ნაცნობი სიმპტომები მათთვის, ვინც ანტიდეპრესანტებს ღებულობს
უეცარი თავის ტკივილი
ანტიდეპრესანტების მიღების შემდეგ შესაძლებელია რამდენიმე დღე თავის ტკივილებმა შეგაწუხოთ, რაც ნორმალურია და თითქმის ყველა ტიპის ანტიდეპრესანტს ახასიათებს.
ფსიქიატრების რჩევით, აცეტამინოფენის (პარაცეტამოლი) მიღება თავის ტკივილის სიმპტომის შემსუბუქებაში დაგეხმარებათ, ხოლო ანტიდეპრესანტის გევრდითი ეფექტი ჩვეულებრივ ერთ ან ორ კვირაში გაივლის.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მუცლის ტკივილი და დიარეა
არსებობს ანტიდეპრესანტების ფარმაკოლოგიური ჯგუფი, რომლებსაც სეროტონინის უკუმიტაცების სელექციური ინჰიბიტორები ეწოდება. მას მიეკუთვნება ესციტალოპრამი, ზოლოფტი (სერტრალინი) და სხვა. ისინი გულისრევას, დიარეას, ან ყაბზობას იწვევენ.
აღნიშნული სიმპტომები მედიკამენტის მიღებიდან რამდენიმე კვირაში გაივლის. დარწმუნდით, რომ თქვენი კვების რაციონი საკმარისი რაოდენობის ბოჭკოს შეიცავს, მიიღეთ შესაბამისი რაოდენობის სითხე.
შეგიძლიათ გვერდითი ეფექტების შედეგად გამოწვეულ სიმპტომებს შესაბამისი მედიკამენტებითაც უმკურანლოთ.
კანკალი
ანტიდეპრესანტებმა შეიძლება კანკალი/ტრემორი გამოიწვიოს. აღნიშნული სიმპტომის შემთხვევაში მიმართეთ ექიმს და გაესაუბრეთ მედიკამენტის შეცვლის, ან დოზის შემცირების შესახებ.
პირის სიმშრალე და უსიამოვნო სუნი
პირის სიმშრალე ანტიდეპრესანტების ხშირი გვედითი მოვლენაა.
მათი მიღებიდან რამდენიმე კვირაში, ან უფრო ადრეც აღნიშნული სიმპტომი ქრება.
სიმშრალის და პირიდან უსიამოვნო სუნის თავიდან ასაცილებლად მიიღეთ რეგულარულად წყალი. დაგეხმარებთ უშაქრო საღეჭი რეზინა, პიტნა, ნაკლები შაქრის შემცველი ტკბილეული.
კვლავ მოწყენილი ხართ
ანტიდეპრესანტების მიღების შემდეგ თუ განიცდით კვლავ დეპრესიის სიმპტომებს, ეს შესაძლოა აიხსნას შემდეგი მიზეზებით:
არასწორი დიაგნოზი
დარწმუნდით რამდენად სწორად დაგისვეს დიაგნოზი. ჯანმრთელობის სხვადასხვაგვარი პრობლემა იწვევს დეპრესიის ნიშნებს, მათ შორის: ჰიპოთირეოზი, გულის დაავადებები, ორგანიზმში საკვები ნივთიერებების ნაკლებობა და სხვ.
დეპრესიას იწვევს მედიკამენტთა 15% - თუ ღებულობთ სხვა რომელიმე პრეპარატს ანტიდეპრესანტის პარალელურად, ჰკითხეთ ექიმს რჩევა.
მედიკამენტის ეფექტურობას დრო სჭირდება
ანტიდეპრესანტების შედეგი გარკვეული პერიოდის შემდეგ იჩენს თავს, ამიტომ სჯობს გაესაუბროთ თქვენს ექიმს და გაარკვიოთ, რა დრო დასჭიდება მედიკამენტოზური მკურნალობის შედეგს.
ნარკოტიკები და სასმელი - დეპრესიის სიმპტომებს ანტიდეპრესანტები ვერ მოერევა, თუ უარს არ იტყვით მათზე.
აღსანიშნავია ისიც, რომ დეპრესიას კომპლექსური მკურნალობა სჭირდება. მხოლოდ ანტიდეპრესანტებით მკურნალობა ნაკლებად შედეგიანია, აუცილებელია ფსიქოთერაპევტთან კონსულტაციაც და რამდენიმე სეანსის გავლა.
თქვენ იღებთ არასწორ მედიკამენტს
შეცვალეთ ანტიდეპრესანტი, ან იქნებ ფარისებრი ჯირკვლის პრეპარატის დამატებაა საჭირო, ან ლითიუმის, გაესაუბრეთ ექიმს.
ძილის პრობლემები
ძილის დარღვევა თავად არის დეპრესიის ერთ-ერთი სიმპტომი. ზოგიერთი ანტიდეპრესანტი ცნობილია, როგორც აქტივატორი, ხოლო ზოგიერთი, როგორც დამამშვიდებელი.
ინსომნიის შემთხვევაში არჩევანი უკანასკნელზე უნდა შეაჩეროთ, ასევე შეიცვალოთ ცხოვრების სტილი. აუცილებელია ფიზიკური აქტივობა, ნაკლები რაოდენობის კოფეინის და ალკოჰოლის მიღება.
