რატომ აქვთ მწეველებს სახეზე „მიწის“ ფერი
ეს ყველაფერი განპირობებულია სისხლში ნიკოტინის დაშლის პროდუქტების შეღწევით, რაც ამცირებს სისხლძარღვთა ტონუსს და უარყოფითად მოქმედებს კანის უჯრედებში ბიოქიმიურ პროცესებზე. ასევე, ნიკოტინის გავლენით, იზრდება თავისუფალი რადიკალების აქტივობა, რაც იწვევს კანის ძალიან სწრაფ დაბერებას კოლაგენისა და ელასტინის სტრუქტურის ცვლილების გამო, რომლებიც პასუხისმგებელნი არიან კანის სიმტკიცესა და ელასტიურობაზე.
გარდა ამისა, კუპრის გავლენით ნადგურდება C ვიტამინი, ბუნებრივი ანტიოქსიდანტი. ამის გამო მწეველთა კანი მოკლებულია ჯანსაღ გარეგნობას.
მოწევა უარყოფითად მოქმედებს თმაზეც, რომელიც იძენს უსიამოვნო სუნს, ხდება მტვრევადი და აქტიურად ცვივა.
თამბაქოს წვისას წარმოიქმნება ჭვარტლი და კუპრი. ამის გამო კბილები მუქდება და ყვითლდება, კარგავს ბზინვარებას და იშლება კიდეც. მუდმივად აღინიშნება პირის ღრუში ცუდი სუნი, რომელსაც ვერაფერი შველის. დროთა განმავლობაში, თამბაქოს შხამების ზემოქმედებით თითქმის ყველა მწეველის ხმა კარგავს სისუფთავეს, ხდება უხეში და ჩახლეჩილი.
