობის მდგომარეობის მნიშვნელოვან გაუმჯობესებას გრძნობს.
ენდოპროთეზი მრავალი სახეობის არსებობს და სხვადასხვა მასალის კომპონენტისაგან შედგება. ესენია პოლიეთილენი, კერამიკა, ტიტანი და სხვა. ენდოპროთეზის მოდელის შერჩევა ხდება ინდივიდუალურად, პაციენტის ასაკის გათვალისწინებით, ასევე გამომდინარე სახსრის ფუნქციურ-ანატომიური მონაცემებიდან და დაავადების ფორმისა და ხარისხის მიხედვით.

mkurnali.ge

"ნიუ ჰოსპიტალსში" როგორ ხდება ენდოპროთეზირება?

გიორგი ჭუმბურიძე: "ნიუ ჰოსპიტალსში" გამოიყენება მხოლოდ ულტრათანამედროვე, მინი-ინვაზიური და უცემენტო ტიტანის მოდელები კერამიკული კომპონენტებით. ამ სახეობის ენდოპროთეზებს გააჩნიათ სხვებთან შედარებით ხანგრძლივი საექსპლუატაციო ვადა და მათი იმპლანტაციის შემთხვევაში, პაციენტები შედარებით სწრაფად და უმტკივნეულოდ ახერხებენ მობილიზაციას.

როგორია ოპერაციისთვის მოსამზადებელი პროცედურა?

ლუხუმ ჭანტურია: პირველ ეტაპზე პაციენტი კონსულტაციას გასდის ტრავმატოლოგ-ორთოპედთან, რომელიც საჭიროებისამებრ გადაამისამართებს დამატებით გამოკვლევებზე. თუ კვლევებმა დაადგინა, რომ პაციენტს ენდოპროთეზირება სჭირდება, მაშინ მას უკვე ოპერაციისთვის ვამზადებთ. ოპერაციის ჩასატარებლად აუცილებელია რომ ზოგადი ჯანმრთელობის მდგომარეობა კარგი ჰქონდეს.

mkurnali.ge

რეაბილიტაციის პროცესი რამდენ ხანს გრძელდება და რამდენად რთულია ის?

ლუხუმ ჭანტურია: რეაბილიტაცია ოპერაციის დასრულებიდან რამდენიმე საათში იწყება. პაციენტი პირველ მოძრაობას ქირურგის რეკომენდაციების მიხედვით იწყებს. აუცილებელია სახსრების ვარჯიშები. რეკომენდებულია სეირნობა. მოძრაობის სრული აღდგენა და ცხოვრების აქტიურ რეჟიმში დაბრუნება თვენახევრის შემდეგ ხდება.

საბოლოოდ, ამ ოპერაციით ადამიანების ცხოვრების სტილი რადიკალურად იცვლება. ხანშიშესულ ადამიანებს, რომლებსაც უჭირთ გადაადგილება, საშუალება ეძლევათ, რომ დამოუკიდებლად იარონ, წავიდნენ სტუმრად თუ საყიდლებზე და გააკეთონ ყველაფერი, რაც მოუნდებათ.

კონსულტაციაზე ჩასაწერად დაუკავშირდით ნიუ ჰოსპიტალსს 2 190 190
გააკეთეთ კომენტარი
კომენტარი არ გაკეთებულა
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
ოსტეოპოროზი არის ძვლის მინერალური სიმკვრივის დაქვეითებით მიმდინარე დაავადება, რაც ზრდის მოტეხილობების
ტერმინით, „ძვლის მეტაბოლური დაავადებები“, ჩვეულებრივ, აღინიშნება ჩონჩხის გენერალიზებული დაზიანება,
ართროზი სახსრების დაავადებაა, რომელიც მთელ მსოფლიოში ფართოდაა გავრცელებული.
ძვლების სიმყიფეს სხვადასხვა ფაქტორი განაპირობებს: საკვებ რაციონში რძის პროდუქტების სიმცირე ან მათი ცუდად შეთვისება, მზის სინათლის
ხერხემლის მდგომარეობა მნიშვნელოვან გავლენას ახდენს ადამიანის ზოგად ჯანმრთელობასა და შრომისუნარიანობაზე.
ხანდაზმული ადამიანებისთვის მნიშვნელოვანია К1 ვიტამინის დონის კონტროლი. აღნიშნული ვიტამინის (ფილოქინონი)
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად