რა შეიძლება იყოს ალცჰაიმერის დაავადების პროგრესირების მიზეზი
მათ აღმოაჩინეს, რომ დაავადების საწყის სტადიაში ნეიროდეგენერაციული დარღვევები ეხება ტვინის ერთდროულად რამდენიმე მიდამოს და არ იწყება ერთ წერტილში. ეს კი წარმოადგენს დემენციის შედარებით სწრაფად პროგრესირების მიზეზს.
მკვლევარებმა გაანალიზეს გარდაცვალების შემდეგ ალცჰაიმერის დაავადების მქონე პაციენტების ტვინის ნიმუშები, ასევე ცოცხალი პაციენტების პეტ-სკანირების შედეგები, რომელებიც ვარირებდნენ მსუბუქი კოგნიტიური დარღვევებიდან ალცჰაიმერის დაავადების სრულმასშტაბიან გამოვლინებამდე.
ალცჰაიმერის დაავადებისას ტაუ და ბეტა-ამილოიდური ცილები წარმოქმნიან ფოლაქებსა და აგრეგატებს, რომლებიც იწვევენ ტვინის უჯრედების სიკვდილს. ეს იწვევს მეხსიერების დაკარგვას, პიროვნების ცვლილებასა და ყოველდღიური საქმიანობის შესრულების სირთულეებს.
მკვლევარებმა აღმოაჩინეს, რომ ალცჰაიმერის დაავადების პროგრესირების სიჩქარის კონტროლის ძირითად მექანიზმს წარმოადგენს ტვინის ცალკეულ უბნებში აგრეგატების წარმოქმნა და არა მისი გავრცელება ერთი უბნიდან მეორეზე.
მეცნიერთა განცხადებით კვლევის შედეგები ალცჰაიმერის დაავადების მკურნალობაში დაეხმარებათ. აღნიშნული დაავადება აღენიშნება მთელ მსოფლიოში დაახლოებით 44 მილიონ ადამიანს.