რა შეცდომებს ვუშვებთ ზაფხულში კანის მოვლისას
შეცდომა 1 – მზისგან დამცავი საშუალებების იგნორირება.
ზაფხულის დადგომისთანავე უნდა მოვიმარაგოთ მზისგან დამცავი საშუალებები. პირველ რიგში, SPF-50 ფილტრიანი საცხი სახისა და სხეულის კანის დასაცავად მზის მავნე გამოსხივებისგან. ასევე უნდა გავითვალისწინოთ, რომ მზის სხივების ზემოქმედებით ადამიანები უფრო სწრაფად ბერდებიან, უჩნდებათ მიმიკური ნაოჭები და პიგმენტაცია. ამიტომ ერთ-ერთი ძირითადი შეცდომა ზაფხულში მზისგან დამცავი საშუალებების იგნორირებაა. მზისგან დამცავი საშუალებები აგვაცილებს პიგმენტური ლაქების გაჩენასაც.
შეცდომა 2 – მცენარეული საფუძვლის პრეპარატების იგნორირება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
გარდა მზისგან დამცავი საშუალებებისა, აუცილებლად უნდა მოვიმარაგოთ სხვადასხვა: ალოეს, პანთენოლისა და სხვა საფუძველზე დამზადებული კრემები, სპრეები, ლოსიონები, რძე. ეს საშუალებები თავიდან აგვაცილებს კანის გამოშრობას და სხვა პრობლემებს ღია სივრცეში დიდხანს ყოფნისა და მზის აბაზანების მიღებისას.
შეცდომა 3 – არ ვიყენებთ დეკორატიულ კოსმეტიკას SPF-ფილტრით.
ჩვეულებრივ, SPF-ის ხსენებაზე გვახსენდება პლაჟისთვის განკუთვნილი საშუალებები. თუმცა თანამედროვე დეკორატიული კოსმეტიკა და მოვლის საშუალებები ამ დაცვასაც მოიცავს. SPF-ფილტრის შემცველი კოსმეტიკა განსაკუთრებით ქალაქის მაცხოვრებლებს სჭირდებათ. ის საიმედოდ იცავს სახეს, კისერს, დეკოლტეს მიდამოსა და ხელებს მზის სხივებისაგან. უნდა გავითვალისწინოთ, რომ ინსოლაცია კანის ნაადრევი დაბერების ძირითადი მიზეზია.
ხშირად SPF-ის შემცველ კოსმეტიკაზე უარს ამბობენ ცხიმიანი და პრობლემური კანის მქონე ადამიანები ამ პროდუქტების მკვრივი კონსისტენციის გამო. მათთვის ზაფხულში გელის საფუძველზე დამზადებული უფრო მსუბუქი ტექსტურის საშუალებებია რეკომენდებული. საზოგადოდ, ზაფხულში უმჯობესია მსუბუქი ტექსტურის საშუალებების გამოყენება. აქტიური კომპონენტებიდან პირველ ადგილზეა С ვიტამინის (ანტიოქსიდანტი) შემცველი შრატები, რომელთაც პიგმენტაციის პროფილაქტიკისა და უჯრედული სუნთქვის გამაუმჯობესებელი თვისებები აქვთ. ზაფხულში არ შეიძლება დიდი დოზით რეტინოლის (А ვიტამინი) გამოყენება, რადგანაც აღნიშნული ვიტამინი აძლიერებს კანის ფოტომასენსიბილიზებელ თვისებებს.
შეცდომა 4 – ხელების მოუვლელობა.
ამ პერიოდში განსაკუთრებული ყურადღება უნდა მიექცეს ხელებს, რაც ხშირად გვავიწყდება. ამინდის ფაქტორებისა და მზის ინსოლაციის გამო ხელების ნაადრევი დაბერების საშიშროება, სახის კანთან შედარებით, გაცილებით დიდია. ხელებს სჭირდება რეგულარული მოვლდა და შPFდაცვა. წინააღმდეგ შემთხვევაში ხელის კანი გათხელდება და ეს მის სწრაფდაბერებას შეუწყობს ხელს.
შეცდომა 5 – გაახალგაზრდავების პროცედურის არასეზონურად ჩატარება.
ზაფხულში აგრესიული პროცედურები, როგორებიცაა საშუალო და ღრმა პილინგი, ფატალური შეცდომაა, რამაც შეიძლება გართულებები გამოიწვიოს. კერძოდ, პოსტტრავმული პიგმენტაცია, რომელთან გამკლავებაც რთულია. ზაფხულში, შემოდგომის შუა პერიოდამდე, ასევე არარეკომენდებულია კანის ლაზერული პილინგი, რაც შესაძლოა პიგმენტაციის მიზეზი გახდეს.
