ნაღველკენჭოვანი დაავადების განვითარების მიზეზები, სიმპტომები და მკურნალობა - მკურნალი.გე

რუბრიკები

ოჯახის მკურნალის ანონსი

ნაღველკენჭოვანი დაავადების განვითარების მიზეზები, სიმპტომები და მკურნალობა

ნაღველკენჭოვანი დაავადების განვითარების მიზეზები, სიმპტომები და მკურნალობა
რა არის ნაღველკენჭოვანი დაავადება? ნაღველკენჭოვან დაავადებას (ქოლელითიაზი) ახასიათებს ნაღვლის ბუშტში (ქოლეცისტოლითიაზი) ან სანაღვლე სადინარებში (ქოლედოქოლითიაზი) კენჭების წარმოქმნა.

ნაღველკენჭოვანი დაავადებისთვის ნიშნეულია ნაღვლის სინთეზისა და ცირკულაციის დარღვევა ჰეპატობილიარულ სისტემაში ქოლესტერინის ან ბილირუბინის ცვლის დარღვევის მიზეზით, რის გამოც სანაღვლე სადინარებსა და ნაღვლის ბუშტში კენჭები ფორმირდება.

ნაღველკენჭოვანი დაავადება საშიშია მძიმე გართულებების განვითარების გამო, რადგანაც დიდია ლეტალობის ალბათობა.


რამ შეიძლება გამოიწვიოს ნარველკენჭოვანი დაავადება?

რისკფაქტორებია:

  • ხანდაზმული ასაკი;
  • ქოლესტერინისა და ბილირუბინის ცვლაზე მოქმედი მედიკამენტების მიღება;
  • კვების რეჟიმის დარღვევა (სიმსუქნე, მკვეთრი გახდომა, შიმშილი, სისხლში ქოლესტერინისა და მაღალი სიმკვრივის ლიპოპროტეიდების მომატებული დონე, ჰიპერტრიგლიცერინემია);
  • მრავლობითი ორსულობა;
  • ნივთიერებათა ცვლისა და ენდოკრინოლოგიური დაავადებები (შაქრიანი დიაბეტი, ფერმენტოპათია, მეტაბოლური სინდრომი);
  • კუჭ-ნაწლავის ტრაქტის ორგანოების დაავადებები (კრონის დაავადება, თორმეტგოჯა ნაწლავის და სანაღვლე სადინარის დივერტიკული, ნაღვლის გამომტანი გზების ინფექცია);
  • პოსტოპერაციული მდგომარეობა (კუჭის რეზექციის, ღეროვანი ვაგოექტომიის შემდგომი მდგომარეობა).

ნაღველკენჭოვანი დაავადება უფრო ხშირად უვითარდებათ ქალებს.


რა არის კენჭების წარმოქმნის მიზეზი?

ორგანიზმში ნაღვლის
კომპონენტების რაოდენობრივი თანაფარდობის დარღვევისას მყარი წარმონაქმნები ფორმირდება, რომლებიც დაავადების მიმდინარეობისას იზრდება და წარმოიქმნება კენჭები. ყველაზე ხშირად გვხვდება ქოლელითიაზი ქოლესტერინის ცვლის დარღვევისას (ნაღველში მისი ჭარბი შემცველობისას).

ქოლესტერინის სიჭარბეს შემდეგი ფაქტორები იწვევს:

  • სიმსუქნე და დიდი რაოდენობით ქოლესტერინის შემცველი პროდუქტების მიღება;
  • ნაღვლის მჟავების რაოდენობის დაქვეითება;
  • ფოსფოლიპიდების რაოდენობის დაქვეითება, რომლებიც ნაღვლის მჟავების მსგავსად არ აძლევს ქოლესტერინსა და ბილირუბინს მყარ მდგომარეობაში გადასვლისა და დალექვის საშუალებას;
  • ნაღვლის ცირკულაციის სისტემაში შეგუბებითი მოვლენები (ნაღვლის შედედება).

