ალკოჰოლი მოზარდების ტვინსა და მეტაბოლიზმზე უარყოფითად მოქმედებს

აღმოსავლეთ ფინეთის მეცნიერების მიერ ჩატარებულმა კვლევებმა აჩვენა, რომ მოზარდობის ასაკში ალკოჰოლის მოხმარება მჭიდრო კავშირშია მეტაბოლური პროფილის ცვლილებებთან. აღნიშნული ცვლილებები კორელაციაშია თავის ტვინის რუხი ნივთიერების მოცულობის შემცირებასთან, განსაკუთრებით ალკოჰოლის მომხმარებელ მანდილოსნებში.

მეცნიერები 10 წლის განმავლობაში აკვირდებოდნენ ფინელ მოზარდებს. სპეციალისტებმა შეისწავლეს მოხალისეთა მეტაბოლური პროფილი. კვლევის მონაწილეებს ასევე უტარდებოდათ მაგრნიტურ-რეზონანსული ტომოგრაფია, თავის ტვინის რუხი ნივთიერების მოცულობის შესაფასებლად.

მკვლევარების დასკვნით, ალკოჰოლის მოხმარება უარყოფითად მოქმედებს მოზარდების ტვინსა და მეტაბოლიზმზე. მაგალითისთვის, ალკოჰოლის მომხმარებელ მოზარდებში მომატებული იყო 1-მეთილჰისტამინის დონე. ეს თავის მხრივ კავშირშია თავის ტვინის რუხი ნივთიერების მოცულობის შემცირებასთან.

ლალი ჩხიკვაძე