რატომ გვეხვევა თავბრუ და რა ხმაურობს ყურებში? - მკურნალი.გე

რუბრიკები

ოჯახის მკურნალის ანონსი

აგვისტო 2019

კითხვა-პასუხი

რატომ გვეხვევა თავბრუ და რა ხმაურობს ყურებში?

რატომ გვეხვევა თავბრუ და რა ხმაურობს ყურებში?
თავბრუხვევაზე, მასთან დაკავშირებულ პრებლემებსა და გამომწვევ მიზეზებზე
გვესაუბრება მედიცინის დოქტორი, ოტორინოლარინგოლოგი, ნეიროოტოლოგი ეკატერინე ხარხელი.

თავბრუხვევა ერთ-ერთი ყველაზე გავრცელებული ჩივილია, რომლის გამოც პაციენტები ექიმს მიმართავენ. თავბრუხვევა სხვადასხვა ადამიანებისთვის სხვადასხვანაირ მნიშვნელობას ატარებს. ზოგიერთი მას წონასწორობის დარღვევის აღსაწერად იყენებს, ზოგიერთი კი ამბობს, რომ ამ დროს მის გარშემო ყველაფერი ტრიალებს.

თავბრუხვევას ნევროლოგიურ დაავადებებს შორის სიხშირით მეორე ადგილი უკავია თავის ტკივილის შემდეგ. ეს შეგრძნება შეიძლება უწყინარი მიზეზითაც წარმოიშვას და ისეთითაც, რომელიც ექიმის ჩარევას მოითხოვს.

არსებობს თავბრუხვევის 80-მდე მიზეზი. იგი ათიდან ორ შემთხვევაში გამოწვეულია შიგნითა ყურის ან
ვესტიბულური ნერვის დაზიანებით. თავბრუხვევის ხასიათი, შეტევების სიხშირე და ხანგრძლივობა ექიმს მისი ჭეშმარიტი მიზეზის დადგენაში ეხმარება.

თუ ღრმა განცდებისა და სტრესის შემდეგ იგრძნობთ თავბრუს, ნუ აღელდებით, ეს გამოწვეულია ადრენალინითა და თავის ტვინის სისხლძარღვების სპაზმებით.

თავის ტვინის სისხლით მომარაგების დროებითი გაუარესებაც იწვევს უსიამოვნო შეგრძნებებს. თავბრუ შეიძლება გამოიწვიოს
ასევე ხანგრძლივმა მგზავრობამ - მიზეზი არასრულყოფილი ვესტიბულური აპარატია, რომელიც მდებარეობს შიდა ყურში. ის გვინარჩუნებს წონასწორობასა და გარემოში ორიენტირების უნარს. ვესტიბულური აპარატის ნებისმიერ ნაკლს შეუძლია გამოიწვიოს რხევისა და თავბრუს სახით გარემოში კოორდინაციის დარღვევა.

თავბრუს მიზეზი შეიძლება იყოს დაბალი წნევაც. ხშირად თავბრუს მიზეზი ვესტიბულარული აპარატის დაავადებაა, რომელიც ვლინდება მდგომარეობის მკვეთრი ცვლილებით, ცივი ოფლით, პირღებინებით და მოძრაობის კოორდინაციის დარღვევით.
თუ თავბრუს თან სდევს სმენის დაქვეითება, ყურებში შუილი (ხმაური) ან სტვენა, ეს შეიძლება იყოს მენიერის დაავადება.
თავბრუს ერთ-ერთი მიზეზი ასევე შეიძლება იყოს ხერხემლის კისრის არის ოსტეოქონდროზი. ხშირად ამას ნაკლებად მოძრავი ცხოვრების წესი იწვევს, ამ დროს თავბრუ გრძელდება რამდენიმე წუთიდან რამდენიმე საათამდეც.

თავბრუხვევას ხშირად თან ახლავს "ყურების შუილი". თითქმის ყველა ადამიანს ხანმოკლე პერიოდში გამოუცდია მცირე ხმაური ყურებში. ტინიტუსის (ყურებში ხმაურის) ზუსტი მიზეზი ხშირად დაუდგენელია. მისი სიხშირე განსაკუთრებით მაღალია ინდუსტრიულ ქვეყნებში ცხოვრების დაჩქარებული ტემპის და გარემო ფაქტორების გამო, რაც საბოლოოდ სტრესული ფაქტორების მომატებას განაპიროებებს.

ყურებში ხმაურის მიზეზიც სხვადასხვაა: ყურის ანთება, გოგირდის საცობი, უცხო სხეული სასმენ მილში, სასმენი ნერვის დაზიანება, ასაკობრივი ცვლილებები, გარდა ამისა, ყურებში ხმაური შეიძლება გამოიწვიოს თავის ტრავმამ, თავის ტვინის სისხლძარღვების ათეროსკლეროზმა, კისრის მალების ოსტეოქონდროზმა, თავის ტვინში სისხლის მიმოქცევის დარღვევამ და სხვა. ხმაურის შეგრძნება შეიძლება გამოიწვიოს ალკოჰოლმა, კოფეინმა, ის ასევე შესაძლოა გამოწვეული იყოს მედიკამენტების გვერდითი ეფექტებით. ცნობილია, რომ 200-მდე მედიკამენტი იწვევს ტინიტუსს, თუ ადამიანი იწყებს ან წყვეტს მის გამოყენებას. მაგალითად ასპირინს და იბუპროფენს შეუძლია გამოიწვიოს ან გაამწვავოს ტინიტუსი, აგრეთვე ტყვიით, დარიშხანით, ვერცხლისწყლით ინტოქსიკაციამ (მოწამვლამ), ალერგიამ, ანემიამ, თირეოტოქსიკოზმა, ცხელებამ, ნევროზმა და სხვა პათოლოგიებმა.

ტინიტუსი შეიძლება იყოს ორმხრივიც და ცალმხრივიც. სხვადასხვანაირია მისი ინტენსიურობაც: წყნარ, მშვიდ გარემოში ხმაურმა შესაძლოა მოიმატოს. განსხვავებულია ხანგრძლივობაც: ზოგჯერ ხანმოკლეა, ზოგჯერ ხანგრძლივი, ზოგჯერ კი მუდმივი.

ხანდახან ხანდაზმულებში ტინიტუსი სმენის დაქვეითების პირველი ნიშანია. მიუხედავად იმისა, რომ ტინიტუსის მექანიზმი არ არის ნათლად გაგებული, როგორც წესი, სტრესი აუარესებს მდგომარეობას. ტინიტუსის მქონე ადამიანს, რომელიც გრძნობს, რომ ვერ იღებს დახმარებას, შეიძლება განუვითარდეს შფოთვა ან დეპრესია.

ყურებში შუილის და თავბრუხვევის გამომწვევი მიზეზის დადგენის შემდეგ აუცილებელია შესაბამისი მკურნალობა. მკურნალობის პრინციპები ერთი მხრივ უშუალოდ ამ სიმპტომების მკურნალობას გულისხმობს, მეორე მხრივ კი იმ დაავადებისას, რომელმაც იგი გამოიწვია. თუ მკურნალობა დროულად და სწორად არ ჩატარდა, საქმე შესაძლოა სრულ სიყრუემდე მივიდეს.

mkurnali.ge

ყურებში ხმაურის და თავბრუხვევის დროს მკურნალობის ეფექტი გამომწვევ დაავადებაზეა დამოკიდებული. სამწუხაროდ, ამ დაავადებათა დიდი ნაწილი (არტერიული ჰიპერტენზია, ათეროსკლეროზი, ოსტეოქონდროზი და სხვ.) ქრონიკულია.

შესაბამისად, ყურებში ხმაური და თავბრუხვევა დროდადრო მცირდება, მერე კი ისევ ძლიერდება. ყურებში შუილის და თავბრუხვევის უამრავი გამომწვევის გათვალისწინებით არ არსებობს მკურნალობის სპეციფიკური ეფექტური მეთოდები. ამ სიმპტომების შესამსუბუქებლად იყენებენ ვაზოდილატატორებს, სპაზმოლიტიკებს, საძილე საშუალებებს და გინგკო ბილობას ექსტრაქტს EGb 761 (სავაჭრო დასახელება ტებოკანი). ამ დროს მედიკამენტური თერაპიის მიზანი არის მიკროცირკულაციის ნორმალიზება და ამ გზით შიგნითა ყურის ქსოვილების და თავის ტვინის ქერქის უჯრედების ჟანგბადით მომარაგების გაუმჯობესება, სისხლის სიბლანტის შემცირება და სისხლის მიმოქცევის სიჩქარის ზრდა.

ტებოკანის ეფექტურობა დადასტურებულია მრავალი კლინიკური კვლევით და ფართოდ გამოიყენება მსოფლიოს 70-მდე ქვეყანაში. ტებოკანი ამცირებს თავბრუხვევის და ყურებში შუილის ინტენსივობას და ხანგრძლივობას, ეფექტურია ნებისმიერი წარმოშობის ყურებში შუილისა და თავრუხვევის დროს.

მკურნალობის ტაქტიკის განსაზღვრისას, გარდა მედიკამენტებისა, დიდი მნიშვნელობა აქვს პაციენტის განწყობას. სამწუხაროდ, დაავადებულთა დიდი ნაწილისთვის თავბრუხვევა და ყურებში ხმაური მძიმე ფსიქოლოგიურ პრობლემად იქცევა და ძლიერ ცვლის მათ ყოველდღიურ ცხოვრებას. ასეთ დროს დიდი მნიშვნელობა აქვს ფსიქოლოგიურ დახმარებას, ირგვლივ მყოფთა თანადგომას. ამ გზით პაციენტის ყურადღება შესაძლოა სხვა საქმიანობაზე გადაერთოს და ხმაურის არასასიამოვნო შეგრძნებაც შესუსტდეს.
გააკეთეთ კომენტარი
თარიღი : 06-07-2019
მედეა
საუკეთესო ექიმი, გამორჩეული პროფესიონალიზმით და გულისხმიერებით!
თარიღი : 03-02-2019
თენგიზი
ვარ 53 წლის.მარცხენა ყურში მაქვს შუილი,უკვე 4თვე იქნება.ვიყავი თურქეთის ქსლაქ ტრაპზონშიც გამოკვლევაზე.გამომიწერეს BETASERC-ი.ექვს თვიანი კურსი.სამი თვეა უკვე ვღებულობ. თქვენი კონსულტაცია მაინტერესებს,ამ პრეპარატის მიღება ეფექტურია თუ სხვა რამეს მირჩევთ.შემიძლია თუ არა გადმოგიგზავნოთ ჩატარებული გამოკვლევების მასალები? ჩემი აზრით გადატვირთული სამუშაო გრაფიკის ბრალია.
რეკომენდებული პროდუქტები
დატვირთული რეჟიმის მქონე პირებისთვის
ფასი: 29.9
5 HPT დეპრესიის საწინააღმდეგო -60 აბი
ფასი: 49.5
დამამშვიდებელი საშუალება
ფასი: 28.9
დიეტოლოგია
დასავლეთ ავსტრალიის უნივერსიტეტის თანამშრომლები დარწმუნებულები არიან, რომ ფინჯანი ჩაის ან ერთი
ექსპერტებმა დაასახელეს ბადრიჯანის სასარგებლო თვისებები, რის გამოც ის აუცილებლად უნდა ჩართოთ საკვებ რაციონში.
ნიუ-იორკის ბინგემტონის უნივერსიტეტის მეცნიერებმა დაასკვნეს, რომ ადამიანს ახალგაზრდობაში უფრო მეტად ესაჭიროება
კატეგორიის სხვა სტატიები
ამერიკელ მეცნიერთა განცხადებით, მოხუცებულობის მარაზმის არიდება აქტიური ფიზიკური დატვირთვებითა და ცეკვებით
კალიფორნიის მეცნიერებმა წარმოადგინეს რობოტი-ძაღლი Tombot, რომელიც მოწოდებულია ალცჰაიმერის დაავადებითა
თუ ადამიანს 40-60 წლის ასაკში ძილის პრობლემები უჩნდება, ეს შეიძლება ტვინში ნეირონებისათვის
სპეციალისტები დღეს უკვე აღარ კამათობენ იმაზე, რომ აუტისტური სპექტრის დარღვევების განვითარებას განსაზღვრავს
ნევროლოგების ჯგუფმა გამოავლინა ცალკეული კოგნიტიური სფეროს ცვლილებები, რომლებიც მოქმედებს
"სტრესი ცხოვრებაა და მისგან სრულიად დაზღვეული მხოლოდ ის არის, ვინც არაფერს აკეთებს." - ჰანს სელიე
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად