ძილის ხანგრძლივობა პირდაპირ კავშირშია შრომის უნართან
ფლორიდის უნივერსიტეტში გამოიკვლიეს, რომ ძილის ხანგრძლივობის უმნიშვნელო შემცირებაც კი იწვევს ანალიტიკური აზროვნების უნარისა და ყურადღების კონცენტრაციის დაქვეითებას. პარალელურად იზრდება სტრესის დონე და მცირდება პროდუქტიულობა.
მეცნიერები მოუწოდებენ დამსაქმებლებს, არ დაუშვან თანამშრომლების გადატვირთვა, შეამცირონ სამუშაო დატვირთვა, რათა გაიზარდოს ძილის ხარისხი და ხანგრძლივობა. ექსპერტებმა გამოკითხეს 130 ადამიანი. მოხალისეები ჰყვებოდნენ რომელ საათზე იძინებდნენ/იღვიძებდნენ, რამდენი ეძინათ და როგორი იყო ძილის ხარისხი. მოხალისეები ასევე უზიარებდნენ მკვლევრებს ყურადღების კონცენტრაციასა და შფოთვით აზრებთან დაკავშირებულ პრობლემებს.
ისინი, ვისაც ჩვეულზე შედარებით ცოტა ეძინათ, უჩიოდნენ ძილის დაბალ ხარისხს, კოგნიტიურ, განსაკუთრებით კონცენტრაციასთან დაკავშირებულ პრობლემებს. ამასთან, ძილის ნაკლებობა დაკავშირებულია მეხსიერების დარღვევებთან, გულისა და იმუნური სისტემის დაავადებებთან.
ლალი ჩხიკვაძე