კუნელი უებარი საშუალებაა - როგორ ვუმკურნალოთ ნევროზს და რამდენად ეფექტურია ხალხური საშუალებები დაავადების სამართავად - მკურნალი.გე

რუბრიკები

ოჯახის მკურნალის ანონსი

ივლისი

კითხვა-პასუხი

კუნელი უებარი საშუალებაა - როგორ ვუმკურნალოთ ნევროზს და რამდენად ეფექტურია ხალხური საშუალებები დაავადების სამართავად

კუნელი უებარი საშუალებაა - როგორ ვუმკურნალოთ ნევროზს და რამდენად ეფექტურია ხალხური საშუალებები დაავადების სამართავად
გვესაუბრება ნევროლოგი, მედიცინის დოქტორი მარინე მეტრეველი.
ქალბატონო მარინე, როგორ უნდა წარიმართოს ნევროზული, სტრესული თუ დეპრესიული მდგომარეობის მკურნალობა?

- ნევროზის მკურნალობა ხორციელდება ინდივიდუალურად, დაავადების მიზეზის შესაბამისად. უპირველეს ყოვლისა, უნდა გაირკვეს, რამ განაპირობა დაავადება, რათა ეფექტური მკურნალობა დაინიშნოს. ნევროზს მხოლოდ ექიმმა სპეციალისტმა უნდა უმკურნალოს. მკურნალობა კომპლექსურია და მოიცავს არა მარტო ფარმაკოლოგიური პრეპარატებით თერაპიას, არამედ ფსიქოთერაპიის კურსსაც, რომლის მიზანიც არის კონფლიქტის მოგვარება ან კონფლიქტური სიტუაციისადმი პაციენტის დამოკიდებულების შეცვლა.

როდესაც ნევროზის მიზეზი გადაღლაა, აუცილებელია ნერვული სისტემის ენერგეტიკული უნარის აღდგენა. ამისთვის იყენებენ თავის ტვინის სისხლის
მიმოქცევისა და ცვლითი პროცესების გამაუმჯობესებელ პრეპარატებს, ვიტამინებს. ძალიან მნიშვნელოვანია ძილის მოწესრიგება, რაც ნერვული სისტემის ნორმალური მუშაობის აღდგენის საშუალებას გვაძლევს. ზოგჯერ ნევროზის განვითარების საფუძველია იგივე გენები, რომლებიც ენდოგენური დეპრესიის მიზეზად მიიჩნევა.

ამ შემთხვევაში ეფექტურია ანტიდეპრესანტების მიღება. მკურნალობის პირველი შედეგი (მაგალითად, ძილის გაუმჯობესება) მკურნალობის დაწყებიდან მეორე დღესვე
ხდება თვალსაჩინო, ხოლო ზოგადი დაძაბულობისა და შფოთვის ნიშნები შემცირებას იწყებს მკურნალობის პირველი კვირის დასასრულს. ანტიდეპრესანტების მიღების ხანგრძლივობა, როგორც წესი, ერთი თვეა. ამის შემდეგ დაახლოებით 2-3 კვირის განმავლობაში მათი დოზა თანდათანობით უნდა შემცირდეს.



ნევროზის მკურნალობის ხალხურ საშუალებებზე რას გვეტყვით? ეს კითხვა აქტუალურია იმდენად, რამდენადაც მკითხველი ხშირად გვთხოვს რჩევას ამ მდგომარეობის დროს კუნელის, კრაზანასა თუ კატაბალახას ნაყენების გამოყენების თაობაზე.


- კუნელი მსუბუქი, მეტად ეფექტური საშუალებაა გულის მუშაობის გასაუმჯობესებლად. იგი ხსნის არითმიას, დადებით გავლენას ახდენს მიოკარდიუმის მუშაობაზე, ხსნის სპაზმს, უხდება არტერიულ ჰიპერტენზიას, ანგიონევროზს, ტაქიკარდიას.

კუნელის ნაყენი აწესრიგებს სისხლში ქოლესტერინის დონეს. ამსუბუქებს მდგომარეობას მენოპაუზის დროსაც. ხანდაზმულებში კუნელის ნაყენი პრაქტიკულად უებარი საშუალებაა ათეროსკლეროზით განპირობებული დაავადებების პროფილაქტიკისა და მკურნალობისთვის.

კუნელი ორგანიზმს ძალების აღდგენაშიც ეხმარება. მისი ნაყენი შესანიშნავი რელაქსანტია, ამიტომ თუ ძილი გაქვთ დარღვეული, სვით. განსაკუთრებით ეფექტურია კუნელი კატაბალახასა და კრაზანასთან ერთად. კუნელს უნდა ერიდონ ორსულები და მეძუძური დედები. სიფრთხილე მართებთ მათაც, ვისაც მცენარეებზე ალერგია აქვს.

წაიკითხეთ სრულად

გააკეთეთ კომენტარი
კომენტარი არ გაკეთებულა
კატეგორიის სხვა სტატიები
მეხსიერება – ქცევის წარმმართველ ტვინის ძირითად ფუნქციას წარმოადგენს. მუდმივად ცვლად გარემოში,
ჰიპერსომნია ძილის პათოლოგიური გახანგრძლივებაა.
"ნიუ ჰოს­პი­ტალსში“ წარ­მა­ტე­ბით ჩა­ტარ­და თა­ვის ტვი­ნის სის­ხლძარ­ღვში გან­ვი­თა­რე­ბუ­ლი თრომ­ბის ექ­სტრაქ­ცი­ის (გა­მო­ღე­ბის) პრო­ცე­დუ­რა
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
საკვების მონელების პროცესის ამა თუ იმ რგოლის მოშლისას,
არსებობს უამრავი კოსმეტიკური პროდუქტი, რომლებიც მსხლის ინგრედიენტებსაც შეიცავს.
მზის მცხუნვარე სხივები უარყოფითად მოქმედებს თმის სიჯანსაღესა და შესახედაობაზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად