შფოთვის საწინააღმდეგო არასწორი მეთოდები
შფოთვასთან ბრძოლის არაჯანსაღ საშუალებებში ალკოჰოლი პირველ ადგილზე დგას.
ალკოჰოლი არის დეპრესანტი და არა ანტიდეპრესანტი. სწორედ მისი ზემოქმედებეით ადამიანებს ახსენდებათ ცხოვრების მძიმე წუთები და განიცდიან საკუთარი თავისადმი სინანულის გრძნობას.
ალკოჰოლთან ერთად ამ კუთხით შეიძლება განიხილებოდეს ყველა სახის დამოკიდებულება და ჩვევა, რომლებიც განიხილება როგორც „ემოციური გადამრთველები“. ადამიანი მათ მიმართავს, თუ შფოთვას ვერ უძლებს. ასევე შფოთვის დამარცხების არასწორი ვარიანტია მთლიანად სამუშაოზე გადართვა.
შფოთვის დაძლევის კიდევ ერთი ყველაზე ცნობილი და გავრცელებული გზა არის სტრესული კვება. ასეთ დროს მზარდ წონასთან ერთად შფოთვა კიდევ უფრო ძლიერდება.
შოპინგი ასევე არასწორი გზაა სულიერი სიმშვიდისა და წონასწორობის მისაღწევად.
ყოველი შენაძენი გვიმატებს დოფამინის წვეთს, თითქოს ეს იყოს პატარა მიღწევა, რაც ფარავს რეალური მიღწევების არარსებობით გამოწვეულ შფოთვას.
კონტროლი და ზედმეტი ზრუნვა. ამ მეთოდით ადამიანი დარწმუნებულია, რომ მისი კონტროლის გარეშე ბავშვები საშინაო დავალებას არ შეასრულებენ, ოჯახის წევრი (მაგალითად, ქმარი) ნორმალურად არ ჩაიცვამს, მშობლებს არ ესმით კომპიუტერი, სამსახურში თანამშრომლები ვერ შეასრულებენ სამუშაოს.
ეს არის ტიპიური გზა თქვენი შინაგანი შფოთვიდან გარემოზე ყურადღების გადასატანად. ამ მეთოდის სხვა ვარიაციებია:
- რჩევის მიცემის აუცილებლობა, რომელსაც არავინ გვთხოვს;
- სხვისთვის მოტივაციის გაზრდის მცდელობა, მაგრამ არა საკუთარი თავისთვის.
- წუხილი: „რას იტყვის ხალხი?“;
- რეგულარული პრეტენზიები სხვების მიმართ.
ზოგიერთი კი, შფოთვისგან თავის დასაღწევად, იწყებს კონფლიქტების პროვოცირებას ან გამწვავებას, მათ შორის საყვარელ ადამიანებთან ან სრულიად უმიზეზოდ. წყვილებში ასეთი სიტუაციები ყველაზე ხშირად წარმოიქმნება შფოთვის გამო, რომლის ატანა რთულია.
უფრო მარტივია ჩხუბი და ცოტა ხნით დისტანცირება. შედეგად, ყველა ეს მეთოდი ანგრევს ადამიანს ან მის ურთიერთობას საყვარელ ადამიანებთან.