ხშირი გარუჯვა სიბერეს აჩქარებს
და იქვე დასძინა, რომ ამის მიზეზია ამ რეგიონისთვის დამახასიათებელი მწველი მზე და ემოციური ხასიათი.
აქტიურ მზეზე ხშირი ყოფნა სიბერის დამაჩქარებელ ფაქტორებს მიეკუთვნება. პროფესორ ციცინო შურღაიას თქმით, ქართველებს გვაქვს ქალის სილამაზის გამომხატველი არაჩვეულებრივი სიტყვა - "მზეთუნახავი", რითაც ყველაფერია ნათქვამი.
საქმე ის არის, რომ ულტრაიისფერი სხივები ორგანიზმიდან (ამ შემთხვევაში - სახის კანიდან) გამოათავისუფლებენ კოლაგენის დამშლელ თავისუფალ რადიკალებს, კოლაგენი კი ის ნივთიერებაა, რომელიც კანს სიმკვრივეს ანიჭებს და ახალგაზრდობას უნარჩუნებს. გარდა ამისა, კოლაგენის ბოჭკოები ერთმანეთთან მჭიდროდ აკავშირებს კანსა და კუნთებს. თუ კოლაგენი დაიშალა, კანი კუნთებთან კავშირს კარგავს და დედამიწის მიზიდულობის ძალის გავლენით დაბლა იწევს. ამის შედეგად ჩნდება ე.წ. გრავიტაციული ნაოჭები და ბოლოს - ღარები (ნაოჭი და ღარი სხვადასხვა რამ არის - დაბერების პროცესის კვალდაკვალ ცხვირ-ტუჩის ნაოჭი გრძელდება და საბოლოოდ ყალიბდება ცხვირ-ტუჩის ღარი). ქუთუთოების ირგვლივ ე.წ. ბატის ნაფეხურები ჩნდება, ქუთუთოების ქვეშ - თიაქრები, ნიკაპის ქვეშ - ღაბაბი, ყელზე - ვერტიკალური ნაოჭები, წარბებს შორის კი - ვერტიკალური და ჰორიზონტალური ღარები. სახის კანი თხელდება და მუქი პიგმენტით იფარება. კიდევ რა იწვევს კანის დაბერებას, იხილეთ სტატია "კავკასიელი ქალები ყველაზე ადრე ბერდებიან?"