რამდენიმე ფაქტორი, რომელიც მეხსიერების პრობლემებს იწვევს
გულმავიწყობა ნებისმიერ ასაკში შეიძლება გამოვლინდეს და სხვადასხვა ფაქტორით არის განპირობებული. მათ შორისაა:
საკვები ნივთიერებების ნაკლებობა - ორგანიზმში B12-ის ნაკლებობა ნერვული სისტემის გამართულ ფუნქციონირებას უშლის ხელს. ზრდასრულმა ადამიანებმა ყოველდღიურად 2.4 მიკროგრამი B12 უნდა მიიღონ ისეთი პროდუქტებიდან, როგორებიცაა: ხორცი, თევზი, რძის ნაწარმი და მარცვლეული.
ძილის დარღვევა - ორგანიზმის ნორმალური ფუნქციონირებისთვის ძილი უმნიშვნელოვანესია. შესაბამისად, ნებისმიერი დარღვევა (ინსომნია, ზედმეტი ძილიანობა, აპნოე) შეიძლება გულმავიწყობის მიზეზი გახდეს.
სტრესი, დეპრესია ან შფოთვა - ძლიერი სტრესი და შფოთვა როგორც ფიზიკურ, ისე მენტალურ ჯანმრთელობაზე უარყოფით გავლენას ახდენს და შესაძლოა კონცენტრაციისა და მეხსიერების პრობლემებიც გამოიწვიოს.
მედიკამენტები - მათ შორისაა ანტიჰისტამინები, ეპილეფსიის, წნევის, დიაბეტის, პარკინსონის სამკურნალო მედიკამენტები, ტკივილგამაყუჩებლები და საძილე საშუალებები, თუმცა მათ მიერ გამოწვეული მეხსიერების პრობლემები არ არის შეუქცევადი.
რისკ-ფაქტორებს შორისაა: ასაკი, მკაცრი ვეგანური ან ვეგეტარიანული კვების რაციონი, დიდი რაოდენობით ალკოჰოლის მიღება, საჭმლის მომნელებელი სისტემის პრობლემები და შეგრენის სინდრომი (ავტოიმუნური დაავადება, ქრონიკული პათოლოგია, რომლის დროსაც, პირველ რიგში, ლორწოვანი გარსი და ჯირკვლები ზიანდება).