ნაღვლის ბუშტის დაავადებები - მკურნალი.გე

რუბრიკები

ოჯახის მკურნალის ანონსი

მაისი 2020

ნაღვლის ბუშტის დაავადებები

ნაღვლის ბუშტის დაავადებები
ნაღვლის ბუშტის დაავადებები საჭმლის მომნელებელი სისტემის ზოგად პათოლოგიათა შორის თანამედროვე მედიცინის საკმაოდ მწვავე და აქტუალურ პრობლემად მიიჩნევა. ამ პათოლოგიების განვითარება ორგანიზმში მიმდინარე ბიოქიმიურ, კლინიკურ და ფსიქოემოციურ ძვრებს უკავშირდება. სწორედ ამიტომ, როდესაც ნაღვლის ბუშტის ნორმალური ფუნქციობა ირღვევა, ეს თანაბრად ისახება როგორც საჭმლის მონელების პროცესზე, ისე მთელ ორგანიზმზე.

  • ირღვევა დეტოქსიკაციის პროცესი: ორგანიზმიდან დროულად არ იდევნება გადამუშავებული ნივთიერებანი: ტოქსინები, წამლები და სხვა მავნე ნაერთები;
  • ქვეითდება ინფექციებთან წარმატებით ბრძოლის უნარი;
  • კუჭსა და თორმეტგოჯა ნაწლავის ლორწოვან გარსში იზრდება ეროზიებისა და ანთებითი პროცესების განვითარების ალბათობა.

ნაღვლის ბუშტისა და სანაღვლე
გზების დაზიანებით მიმდინარე დაავადებებისას ირღვევა როგორც ნაღვლის წარმოქმნა, ისე მისი გადინება, რაც ნაღვლის შეგუბებას და კენჭების წარმოქმნას იწვევს.

ცნობილია ნაღვლის ბუშტის დისფუნქციით მიმდინარე 40-მდე დაავადება, რომლებიც შესაძლოა პირობითად 6 ძირითად ჯგუფად დაიყოს:

1. ქოლეცისტიტები;
2. ნაღველკენჭოვანი დაავადება;
3. სანაღვლე გზების დისკინეზია;
4. ქოლანგიტები;
5. სიმსივნეები;
6. ნაღვლის ბუშტის პოლიპოზი.


ვინც იცავს გულს, იგი ნაღვლის ბუშტსაც იცავს


ოფიციალური მონაცემებით, ყოველი მეხუთე ადამიანი ცხოვრების რომელიმე ეტაპზე აუცილებლად დგება ნაღვლის ბუშტთან დაკავშირებული ამა თუ იმ პრობლემის წინაშე.

ნაჯერი ცხიმები და რაფინირებული ნახშირწყლები სწორედ იმავე ტემპით აძლიერებენ კენჭების გაჩენას, როგორი ტემპითაც ზრდიან გულ-სისხლძარღვთა დაავადებებისა და შაქრიანი დიაბეტის გაჩენის რისკს.

ცხიმიანი, შემწვარი, შებოლილი საკვები, ჭარბი საკვების მიღება, განსაკუთრებით - საღამოსა და ღამით, ნაღველკენჭოვანი დაავადების განვითარების ერთ-ერთი მთავარი ფაქტორია, თუმცა არსებობს ე.წ. ხმელთაშუაზღვის (ანტიქოლესტერინული) დიეტა, რომელიც მნიშვნელოვნად ამცირებს ამ დაავადების განვითარების რისკს.

იგი ითვალისწინებს ისეთი პროდუქტებით კვებას, რომლებიც არა მხოლოდ გულისა და სისხლძარღვთა დაავადებების, შაქრიანი დიაბეტის რისკს ამცირებს, არამედ წინ ეღობება ნაღვლის ბუშტში კენჭების წარმოქმნასაც.

ამერიკელი სპეციალისტების მიერ 14-წლიანი კვლევის შედეგად დადასტურდა, რომ ადამიანებს, რომლებსაც ანტიქოლესტერინული რაციონი გააჩნიათ, 4-ჯერ ნაკლებად უვითარდებათ ნაღველკენჭოვანი დაავადება, ვიდრე დანარჩენებს.


ნაღვლის ბუშტი ქალების მტერია

ცნობილია, რომ ქალები ნაღველკენჭოვანი დაავადებით გაცილებით ხშირად ავადობენ, ვიდრე მამაკაცები, ეს განსხვავება დაახლოებით 10:1-ზეა, ანუ ნაღველკენჭოვანი დაავადებით მოავადე ყოველ 10 ქალზე ერთი დაავადებული კაცი მოდის.

კენჭები ქალებისა და მამაკაცების ნაღვლის ბუშტში განსხვავებული მექანიზმით წარმოიქმნება. ეს, ძირითადად, ქალების სასქესო ჰორმონთა „დამსახურებაა“, რომლებიც ნაღვლის ბუშტში კენჭების წარმოქმნის მექანიზმს აძლიერებენ და აჩქარებენ.


ნაღვლის ბუშტის შეტევა გტანჯავთ? - ივარჯიშეთ!

ნაღვლის ბუშტის ხშირი შეტევების ლიკვიდაციისთვის საჭიროა ან გაძლიერდეს ნაღვლის გადინება, ან შემცირდეს მისი გამოყოფა. ეს, ჩვეულებრივ, შესაბამისი დანიშნულების მედიკამენტების დახმარებით მიიღწევა, თუმცა ბევრმა როდი იცის, რომ ყოველივე სპეციალური ვარჯიშებითაც შესაძლებელია.

