რისი ბრალია უძილობა
ამის მიზეზი ჯანმრთელობასთან დაკავშირებული პრობლემები შეიძლება იყოს: ანთება, დეპრესია, ჭარბი წონა ან მნიშვნელოვანი მიკროელემენტების დეფიციტი. ზოგადად, ძილის უკმარისობა (6,5 საათი და ნაკლები), ისევე, როგორც სიჭარბე (9,5 საათი და მეტი), ჯანმრთელობისთვის რისკის შემცველია.
ვისაც ღამე ცოტა სძინავს, არ ჰყოფნის დრო ძალების აღსადგენად. ეს უარყოფითად მოქმედებს იმუნურ სისტემაზე, სისხლის ლიპიდურ შემადგენლობაზე, შაქრის დონეზე, რაც საბოლოოდ უკავშირდება გულ-სისხლძარღვთა დაავადებებს. ასეთი უარყოფითი ეფექტები არ აღიშნება მაშინ, როდესაც სამუშაო დღეებში ადამიანს ცოტა სძინავს, მაგრამ გამოძინებას დასვენების დღეებში ახერხებს.
უძილო ღამის შემდეგ, დღისით ხანმოკლე ჩაძინება ორგანიზმზე დადებითად მოქმედებს. როგორც ექსპერტები აღნიშნავენ, ტვინს სჭირდება სინათლე. იმ განედებში, სადაც მოკლე დღეა, ბიოლოგიური საათის ნორმალურად მუშაობისთვის, ადამიანს უჩნდება ნათელი პერიოდის გაზრდის მოთხოვნილება. ამისათვის შეიძლება თბილ ქვეყნებში, სადაც მეტი მზეა ან ჩრდილოეთში, სადაც ბევრი თოვლია გამგზავრება. ზამთარში რაც უფრო ცოტაა თოვლი, მით უფრო ძლიერად მოქმედებს ადამიანებზე სიბნელე.
ლალი ჩხიკვაძე