დიაბეტური ნეიროპათია შაქრიანი დიაბეტის საშიში გართულება - მკურნალი.გე

რუბრიკები

ოჯახის მკურნალის ანონსი

კითხვა-პასუხი

დიაბეტური ნეიროპათია შაქრიანი დიაბეტის საშიში გართულება

დიაბეტური ნეიროპათია შაქრიანი დიაბეტის საშიში გართულება
შაქრიანი დიაბეტის ერთერთი ვერაგი გართულება დიაბეტური ნეიროპათიაა. როგორია დიაბეტური ნეიროპათიის გამოვლინება, დიაგნოსტიკა, მკურნალობა და პრევენციის საშუალებები გვესაუბრება ექიმი ნევროლოგი, მედიცინის დოქტორი მანანა გორდეზიანი.

- ქალბატონო მანანა, რა მდგომარეობაა დიაბეტური ნეიროპათია?

- დიაბეტური ნეიროპათია შაქრიანი დიაბეტის ოთხი გართულებიდან ერთ-ერთია, რაც გულისხმობს თავის ტვინისა და პერიფერიული ნერვების დაზიანებას.

- რატომ ვითარდება დიაბეტური ნეიროპათია და ვინ შეიძლება აღმოჩნდეს რისკ-ჯგუფში?

- დიაბეტური ნეიროპათიის განვითარებას საფუძვლად უდევს ნერვების უწვრილესი სისხლძარღვების იშემიური დაზიანება, ანუ მიკროანგიოპათია და ნერვულ უჯრედებში - ნეირონებში ნივთიერებათა ცვლის, ანუ მეტაბოლიზმის დარღვევა.

პაციენტების რისკ-ჯგუფია:

  • ხანგრძლივად და მძიმედ მიმდინარე შაქრიანი დიაბეტი, როდესაც გლუკოზის შემცველობა სისხლში დაურეგულირებელია;
  • რისკ-ჯგუფს წარმოადგენს ლატენტურად მიმდინარე დიაბეტისა და
  • მსუბუქი ჰიპერგლიკემიის შემთხვევებიც.

- როგორ შეიძლება გამოვლინდეს კლინიკურად დიაბეტური ნეიროპათია?

- ხშირად ვლინდება ქვე
და კიდურების პერიფერიული ნერვები დაზიანებით, რაც გამოიხატება უპირატესად ტერფებში და შედარებით იშვიათად ტერფის ზურგის არეში:

  • დაბუჟება და ტკივილი;
  • ჭიანჭველების ცოცვის;
  • ჩხვლეტის;
  • წვის და სიმხურვალის;
  • სიცივეს შეგრძნება.

რაც შეეხება თავის ტვინის ნერვების დაზიანებას - ყველაზე ხშირად ზიანდება თვალის მამოძრავებელი და სახის ნერვები, რაც გამოიხატება:

  • გაორებით და სიელმით;
  • თვალის კაკლის მოძრაობის შეზღუდვით, ასევე
  • სახის ასიმეტრიითა და
  • ღეჭვის გაძნელებით.

- რა სადიაგნოსტიკო საშუალებებია?

- დიაგნოსტიკა ხდება კლინიკური ნევროლოგიური გასინჯვით, როდესაც სხვადასხვა სისტემების კვლევასთან ერთად, ზერელე და ღრმა მგრძნობელობის სხვადასხვა სახის გამოკვლევა ტარდება, როგორიცაა შეხების, ტკივილის, პოზიციის შეგრძნების, ტემპერატურისადა ვიბრაციული მგრძნობელობის კვლევა სპეციალური ხელსაწყოებით და რეფლექსების შეფასება.

ინსტრუმენტული მეთოდებიდან ინფორმაციულია ელექტრონეირომიოგრაფიული კვლევა, რაც გამოავლენს პერიფერიულ ნერვებში იმპულსების გადაცემის შეფერხებას.

- როგორია დიაბეტური ნეიროპათიის მკურნალობა?

- მკურნალობა ხორციელდება ანტიდიაბეტური და დამატებით მედიკამენტური თერაპიით, როგორიცაა ალფა-ლიპოის მჟავაჯგუფის ვიტამინები და ანტიეპილეფსიური საშუალებებით, რაც ყველაზე ეფექტურია ტკივილის კუპირებისათვის.

- რამდენადაა შესაძლებელი დიაბეტური ნეიროპათიის პრევენცია?

- დიაბეტური ნეიროპათიის პრევენცია გულისხმობს გლუკოზის მაჩვენებლების რეგულაციას, ენდოკრინოლოგის ინსტრუქციების შესაბამისად ხშირი კონტროლით და ჯანსაღი ცხოვრებისა და კვების წესების დაცვით.

- როგორია პროგნოზი?

- პროგნოზი კეთილსაიმედოა, თუ არ არის გამოხატული მაგისტრალური სისხლძარღვების დაზიანება, ე.წ. მაკროანგიოპათია, სხვადასხვა სახის ინფექციები, ჭრილობები და ჩირქგროვები ქვედა კიდურებზე.
გააკეთეთ კომენტარი
კომენტარი არ გაკეთებულა
რეკომენდებული კლინიკები
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
კვლევებმა აჩვენა, რომ დეპრესია დაკავშირებულია ტვინის გარკვეული ზონების შემცირებასთან.
ცოცხალ ორგანიზმში უჯრედთა და ქსოვილთა კვდომას ნეკროზი ეწოდება. ცალკეულ ქსოვილთა ნეკროზის სიჩქარე სხვადასხვა ფაქტორზეა დამოკიდებული.
პლექსიტი ნერვული წნულის დაზიანებაა. „პლექსუს“ ლათინურად წნულს ნიშნავს, „იტის“ – ანთებას.
ტერმინი „პარკინსონიზმი“ გამოიყენება ნებისმიერ სინდრომთან, რომლის დროსაც პარკინსონის დაავადებისათვის დამახასიათებელი დარღვევები ვლინდება.
ვირუსული ნეიროინფექციები აერთიანებს ცენტრალური ნერვული სისტემის ვირუსებით გამოწვეულ დაავადებებს.
თავის ტვინის კისტა ქალასშიდა სითხით სავსე ღრუ წარმონაქმნია. შეიძლება იყოს თანდაყოლილი და შეძენილი.
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად