რა იწვევს პიგმენტურ ლაქებს კანზე
10.01.2023
პიგმენტური ლაქა კანის ჰიპერპიგმენტაციის შედეგია. მისი შეფერვა კი დამოკიდებულია კანში პიგმენტ მელანინის გამომუშავებაზე.
ლაქები ზამთარში შედარებით ღია ფერისაა, ხოლო ზაფხულში მუქდება.
პიგმენტური ლაქები ძირითადად ჩნდება კანის დაბერების დროს.
ლაქები არის სხვადასხვა ზომისა და ფორმისა, ყავისფერი ან ყვითელი შეფერილობით, რომლებიც განსხვავებულია კანის ჩვეულებრივი ფერისგან. ისინი, ძირითადად, თავს იჩენენ სახის, კისრის, ხელებისა და გულმკერდის არეში. ამ დროს კანი უხეშდება.
სხეულზე პიგმენტური ლაქების გაჩენაზე გავლენას ახდენს შემდეგი ფაქტორები:
- ხშირი გარუჯვა და მზის ინტენსიური სხივების ზემოქმედება;
- კანის დაზიანება;
- ჰორმონალური დისბალანსი;
- უხარისხო, არასწორად შერჩეული კოსმეტიკური საშუალებების გამოყენება;
- ორსულობა
თუმცა, ამ მიზეზების გარდა, ლაქების გაჩენა შესაძლოა გამოიწვიოს ხვადასხვა ორგანოს პათოლოგიებმა, როგორებიცაა:
- თირკმლის პრობლემები;
- ღვიძლის დაავადება;
- კანის სოკოვანი დაავადებები
მკურნალობის დროული დაწყება ზრდის პიგმენტური ლაქების სრულად მოშორების შესაძლებლობას.
პრევენციისათვის:
- გამოიყენეთ მზისგან დამცავი ,მაღალი SPF შემცველი კოსმეტიკური საშუალებები;
- მოუარეთ კანს;
- ყურადღება მიაქციეთ თანმდევ დაავადებებს და გამოიკვლიეთ ისინი;
- მისდიეთ ცხოვრების ჯანსაღ წესს - მიიღეთ დიდი რაოდენობით წყალი და ჯანსაღი საკვები.
