მეცნიერებმა ნეკერჩხალში კანის გამაახალგაზრდავებელი უნიკალური საშუალება აღმოაჩინეს
ის როდ-აილენდის უნივერსიტეტში უკვე მონათლეს მცენარეულ ბოტოქსად.
ცნობილია, რომ კანი ინარჩუნებს ელასტიურობას შემაერთებელი ქსოვილის ცილების, კოლაგენისა და ელასტინის ხარჯზე. თუმცა დაბერების პროცესთან ერთად ელასტინი ფერმენტ ელასტაზას მიერ იშლება და კანზე წარმოიქმნება ნაოჭები.
მეცნიერებმა შეძლეს გამოეყოთ ამერიკული წითელი ნეკერჩხლის ფოთლებიდან ბუნებრივი ფენოლური ნაერთი (GCGs - გალოტანინი გლუციტოლით). როგორც აღმოჩნდა მას შეუძლია ელასტაზაზე მოქმედება და მისი აქტივობის ბლოკირება.
ნაერთი ფერმენტს არ აძლევს ელასტინის დაშლის საშუალებას. გარდა ამისა, მისი დახმარებით შესაძლებელია კანის ანთების მკურნალობა, პიგმენტური ლაქების გაუფერულება და ჭორფლის მოშორება. მეცნიერები პერსპექტივაში, გამოყოფილი ნაერთების კრემების აქტიურ კომპონენტად გამოყენებას ფიქრობენ.
ლალი ჩხიკვაძე