მწვავე პერიოდი რომ ჩაივლის და პროცესი გამოჯანმრთელებისკენ წავა, ნაღვლის ბუშტის ფუნქციების შესანარჩუნებლად შეგიძლიათ დაიწყოთ ვარჯიში, რა თქმა უნდა, მკურნალ გასტროენტეროლოგთან თანამშრომლობით, რომელიც დაადგენს დისკინეზიის ფორმას და მხოლოდ ულტრაბგერითი გამოკვლევით შეგირჩევთ ვარჯიშთა სახეობას.


სულში ნაღველი, გულზე დარდები

ნაღვლის ბუშტის დაზიანებაზე საუბრისას გვერდს ვერ ავუვლით ამ პრობლემის თანმდევ ფსიქოსომატურ პროცესებს.

კენჭოვანი დაავადებისას ნაღვლის ბუშტის ამოკვ­ეთის შემდგომ ზოგიერთ პაციენტს ქვები უკვე ღვიძლის სადინარებში უჩნდება, რაც, სპეციალისტთა აზრით, სწორედ ფსიქოსომატური ძვრებით არის პროვოცირებული.

განირჩევა პაციენტთა 2 ტიპი:

პირველი - ბრაზიანი, ბობოქარი და კონფლიქტური ადამიანები, მათთვის მნიშვნელოვანი არ არის კონფლიქტის მიზეზი, მთავარია, ნებისმიერი ხერხით საკუთარი სიმართლე დაამტკიცონ. ისინი ადვილად ცეცხლდებიან, მძიმედ განიცდიან კამათს და არასდროს აღიარებენ სხვის უპირატესობას.

მეორე - ადამიანთა კატეგორიაა, რომლებსაც ადვილად შეუძლიათ თვითშეწირვა სხვათა კეთილდღეობისთვის, მათ არ გააჩნიათ პატივმოყვარეობა და საკუთარი სიამოვნებისთვის ცხოვრების სურვილი, ისინი ცხოვრების აზრს სხვათა დახმარებაში ხედავენ. ნეგატიურ ემოციებს შიგნით მიმართავენ, რაც იწვევს კიდეც დაავადების სიმპტომატიკას.

კენჭოვანი დაავადების გარდა, მათ ხშირად აწუხებთ დეპრესია, მომატებული შფოთვა და პანიკური შეტევები.


მოიცილეთ ლოდები!

ფსიქოსომატური მიზეზების გათვალისწინებით არსებობს კენჭებისგან გათავისფლების რამდენიმე ქმედითი ნაბიჯი, რომლებიც უნდა გადადგათ, ყყველაფერი კი ცხოვრების წესის გადახედვით დაიწყეთ.

ნაბიჯი 1 - აპატიეთ ყველას, ვინც ოდესმე გაწყენინათ!

ნაბიჯი 2 - აკონტროლეთ თავი მრისხანებისა და გაღიზიანებისას!

ნაბიჯი 3 - პატივი ეცით საკუთარ თავს, თუ გსურთ, რომ სხვებიც ასევე მოგექცნენ!

გახსოვდეთ! დისკინეზიის ფსიქოსომატური მიზეზებისგან თავის დაცვით არა მხოლოდ საკუთარ, მომავალ თაობათა ჯანმრთელობაზეც იზრუნებთ. დაავადებას გენეტიკური ბუნება აქვს, ეს სწორედ ის შემთხვევაა, როდესაც ბაბუის ნაჭამი ტყემალი შვილიშვილს მოსჭრის კბილს!
გააკეთეთ კომენტარი
კომენტარი არ გაკეთებულა
მსგავსი სიახლეები
ჩინელ მედიკოსთა აზრით, შინაგან ორგანოთა ნებისმიერი სახის პათოლოგია (ნორმიდან გადახრა) გარეგნულად გამოიხატება
12-08-2019
ვიდეოში გაეცნობით იმ დაავადებებს, რომელთა შესახებ ყველა მშობელმა
31-07-2019
დღეს საკმაოდ გახშირდა ფსიქიკური აშლილობები და ფსიქიატრიული დაავადებები. რა იწვევს
16-07-2019
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
სტატისტიკა გვამცნობს – კენჭები ნაღვლის ბუშტში პლანეტის ყოველ მეხუთე მცხოვრებს უვითარდება,
ბეილორის სამედიცინო კოლეჯში დაადგინეს, რომ ყავა ნაწლავის მიკროფლორაზე დადებითად მოქმედებს. მეცნიერების აზრით, ყავის რეგულარული
კალიფორნიისა და ჰარვარდის უნივერსიტეტების თანამშრომლებმა წარმოადგინეს, თუ როგორ ცვლიდა ნაწლავის მიკროფლორას თერმულად დამუშავებული
ყაბზობა ბევრი ადამიანის პრობლემაა. თანამედროვე ცხოვრების წესი და მისი შემადგენელი ფაქტორები სულ უფრო მეტად
ზაფხულის ცხელ დღეებში ინტოქსიკაციის (მოწამვლის) შემთხვევები, ჩვეულებრივ, მატულობს. როგორ უნდა მოიქცეთ ამ დროს:
ისპანახი და სტაფილო მდიდარია კალიუმით, უჯრედისით და А ვიტამინით. თუმცა ისინი ნაწლავის
თუ თქვენ დღის მანძილზე არ გაქვთ დრო ვარჯიშისთვის, მაშინ ძილის წინ ვარჯიშები დაგეხმარებათ
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად