რამდენიმე მიზეზი, რის გამოც არ უნდა უგულებელყოთ ფსიქიკური ჯანმრთელობის პრობლემები
ძალიან ხშირად, ემოციები (მაგალითად, შიში) ხელს უშლის ადამიანებს ფსიქიკური ჯანმრთელობის პრობლემების, თუნდაც, ექიმთან გაზიარებაში, მაგრამ სრულფასოვანი, პროდუქტიული ცხოვრებით ცხოვრება დამოკიდებულია არამარტო ფიზიკურ, არამედ ფსიქიკურ ჯანმრთელობაზეც.
არსებობის შემთხვევაში, აცნობეთ თქვენს ექიმს, ფსიქიკური დაავადების ნიშნების, სიმპტომების ან საერთო პრობლემების შესახებ(მაგალითად, შფოთვა, დეპრესია). სპეციალისტი დაგეხმარებათ მკურნალობისა და მართვის გეგმის შედგენაში.
რატომ არის საყურადღებო ფსიქიკური ჯანმრთელობის პრობლემები:
ფსიქიკური დაავადება უფრო ხშირია, ვიდრე ფიქრობთ, ხოლო აშლილობების სიმძიმის დიაპაზონი საკმაოდ ფართოა.
ფსიქიკური დაავადება გავლენას ახდენს თქვენს ფიზიკურ ჯანმრთელობაზე - ტვინი სხეულის ნაწილია. ფსიქიკური დაავადება მრავალი ფიზიკური სიმპტომის ძირითადი მიზეზია. მაგალითად, თუ თქვენ გაწუხებთ უძილობა, გულის პალპიტაცია ან დაღლილობა, საჭიროა, დეპრესიის, შფოთვის ან სხვა ფსიქიკური მდგომარეობის გამორიცხვა, როგორც პოტენციური მიზეზის. სიმძიმის ხაზგასასმელად, ამერიკის გულის ასოციაციამ ბოლო წლებში გამოაქვეყნა განცხადება, სადაც აღინიშნა, რომ დეპრესია განიხილება, როგორც მწვავე კორონარული სინდრომის მქონე პაციენტებში უარყოფითი შედეგების რისკ-ფაქტორად.
ფსიქიკურმა დაავადებამ შეიძლება გამოიწვიოს სიმპტომები მთელ სხეულში, შეიძლება გაზარდოს დაავადებების რისკი ან გააუარესოს მდგომარეობა(მაგალითად, ქრონიკული დაავადებები).
ადრეული გამოვლენა უმნიშვნელოვანესია - როგორც უმეტესი სამედიცინო მდგომარეობის შემთხვევაში, ფსიქიკური პრობლემების დროსაც ადრეული დიაგნოსტიკა უკეთეს შედეგებს განაპირობებს. თქვენთვის საჭირო დახმარების მალე მიღება დაგეხმარებათ თავიდან აიცილოთ ფსიქიკური დაავადების სიმპტომების გაუარესება, მეორე მხრივ, მკურნალობა დაგეხმარებათ თავიდან აიცილოთ ამ სიმპტომების უარყოფითი შედეგები თქვენს ცხოვრებაში.