ნაღვლის შედედებას, თავის მხრივ, შეიძლება ჰქონდეს მექანიკური და ფუნქციური ხასიათი.

მექანიკური შეგუბების დროს ნაღვლის ბუშტიდან ნაღვლის გამოდენა ფერხდება (სიმსივნე, შეხორცება, გადაგრეხა, ახლომდებარე ორგანოების და ლიმფური კვანძების გადიდება, ნაწიბურები, ანთება სადინარის კედლის შეშუპებით, სტრიქტურები).

ფუნქციური დარღვევა დაკავშირებულია ნაღვლის ბუშტისა და ნაღვლის გამომტანი გზების მოტორიკის დარღვევით.

ნაღველკენჭოვანი დაავადება შეიძლება გამოიწვიოს ინფექციამ, ბილიარული სისტემის ორგანოების ანთებამ, ალერგიულმა რეაქციებმა, აუტოიმუნურმა მდგომარეობამ.


რამდენი სახის კენჭი არსებობს?

ნაღვლის კენჭები მრავალფეროვანია ზომით, ფორმითა და რაოდენობით (ერთი კონკრემენტიდან ასეულამდე), მაგრამ ისინი იყოფა ქოლესტერინულად და პიგმენტურად (ბილირუბინული).

ქოლესტერინული კენჭები მოყვითალო ფერისაა. კენჭების თითქმის 80% ამგვარია.

მუქი ყავისფერი, თითქმის შავი ფერი ფორმირდება ნაღველში ბილირუბინის სიჭარბისას, რაც თავს იჩენს ღვიძლის ფუნქციური დარღვევებისას, ხშირი ჰემოლიზის, ნაღვლის გზების ინფექციური დაავადებებისას.


როგორია ნაღველკენჭოვანი დაავადების გამოვლინება?


დაავადების სიმპტომატიკა დამოკიდებულია კენჭის ლოკალიზაციასა და ზომაზე.

დამახასიათებელია ტკივილის სიმპტომი - ნაღვლოვანი ან ღვიძლის ჭვალი, გამოხატული, მწვავე, უეცრად აღმოცენებული ტკივილი მარჯვენა ფერქვეშა მიდამოში, რომელიც მჭრელი და მჩხვლეტავია. რამდენიმე საათში ტკივილი საბოლოოდ კონცენტრირდება ნაღვლის ბუშტის საპროექციო არეში. შეიძლება ირადიაცია განიცადოს ზურგში, მარჯვენა ბეჭქვეშ, კისერში, მარჯვენა მხარში, შეიძლება ირადირდეს გულის არეში და გამოიწვიოს სტენოკარდია.

ტკივილი აღმოცენდება ცხარე, მჟავე, შემწვარი, ცხიმიანი პროდუქტების, ალკოჰოლის მიღების შემდეგ, სტრესის, მძიმე ფიზიკური დატვირთვის, ხანგრძლივად მოხრილი მუშაობის დროს.


რა არის ტკივილის სინდრომის განვითარების მიზეზი?

კონკრემენტების მიერ ნაღვლის ბუშტის კედლის გაღიზიანებაზე ან ნაღვლის გამომყოფი გზების ობტურაციისას ნაღვლის ჭარბი რაოდენობის შედეგად ბუშტის გაჭიმვაზე ვითარდება რეფლექსური პასუხი - ნაღვლის ბუშტისა და სადინარების მუსკულატურის სპაზმი.

ნაღვლის სადინარის დახშობისას, გლობალური ქოლესტაზის დროს, ფართოვდება ღვიძლის სადინარები, ორგანო იზრდება მოცულობით, იჭიმება კაფსულა და ვითარდება ტკივილი. მას მუდმივი, ყრუ ხასიათი აქვს და თან ახლავს მარჯვენა ფერდქვეშა არეში სიმძიმის შეგრძნება.

თანმხლები სიმპტომებია:

  • გულისრევა;
  • ღებინება, რომელსაც შვება არ მოქვს. ღებინება არის რეფლექსური პასუხი თორმეტგოჯა ნაწლავის დვრილის ირგვლივი მიდამოს გაღიზიანებაზე. თუ ანთებითი პროცესი კუჭუკანა ჯირკვლის ქსოვილებსაც მოიცავს, ღებინება შეიძლება იყოს ხშირი.

ინტოქსიკაციის სიმძიმის მიხედვით შესაძლებელია ტემპერატურის მომატება სუბფებრილური ციფრებიდან გამოხატულ ცხელებამდე. კონკრემენტის მიერ ნაღვლის საერთო სადინარის დახშობისას და ოდის სფინქტერის გაუვალობის დროს აღინიშნება ობტურაციული სიყვითლე და განავლის გაუფერულება.


როგორია დიაგნოსტიკა?

კანზე აღინიშნება ქსანტემები. ობტურაციული სიყვითლის დროს დამახასიათებელია კანისა და სკლერების მოყვითალო-მოყავისფრო ფერი.

სისხლის საერთო ანალიზი კლინიკური გამწვავების დროს აჩვენებს არასპეციფიკური ანთების ნიშნებს - ლეიკოციტოზს, ედს-ის ზომიერ მატებას.

სისხლის ბიოქიმიური კვლევით ვლინდება ჰიპერქოლესტერინემია და ჰიპერბილირუბინემია, ტუტე ფოსტფატაზას აქტივობის მომატება.


დიაგნოსტიკა

ტარდება ქოლეცისტოგრაფია, ნაღვლის ბუშტის ექოსკოპია, ნაღვლის ბუშტისა და სადინარების ვიზუალიზაცია ხდება მაგნიტურ-რეზონანსული კვლევითა და კომპიუტერული ტომოგრაფიით. ნაღვლის ცირკულაციის დარღვევის გამოსავლენად ინფორმაციულია ბილიარული სისტემის სცინტიგრაფია და ენდოსკოპიური რეტროგრადული ქოლანგიოპანკრეატოგრაფია.


რა გართულებები შეიძლება განვითარდეს ნაღველკენჭოვანი დაავადების დროს?


ყველაზე ხშირი გართულებაა ნაღვლის ბუშტის ანთება (მწვავე და ქრონიკული) და კონკრემენტით ნაღვლის გამომყოფი გზების ობსტრუქცია. სანაღვლე გზების სანათურის დახშობამ კუჭუკანა ჯირკვალში შეიძლება გამოიწვიოს მწვავე ბილიარული პანკრეატიტი. ასევე ხშირი გართულებაა ქოლანგიტი.


როგორია მკურნალობა?

ნაღვლის ბუშტში კენჭების არსებობისას, თუ არ აღინიშნება გართულებები, სპეციფიკური მკურნალობა შესაძლოა, არც იყოს საჭირო.

თუ ვითარდება მწვავე ან ქრონიკული კალკულოზური ქოლეცისტიტი, ნაჩვენებია ნაღვლის ბუშტის როგორც კენჭების წარმოქმნის წყაროს ამოკვეთა. ქოლეცისტექტომია ლაპაროსკოპიულად გაკეთდება თუ ღია წესით, დამოკიდებულია ორგანიზმის მდგომარეობაზე, ნაღვლის ბუშტის კედლების და ირგვლივ მდებარე ქსოვილების პათოლოგიურ ცვლილებებზე, კონკრემენტის ზომაზე.


ცოტა რამ კენჭის დაშლის მეთოდებზე


არსებობს კონკრემენტის დაშლის მეთოდი პრეპარატებით, თუმცა ასეთი თერაპია ნაღველკენჭოვან დაავადებებს არ კურნავს და დროთა განმავლობაში შეიძლება ახალი კენჭები წარმოიქმნას.

კენჭის დაშლის კიდევ ერთი მეთოდია დარტყმით-ტალღოვანი ლითოტრიფსია, რომელიც მხოლოდ ერთეული კონკრემენტის დროს გამოიყენება, როდესაც არ აღინიშნება ნაღვლის ბუშტისა და სადინარების ანთება.


რამდენად შესაძლებელია ნაღველკენჭოვანი დაავადების პროფილაქტიკა?

პროფილაქტიკა გულისხმობს ქოლესტერინემიის, ბილირუბინემიისა და ნაღვლის შეგუბების ხელშემწყობი ფაქტორების მოშორებას.

დაბალანსებული კვება, სხეულის ნორმალური მასა, ცხოვრების აქტიური წესი რეგულარული ფიზიკური დატვირტვით ხელს უშლის ცვლით დარღვევებს, ბილიარული სისტემის დაავადების დროული აღმოჩენა და მკურნალობა კი ნაღვლის შეგუბების ალბათობას შეამცირებს. ამ მხრივ განსაკუთრებული ყურადღება მართებთ მათ, ვისაც კენჭის წარმოქმნის მიმართ გენეტიკური განწყობა აქვს.

ნაღვლის ბუშტში კენჭის არსებობის დროს ტკივილის შეტევის პროფილაქტიკა იქნება მკაცრი დიეტის დაცვა, წონის კორექცია, საკმარისი რაოდენობით სითხის მიღება. კონკრემენტის ნაღვლის ბუშტიდან სადინარში შესაძლო გადაადგილების ასარიდებლად მოხრილმა არ უნდა იმუშაოთ.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
დიაბეტური ვიტამინი+ომეგა 3 -28 აბი
ფასი: 55.9
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მხედველობის ხელშეწყობისთვის-60აბი
ფასი: 44.9
მხედველობის ხელშეწყობისთვის-60აბი
ფასი: 44.9
მსგავსი სიახლეები
ონკოლოგიური დაავადებები საქართველოში, ისე როგორც მთელ მსოფლიოში, აქტუალურ პრობლემად რჩება.
16-09-2019
მეცნიერებმა გამოიგონეს ახალი ანტიბიოტიკი კედარციდინი, რომელსაც ბაქტერიისა და კიბოს
02-06-2019
წონის დაკლებაზე ვოცნებობ. უკვე ათეულობით ჟურნალი გადავათვალიერე შესაფერისი დიეტის ძიებაში.
05-02-2019
დიეტოლოგია
ვალენსიის უნივერსიტეტის მეცნიერებმა გამოარკვიეს როგორ მოქმედებს პომიდორი ადამიანის
რკინა ერთ-ერთი სტიმულატორია, რომელსაც შეიცავს ბროწეული, მწვანე ვაშლი, წიწიბურა, შავი პური, პარკოსნები
ამერიკელი ექსპერტები შავი ქლიავის რაციონში ჩართვისკენ მოგვიწოდებენ. მასში მაღალია ანტიოქსიდანტების
კატეგორიის სხვა სტატიები
ყაბზობა ბევრი ადამიანის პრობლემაა. თანამედროვე ცხოვრების წესი და მისი შემადგენელი ფაქტორები სულ უფრო მეტად
ზაფხულის ცხელ დღეებში ინტოქსიკაციის (მოწამვლის) შემთხვევები, ჩვეულებრივ, მატულობს. როგორ უნდა მოიქცეთ ამ დროს:
ისპანახი და სტაფილო მდიდარია კალიუმით, უჯრედისით და А ვიტამინით. თუმცა ისინი ნაწლავის
ღვიძ­ლი­სა და სა­ნაღ­ვლე გზე­ბის სა­უ­კე­თე­სო ქი­რურ­გი, მე­დი­ცი­ნის მეც­ნი­ე­რე­ბა­თა დოქ­ტო­რი და პრო­ფე­სო­რი, გუ­რამ ახა­ლა­ძე 22 ივ­ლი­სი­დან "ნიუ ჰოს­პი­ტალსში"
გთავაზობთ 5 ნატურალურ პროდუქტს, რომელიც აღადგენს ნაწლავის მიკროფლორას:
ბავშვთა ასაკში მუცლის ტკივილი უხშირესად დაკავშირებულია აირწარმოქმნის გაძლიერებასთან, ნაწლავის სპაზმთან და
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად