მარიამ ფოლადაშვილი

იგი ცნობილია დაბერების, პიგმენტაციის საწინააღმდეგო, გამამკვრივებელი თვისებებით.

C ვიტამინის დერმატოლოგიური სარგებლობის მისაღებად საუკეთესო გზაა კანის მოვლის საშუალებების გამოყენება, რომლებიც შეიცავენ მას.

C ვიტამინი ასევე ცნობილი, როგორც ასკორბინის მჟავა ან L-ასკორბინის მჟავა - ხშირად გვხვდება შრატის სახით, ასევე ის შედის კრემებისა და ლოსიონების შემადგენლობაში. ეს ყველაფერი კი ეხმარება კანს C ვიტამინის ადვილად ათვისებაში.

C ვიტამინის შრატის გამოყენების უპირატესობები:

იცავს კანს დაზიანებისგან - კანი მუდმივად იმყოფება მავნე ზემოქმედების ქვეშ, როგორიცაა ჰაერის დაბინძურება და მზის ზემოქმედება. ანტიოქსიდანტებს კი შეუძლიათ დაიცვან კანი თავისუფალი რადიკალებისგან. არსებობს მეცნიერული მტკიცებულება იმისა, რომ C ვიტამინს აქვს ანტიოქსიდანტური ეფექტი. C ვიტამინის აქტიური გამოყენება ხელს უწყობს უჯრედების ნაკლებად დაზიანებას და კანის სტრუქტურის გაუმჯობესებას.

თავისუფალი რადიკალების წყაროებია:

• Ჰაერის დაბინძურება;
• ალკოჰოლი, შაქარი და ცუდი კვება;
• Სიგარეტის მოხმარება;
• ულტრაიისფერი გამოსხივება

აქვს დაბერების საწინააღმდეგო ეფექტი - თავისუფალ რადიკალებს, ისევე როგორც ასაკს შეუძლიათ დააჩქარონ კანის დაბერება, ამასთან ასაკის მატებასთან ერთად კანი ნაკლებ კოლაგენს გამოიმუშავებს. ნაჩვენებია, რომ C ვიტამინი აუმჯობესებს კოლაგენის გამომუშავებას.

ხელს უწყობს მზისგან დამცავი საშუალებების ეფეტის გაძლიერებას - კვლევებმა აჩვენა, რომ როდესაც C ვიტამინს აერთიანებთ მზისგან დამცავ კრემთან, მიიღებთ კიდევ უფრო უკეთეს დაცვას მზისგან. C ვიტამინის გამოყენებამ E ვიტამინთან და რამდენიმე სხვა აქტიურ პროდუქტთან ერთად შეიძლება შეამციროს მზის დამწვრობის შედეგად გამოწვეული ტკივილი და ანთება.

ამცირებს ჰიპერპიგმენტაციას - C ვიტამინი ხელს უწყობს კანის ტონის გათანაბრებას მზის ლაქებისა და სხვა მუქი შეფერილობის ლაქების გაქრობის გზით. ეფექტისთვის საჭიროა C ვიტამინის რეგულარული გამოყენება.

ამცირებს თვალის ქვეშ მუქ წრეებს - კვლევამ აჩვენა, რომ ვიტამინი C ხელს უწყობს თვალის ქვეშ მუქი წრეების შემცირებას. კვლევამ ასევე აჩვენა, რომ C ვიტამინის კოლაგენის გამაძლიერებელი უნარი შეიძლება დაეხმაროს თვალის ქვეშ კანის გამკვივებას, რაც ართულებს მუქი წრეების გაჩენას.

გვერდითი მოვლენები და სიფრთხილის ზომები C ვიტამინის შრატის გამოყენებისას:

ადამიანების უმეტესობას არ აღენიშნება რაიმე უარყოფითი გვერდითი მოვლენა C ვიტამინის შრატის გამოყენებისას, მაგრამ იშვიათ შემთხვევებში შეიძლება გქონდეთ:

• სიმშრალე;
• ქავილი;
• სიწითლე

თუ თქვენ გაქვთ მგრძნობიარე კანი, დაიწყეთ L-ასკორბინის მჟავის დაბალი კონცენტრაციით.

როგორ ავირჩიოთ C ვიტამინის შრატი:

სწორი ინგრედიენტები: მოძებნეთ პროდუქტი, რომლის ეტიკეტზეც მოიძებნება წარწერა: ”ასკორბინის მჟავა" ან "L-ასკორბინის მჟავა”.

10%-20% კონცენტრაცია: 10%-ზე ნაკლები ასკორბინის მჟავა არ მოგცემთ სარგებელს,მაგრამ 20%-ზე მეტი რისკს იწვევს თქვენი კანის სერიოზული გაღიზიანება. ამიტომ ასკორბინის მჟავის კონცენტრაცია უნდა იყოს 10%-20%-ს შორის.

C ვიტამინი, როგორც ინგრედიენტი მგრძნობიარეა მზის, სითბოს და სინათლის მიმართ, ამიტომ გამოიყენეთ პროდუქტი, რომელიც დაცულია მუქ ან შეღებილ მინაში.

მიუხედავად იმისა, რომ შრატის გამოყენება უსაფრთხოა ღამით, დერმატოლოგების რეკომენდაციით, მისი გამოყენება უმჯობესია დილით, რადგან ის მზისგან დამცავი კრემის ფუნქციას აძლიერებს.

შედეგის მისაღწევად საჭიროა სამ თვემდე, ამიტომ უმჯობესია მისი გამოყენება რეგულარულად.