შაკიკისა და შეშუპების მოხსნის მარტივი საშუალებები
შაკიკის შემთხვევაში დახმარების საუკეთესო საშუალებაა „ტემპერატურის ცვლილება“. თავის ტკივილმა რომ გაგიაროთ, მოათავსეთ ფეხები ცხელი წყლით სავსე ვარცლში, ხოლო შუბლზე დაიდეთ ცივ წყალში დასველებული პირსახოცი ან ყინულიანი პაკეტი.
ასეთი კონტრასტი აწესრიგებს წნევას და აუმჯობესებს სისხლის ცირკულაციას.
ფეხების შეშუპების პრობლემა უფრო იოლი მოსაგვარებელია. საკმარისია თვითმასაჟის გაკეთება. ჩვეულებრივი ბოთლი შეავსეთ ცივი წყლით, მოათავსეთ იატაკზე და დაადეთ ტერფი. გააგორეთ ტერფით ბოთლი წინ და უკან, ისე, რომ მთელმა ფეხის გულმა - თითებიდან ქუსლებამდე - მიიღოს მონაწილეობა. მოძრაობა უნდა იყოს ნელი. როდესაც ერთ ფეხზე იგრძნობთ შვებას, იგივე გაიმეორეთ მეორე ფეხზეც.