თუ შეკრულობა გაწუხებთ - მკურნალი.გე

რუბრიკები

ოჯახის მკურნალის ანონსი

მაისი 2020

თუ შეკრულობა გაწუხებთ

თუ შეკრულობა გაწუხებთ

შეკრულობისას განსაკუთრებული მნიშვნელობა დიეტას ენიჭება. ასეთ დროს კვების რაციონი უჯრედისის შემცველი პროდუქტით უნდა გამდიდრდეს: მსხვილად, უხეშად დაფქული ხორბლისა და ჭვავის პურით, უმი ხილითა და ბოსტნეულით. რეკომენდებულია სტაფილო, პომიდორი, კიტრი, სალათის ფურცლები, კომბოსტოსა და კიტრის მწნილი, ბოსტნეულის კერძები. ნაწლავების ფუნქციას ასტიმულირებს შაქრის შემცველი (თაფლი, შაქარი, მურაბა) და ორგანული მჟავებით მდიდარი რძემჟავა პროდუქტები: კეფირი, ჩუმა-მაწონი, რძემჟრალი,

იგივე ვარენეცი (რძემჟავა პროდუქტები აუცილებლად ახალი უნდა იყოს). შეკრულობის დროს შესანიშნავია შავი ქლიავი, რადგან დიდი რაოდენობით შეიცავს შაქარსა და უხეშ მცენარეულ უჯრედისს. რეკომენდებულია აგრეთვე მცენარეული ზეთი

(ქაცვისა და მზესუმზირას), წიწიბურა, ქლიავის, გარგარის, ვაშლის ჩირი. შეკრულობისას დიდი მნიშვნელობა აქვს საკვების ტემპერატურასა და კვების რეჟიმს. კერძოდ, რეკომენდებულია ცივი სასმელების მიღება უზმოზე (პირდაპირ ლოგინში). ამ თვალსაზრისით კარგია დაშაქრული, მურაბიანი ან თაფლიანი წყალი. ეფექტიანია წინა ღამით ოთახის ტემპერატურის წყალში დამბალი ჩირი და ჩამიჩი, რომელიც დილით
უზმოზე უნდა მიირთვათ.
შეკრულობის დროს B1 ვიტამინი ფიზიოლოგიურ ნორმასთან შედარებით გაცილებით მეტი უნდა მიიღოთ. დღიური ულუფა 4-5 ჯერზე უნდა გადაანაწილოთ, საკვების მიღების შემდეგ კი აუცილებლად გაისეირნოთ. არ შეიძლება უმოძრაობა, მით უფრო - წოლა. შეკრულობის ხელშემწყობ მთავარ მიზეზებად დღეს უჯრედისით ღარიბი საკვებით კვება და უმოძრაობაა მიჩნეული.

 

რჩევები

  • შეკრულობის დროს ძლიერი სამკურნალო ეფექტი აქვს ქატოს. ის საჭმლის მომნელებელი წვენების მიმართ მდგრადია, ენერგიის წყაროს არ წარმოადგენს და ამავე დროს ჩინებულად ასტიმულირებს ნაწლავების ევაკუატორულ (გამომყოფ) ფუნქციას. ქატოთი შეგიძლიათ ჩაიტაროთ ე. წ. საფაღარათო კურსი. უნდა დაიწყოთ შედარებით მცირე დოზებით. აიღოთ 2 ჩაის კოვზი ქატო, დაასხათ მდუღარე წყალი, ერთ საათს გააჩეროთ, გადაწუროთ და გაფუებული მასა მიირთვათ საკვებთან ერთად ან საჭმლის მიღებამდე 3 საათით ადრე. თუ ეფექტს ვერ მიიღებთ, ქატოს დოზა დღეში 6 ჩაის კოვზამდე გაზარდეთ, ხოლო როდესაც კუჭის მოქმედება (დეფეკაცია) მოგიწესრიგდებათ, კვლავ შეამცირეთ.
  • უზმოზე მიირთვით ორი-სამი ვაშლი კანიანად, 1 ჩაის ჭიქა ცივი თაფლიანი წყალი, ახალი კარტოფილის ან სტაფილოს წვენი.
  • ყოველდღიურად სვით 100-150 მლ მჟავე კომბოსტოს თბილი წვენი. დღის განმავლობაში მიიღეთ 500 გ ბანანი (სამ ჯერზე), 1 ჭიქა ყურძნის წვენი ან მარცვლები, ესეც - დღეში სამჯერ: დილით, უზმოზე, სადილამდე ერთი საათით ადრე და საღამოს, ძილის წინ.
  • აიღეთ 300 გ თაფლი და 150 გ ალოე (ალოე მოჭრამდე ორი კვირის განმავლობაში არ უნდა მოირწყოს). თაფლი ოდნავ შეათბეთ (გაადნეთ), ალოეს ფოთლებიდან წვენი მაქსიმალურად გამოწურეთ, ერთმანეთში აურიეთ და მაცივარში შედგით. მიირთვით 1 სადილის კოვზი დღეში ორჯერ - დილით, უზმოზე და საღამოს, ძილის წინ. აუცილებლად დააყოლეთ წყალი.
  • აიღეთ 2 ჩაის კოვზი ბაბუაწვერას ფესვი, დაასხით ერთი ჭიქა ცივი ანადუღარი წყალი, 8 საათით დააყენეთ. მიიღეთ დღეში ოთხჯერ ჭამის წინ 1/4 ჭიქა.
  • აიღეთ 180 გ კეფირი, შეურიეთ 10 გ მცენარეული ზეთი, კარგად აურიეთ და ძილის წინ მცირე ულუფებით ნელ-ნელა მიირთვით.
  • აიღეთ 20 გ დაქუცმაცებული ხეჭრელას ქერქი, დაასხით ერთი ჭიქა მდუღარე წყალი, ადუღეთ 15-20 წუთს. მიიღეთ საღამოობით, ძილის წინ, 1/2 ჭიქა.

 

ფიზიკური აქტივობა და შეკრულობა

მოძრაობა, ფეხით სიარული და აქტივობა შეკრულობის სამკურნალო კომპლექსის წამყვანი კომპონენტია. ამ პრობლემის მქონე ადამიანებს, როგორც წესი, მუცლის კუნთების დაჭიმულობა და ჭიპისა და მის ქვემოთ არსებულ არეში უსიამოვნო შეგრძნებები აწუხებთ. ასე რომ, კარგი იქნება, თუ დილაობით, უზმოზე, რეგულარულად ჩაიტარებთ თვითმასაჟს. ეს მარტივი და იოლად შესასრულებელი პროცე-დურაა: სამი თითით (საჩვენებელი, შუა და არათითით) 3 წუთის განმავლობაში მსუბუქად უნდა დააწვეთ მუცლის კედელს. ზეწოლა უნდა განხორციელდეს 5-6-ჯერ, მცირე პაუზებით, ქვედა და ამავე დროს ცენტრისკენული მიმართულებით. ამის შემდეგ ერთი ჭიქა თბილი წყალი უნდა დალიოთ და ისე წამოდგეთ. ძლიერი ეფექტი აქვს მუცლის ხუთწუთიან წრიულ მასაჟს თბილ აბაზანაში (აბაზანა უმჯობესია მჯდომარე პოზაში დღეგამოშვებით მიიღოთ). კარგია დღეგამოშვებით 20-წუთიანი წიწვოვანი აბაზანებიც.

 

 

გააკეთეთ კომენტარი
თარიღი : 28-03-2016
Tati -s
ეგ სითხის ნაკლებობამ იცის, როცა ორგანიზმს სითხე დააკლდება, სწორი ნაწლავიდან გამოქვს და ბავშვს ემართება შეკრულობა. დაალევინე მინიმუმ 2 ლიტრა წყალი+ წვნიანი სადილები და გაუვლის. ცემს ბიჭს ქონდა ეგრე და გერმანელმა პედიატრმა მირჩია და მის მერე არ გვქავს პრობლემები.
თარიღი : 27-03-2016
Tati
8 წლის გოგონას აწუხებს სეკრულობა,3-4 დგე არ აქ კუწის Mოქმედება,ტან საცვალი დასვრილი აქ ფეკალური გამონაყოფიტ მცირედიტ ოგონდ,მირცჰიეტ რამე
თარიღი : 31-08-2015
თემი
დიდი მადლობა ქალბატონო!
თარიღი : 23-04-2015
123
საკმარისია წავიდე სხვა ქალაქში ან სხვა ქვეყანაში, უკან დავბრუნდები თუ არა მაწუხებს შეკრულობა. შესაძლებელია თუ არა თქვენს მიერ ზემოთ ჩამოთვლილი თვითმკურნალობის მეთოდების გამოყენება? წინასწარ მადლობა
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
სტატისტიკა გვამცნობს – კენჭები ნაღვლის ბუშტში პლანეტის ყოველ მეხუთე მცხოვრებს უვითარდება,
ბეილორის სამედიცინო კოლეჯში დაადგინეს, რომ ყავა ნაწლავის მიკროფლორაზე დადებითად მოქმედებს. მეცნიერების აზრით, ყავის რეგულარული
კალიფორნიისა და ჰარვარდის უნივერსიტეტების თანამშრომლებმა წარმოადგინეს, თუ როგორ ცვლიდა ნაწლავის მიკროფლორას თერმულად დამუშავებული
ყაბზობა ბევრი ადამიანის პრობლემაა. თანამედროვე ცხოვრების წესი და მისი შემადგენელი ფაქტორები სულ უფრო მეტად
ზაფხულის ცხელ დღეებში ინტოქსიკაციის (მოწამვლის) შემთხვევები, ჩვეულებრივ, მატულობს. როგორ უნდა მოიქცეთ ამ დროს:
ისპანახი და სტაფილო მდიდარია კალიუმით, უჯრედისით და А ვიტამინით. თუმცა ისინი ნაწლავის
თუ თქვენ დღის მანძილზე არ გაქვთ დრო ვარჯიშისთვის, მაშინ ძილის წინ ვარჯიშები დაგეხმარებათ
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად