რა კავშირია კონცენტრაციასა და მეხსიერებას შორის
განსაკუთრებით – ბოლოდროინდელის.
შეიძლება იფიქროთ, რომ ეს მეხსიერების პრობლემაა, თუმცა ადამიანთა უმრავლესობისთვის ეს არ არის მეხსიერების პრობლემა, ეს უფრო კონცენტრაციის პრობლემაა, როდესაც თავდაპირველად ვერ ხდება ინფორმაციის მიღება ან მისი სწორად დამუშავება. ნეიროფსიქოლოგების თქმით, ამ დროს ადამიანები ამბობენ, რომ მათ აქვთ მეხსიერების პრობლემა, როდესაც სინამდვილეში პრობლემები კონცენტრაციასთან და ფოკუსირებასთან არის დაკავშირებული.
ყურადღება არის აუცილებელი ელემენტი კარგი მეხსიერებისთვის. თუ არ შეგიძლიათ კონცენტრირება მოახდინოთ მიღებულ ახალ ინფორმაციაზე, ვერ შეძლებთ მის დამუშავებასა და დამახსოვრებას.
დროდადრო ყველა ადამიანს გამოუცდია კონცენტრაციის გაძნელება, მაგრამ არსებობს გარკვეული ფაქტორები, რომლებიც ხელს უწყობენ ამ პროცესს. მაგალითად, ნუ კონცენტრირდებით ერთის ნაცვლად რამდენიმე დავალებაზე. ამ დროს შესაძლოა შეზღუდოთ უნარი შეინარჩუნოთ ის ინფორმაცია, რომელიც ყველაზე მეტად გჭირდებათ.
თუ თქვენ ცდილობთ ერთდროულად გააკეთოთ ორი ან სამი რამ და არცერთ მათგანზე კარგად არ აკეთებთ ფოკუსირებას, თქვენ ნამდვილად ვერ დაამუშავებთ ინფორმაციას საკმარისად და, შესაბამისად, გაგიჭირდებათ მათი დამახსოვრება.
სხვა ფაქტორებმა შეიძლება უარყოფითად იმოქმედოს თქვენს კონცენტრაციაზე, მათ შორისაა: არაადექვატური ძილი, არასწორი კვების რეჟიმი, დეჰიდრატაცია, შიმშილი და ფიზიკური უმოქმედობა. გარდა ამისა, ზოგიერთი მედიკამენტი, როგორიცაა დამამშვიდებელი, ანტიჰისტამინური საშუალებები, ტკივილგამაყუჩებლები და სხვა, დაკავშირებულია კონცენტრაციის დაქვეითებასთან. ცუდი კონცენტრაცია შესაძლოა იყოს ყურადღების დეფიციტის აშლილობის დამახასიათებელი ნიშანი, განწყობის დარღვევების საერთო მახასიათებელი, როგორიცაა შფოთვა და დეპრესია. კონცენტრაციის დაქვეითება ისეთი პრობლემებითაც შეიძლება იყოს გამოწვეული, როგორებიცაა დიაბეტი, ქრონიკული ტკივილი და ფარისებრი ჯირკვლის დისფუნქცია.
რჩევები კონცენტრაციის გასაუმჯობესებლად:
კონცენტრირება მოახდინეთ ერთ დავალებაზე და დაუთმეთ მას მთელი ყურადღება. საჭიროების შემთხვევაში, ხშირად დაისვენეთ.
შექმენით კომფორტული გარემო გარემო, რათა მინიმუმამდე დაიყვანოთ ყურადღების გაფანტვა. როდესაც რაიმეზე ფოკუსირება გჭირდებათ, გამორთეთ ტელევიზორი, კომპიუტერი, მობილური ტელეფონი (ყველა ის მოწყობილობა, რომელიც ხელს გიშლით კონცენტრაციაში), მოერიდეთ ხამურის წყაროს და შექმენით მშვიდი, წყნარი გარემო.
განიხილეთ კოგნიტური რეაბილიტაციის თერაპია. მკურნალობის ამ მეთოდს შეუძლია კონცენტრაციის გაზრდა და მეხსიერების გაუმჯობესება, ინფორმაციის ვიზუალიზაციის დახმარებით. ვიზუალიზაცია შეიძლება მართლაც მძლავრი ინსტრუმენტი იყოს. როდესაც ინფორმაციას სხვადასხვა ხერხის დახმარებით ამუშავებთ, ის უფრო მარტივად დასამახსოვრებელი ხდება.
მოიწესრიგეთ ძილი.
მიმართეთ ექიმს სტრესის, შფოთვის ან დეპრესიის განცდების შესახებ.
გადახედეთ თქვენს მედიკამენტებს ექიმთან, რათა დაადგინოთ, შეიძლება თუ არა რომელიმემ ხელი შეუშალოს კონცენტრაციას.
ივარჯიშეთ რეგულარულად.
მიიღეთ ხილი, ბოსტნეული, მთელი მარცვლეული, ცილები, მოერიდეთ ხელოვნურად დამატებულ შაქარს და დამუშავებულ საკვებს.
ყურადღება მიქციეთ მხედველობის ან სმენის ნებისმიერ პრობლემას, რამაც შეიძლება ხელი შეუშალოს ახალი ინფორმაციის მიღებასა და დამუშავებას.
შეძლებისდაგვარად მოერიდეთ მულტითასქინგის ჩვევას - განსაკუთრებით იმ შემთხვევაში, თუ ერთი დავალება მოითხოვს განსაკუთრებულ ყურადღებას ან კონცენტრაციას.
გამოიყენეთ ასოციაციები - შეგიძლიათ გამოიყენოთ სიტყვების ასოციაციები, ან სცადოთ ახალი ინფორმაციის დაკავშირება იმასთან, რაც უკვე თქვენს მეხსიერებაშია.
გაიმეორეთ ახალი ინფორმაცია.